呢個復活節假期, 係我一生狗以黎, 過得最辛苦的日子. 老媽子同老豆就風流快活, 去咗浮羅交怡玩, 剩番我同Bingo享屋企. 日頭9-6賓賓姐姐會黎睇住我地, 晚黑呢, Vera 姨姨就會過黎陪我地食晚飯同陪我地, 直至我地瞓覺佢就番屋企.
由於賓賓姐姐平時黎都困我享厠所, 佢嫌我阻住佢做野, 平時幾個鐘都算啦, 但今次要連續五日喎! 媽媽於是就叫佢唔好, 日間要比我自由行. 其實媽媽都唔知賓賓姐姐做咗d咩野, 定有無照做, 總之佢只係黎咗一日, 第二日中午就打咗電話比Vera姨姨, 話佢知我痾咗幾次血! Vera姨姨又番緊工, 唯有叫Arman姨姨打多次比賓賓姐姐問佢詳情啦. Arman姨姨叫Vera姨姨話可以睇定d先, 可能係賓賓姐姐誇張姐, 放工上黎睇下我點啦, 未必洗睇醫生既.
咁Vera姨姨放工就同Uncle Eric一齊上黎睇下我點. 點知一見面, 我二話不說, 就享佢面前痾篤紅豆沙佢睇! 嚇死佢呀, 佢於是咩都唔理, 就的咗我上的士去睇醫生啦. 果時咁岩媽媽打比佢, 佢心急到連電話都無帶走, 梗係無聽啦. 啦尾醫生話無大礙, 配咗藥可以番屋企. 咁Vera姨姨就湊咗我走喇.
接住落黎果幾日, Vera姨姨晚黑都享度陪我, 本來佢想接我去佢屋企, 但又驚我唔慣, 所以寧願自己過黎瞓梳化囉. 但呢幾日我都無咩好轉, 依然都會痾下紅豆沙, 有時係茄喱汁, 又唔肯食野, 除咗Uncle Eric, Arman同Amy姨姨都有黎探我, Amy姨姨仲幫我抺pat pat, 因為我d毛都比紅豆沙同茄喱汁漿住晒.
媽媽一路都有同Vera姨姨通電話, 淨係知我病咗, 但應該無大礙既, 雖然心掛掛, 但都無番黎睇我. 到咗第五日, 爸媽晚黑就會番到黎喇. 呢日Vera姨姨的哥哥享澳洲番咗黎, 仲約佢地黃金海岸飲荼添! 咁姨姨就唯有叫Uncle Eric上黎睇住我, 自己出去鬆一鬆啦.
點知佢去咗無耐, Uncle Eric居然打比佢話我好似無咩反應, 好似唔得喇! 嚇到Vera姨姨死呀! 佢於是立即打比Amy姨姨兩公婆, 要佢地幫忙去屯門車佢番我大圍屋企啦, 媽媽享呢個時候咁岩就打比Vera姨姨, 話享馬來西亞機場上機喇, 佢一路同姨姨講電話, 老豆享格離都心急到死! 其實媽媽果刻都打定輸數, 仲安慰番Vera姨姨轉頭....
去到禽獸醫院, 醫生話我唔走得嘞, 要留醫呀! 咁姨姨地唯有等爸媽落機過黎啦. 老豆成世人渣車最快今次嘞, 由機場番大圍只係用咗20分鐘就到喇!
佢地享醫院見倒我, 我都已經無咩心機, 可能係因為痾咗咁多日, 又無咩食過野, 仲要嬲佢地享我最辛苦既時候去咗玩, 唔理我! 所以我唔啋佢地! 連媽媽伸手入籠, 我都避開佢! 但Amy同Vera姨姨伸手入黎摸我呢, 我就唔會走開! 激到媽媽死!
我享醫院足足住咗兩日兩夜先走得. 醫生話d便便有菌, 要食成個月抗生素. 果兩日佢兩老早午晚都黎睇我, Vera同Amy姨姨梗係都有黎啦, 因為我淨係彩佢地! 你地咪以為我番到屋企就算呀! 我足足嬲咗媽媽一個星期! 有人黎咪探我咪出下黎招呼下客人囉, 佢地一走咗我又呢番埋! 佢兩老咁無義氣, 我地比d顏色佢地睇!
呢次病一病, 唔係淨係累Vera姨姨唔見咗時間, 同令其他姨姨擔心外, 仲要係我唔見咗條尾巴! 因為醫院d人嫌我條尾巴有屎餅, 污糟晒, 佢地居然剪咗佢! 媽媽番到屋企先發現! 先頭以為淨係隻手仔吊鹽水比d針整到瘀晒. 睇下, 我條尾仲短過一把梳呀!
F
回覆刪除