繼噚日Double媽帶完Single黎後, 今朝佢又話要帶Double黎喎, 可能係想幫細佬細報仇啩. 今次仲帶埋其他朋友仔黎, 有Bu-B同Bobo. 其實我呢排咁燥, 媽媽都驚我地屋仔細細, 又玩困獸鬥好似好牙煙咁. 不過Double媽話唔怕喎, 好! 咁就即管放馬過黎啦!
不過晚上又食咩呢, 爸媽真係傷透腦筋喇. 不過今次佢地真係唔話得, 居然諗倒入黎時訂定燒鵝同小菜外賣, 攞埋先上黎, 好野, 咁我地一家四口就坐享其成啦!
今晚Single仔無黎, 見唔倒佢彈彈下, 我又真係歡顏d喎. 可惜Bu-b爸一黎到同我玩, 我高興得滯反晒肚, 居然比Double偷襲, 又摟打喎, 豈有此理! 我梗係唔放過佢啦, 咪又同佢開片囉. 雖然好快我地又比人拉開咗, 不過老兵唔知係咪知Double今晚黎幫佢細佬報仇, 所以成晚都兇住佢, 佢行近d都E牙鬆鋼! 個衰人Double又玩野, 係都擔晒我地d骨骨去Bingo面前示威!
卒之大家為咗有餐安樂荼飯食, 老豆就用個閘將我同Bingo收監!
Hehe...不過食完飯之後, Double媽為咗以示公允, 都要困番Double一陣. 抵佢啦!
食完飯, 又派完小食比我地, 佢地d人無野好玩, 居然玩括牙石, 老豆仲攞支dental scaler出黎同Bobo媽夾埋整佢d牙!
睇下Bobo幾慘!
呢次我老媽子都睇唔過眼, 出聲話老豆, 叫佢放過Bobo啦, Bobo媽叫老豆照整都唔得. 媽子驚老豆整親Bobo唔知去邊賠番隻牙比人地個女呀! 要整都係人地父母自己整啦!
Bobo媽: 好! 咁我自己黎囉, Bobo你忍住呀!
老媽子話: 老豆你咁想整, 你有本事咪整老兵囉!
但你地估老兵傻架咩, 佢個口仲實過街d坑渠蓋, 你開倒先奇! 老豆梗係要投降啦! Bingo萬歲!
Double: 好在唔係整我唧!
Double媽: 你再郁郁共, 下一個就輪到你!
Bu-B媽: 你地試下搞我Bu-B, 我同你地死過!
嘻嘻哈哈咁, 又過咗一晚喇, 真係多謝晒佢地咁多位, 又叫埋晚餐上黎, Bu-B一家仲要享屋企切定一個菠蘿上黎大家食添! 大家連糖水都唔洗食!
bingo真係醒呀...屎都唔開口...睇佢哋點整 不過bobo有冇反抗呀...
回覆刪除你地呢幾日都好忙喎....咁你媽媽應該唔會再呻悶啦..咁多人來探佢
回覆刪除Bingo萬歲...萬萬歲...^^
回覆刪除我睇相以為你地開片後有誰受傷添，原來係大人玩扮牙醫，你地真係無辜．．好彩ＢＩＮＧＯ勁
回覆刪除嘩,原來你地都咁開心呀! spicy媽唔好再走來走去啦! 乖呀! 薯媽
回覆刪除hehe, 好彩有Auntie Jo極力左止我先唔洗括牙石咋! 牧牧, 我緊係有反抗啦, 不過呀媽一喝我又投降一陣咁多啦!
回覆刪除bingo個口實過夾萬…勁！
回覆刪除Bingo係我既精神領袖黎架, 我咩都睇佢頭, 佢唔開金口, 我亦都係死都唔開. 有一次老豆夾梗要幫我刮, 我之後兩日就跛比佢睇! 老媽子話佢一定係摟倒我, 所以自此, 佢一見我地反抗就要老豆收手!
回覆刪除bingo果然係薑越老越辣.
回覆刪除