今日係勞動節假期, 經過前日鶴藪之旅, 媽媽番黎哎腳痛之後, 老豆本想叫媽媽享屋企休息一天, 但老媽子又抵受唔住誘惑, 係都要去玩. 結果諗咗成朝, 不如就去尖鼻咀啦, 好耐都無去過, 雖然無咩野睇, 但係平路嘛!
約咗三點鐘集合, 出發途中, Bu-b打電話黎話佢同Double都要遲半個鐘先到, 叫我地行住先. 點知一收線, 呀, 前面撞車呀!! 就享我地前面幾個車位咋! 死啦, 老豆話架貨櫃車咁樣欄腰塞住路, 睇怕可能會去唔倒喇!
不過好彩只係塞咗一陣, d司機走晒去前面叫隔離一架細車洗開, 我地先可以捐得過咋, 嘻嘻, 唔洗遲到. 後面d貨車就無咁好彩lu, 有排等. Nono地途經此路時都見倒大塞車, 要改道經青山公路黎.
到步後, 嘩, 太熱喇, 唯有上上面個觀鳥亭hair一陣先啦. 哇, 老豆同媽子一見倒呢條長樓梯....
我努力爬努力爬!
女女呀, 停低等埋老豆同老媽子啦!
老豆抱Bingo抱到索晒氣.
終於上到頂喇, 影張合照先! 咦, 彈彈下既Single又無份!
Double同Joey再扮兩父女.
等到太陽收晒, 終於都可以開始行喇, 噢, 原來都成五點幾!
路邊有d小菊花, 影下相先啦! 雖然同一個影, 但都各有唔同風格.
Summer好上鏡
加番Double張相先
Bu-b就夠佻皮
傻仔Single生咗兔仔牙既? 哈哈, 個痴線食咗佢前面支花呀!
老媽子, 點解你永遠都係影人地靚d架, 我同Bingo點睇都無人咁好睇...
前面一條直路都無咩特別, 我地地又唔識觀鳥, 今次唔玩障礙賽, 不如賽跑啦! 準備....各就各位...跑呀!!!!
跑咗幾轉, 各各都唔夠癲仔Single快, 梗係啦, 人地係跑, 佢就係
仲唔比我捉倒你
我跑得飄唔飄逸呀? 似唔似人地賣洗頭水廣告呢? 媽媽: 邊有人搵白髮魔女賣廣告架....
好彩! 唔係我包尾, 仲有Bingo墊底!
Bingo都好有體育精神架! 努力追努力追!
Bu-b因為太衝動, 會影響倒其他參賽者, 所以要獨立出賽呀!
如果唔係就會....
Joel都係獨立出賽呀, 因為佢參加既係競步大賽, 得佢一個參賽者!
終點好多記者呀! 不過我都係鍾意契爺多d, 呀媽都唔理喇!
晚黑又去飲囉, 今次帶多兩家親友黎!
不過Summer好似唔多like呢度咁, 睇下佢個樣幾愁? 可能係佢唔鍾意去酒樓飲, 覺得好拘謹呀. 雖然呢度個冷氣好勁, 個個都哎凍, 不過有得揀, 梗係要坐入面啦! 宜家出面係煙人既世界, 以前坐出面的日子不再...
F
回覆刪除