2007年5月3日 - Bingo同大牙拜拜

今晚媽媽整咗牛骨比我地食.  不過食咗15分鐘倒, 媽媽行出廳, Bingo就突然放低舊骨, 跟住佢.  媽媽行番入走廊, 佢都唔去.  爸爸於是覺得有可疑, 就張開Bingo個口睇, 結果發現....原來佢隻大牙崩咗! 

睇黎佢真係太老, d牙齒都開始脆弱了.  平時佢咩都唔趙, d牙就更加無得鍛鍊.

睇下, 佢成棚牙都無隻完整, 前面有一隻犬齒係Bobo跑時撞倒佢撼落地撼崩的, 其他的牙都掘晒, 都唔知幾時整崩的, 另外果邊的大牙都係崩咗,  畢竟都用咗十年有多.

呢隻就係媽媽享骨骨格離搵番的屍骸, 爸爸放享手上影相.  老豆好肉痛, 果晚成晚都瞓唔著, 結果三點幾要起身睇電視, 哀悼Bingo的牙齒.

Bingo, 以後食骨骨無你份喇!