今日係母親節, 正當每個媒體在不斷宣傳呢個節日, 今早個個家庭都高高興興要同媽咪去飲茶, 多謝她的偉大母愛與無限愛心, 我們呢簇狗媽媽好似被遺忘咗. 雖則大家無懷胎十月生呢班小可愛出黎, 亦唔洗經歷十幾廿年的供書教學, 但我地都知道, 照顧一隻 (甚至係數隻) 狗狗絕對不比照顧一個小朋友容易呢.
當然時下仍然有好多人只當佢地係寵物或玩伴, 但我地呢一群全都唔係抱著呢個心態, 而真係當晒佢地係心中的瑰寶, 家中的一份子. 我地當中還有好多對夫婦養狗後才決定唔要小朋友. 有時仲要比週邊的親戚朋友當變態般看待都唔係幾好受. 不過佢地唔係養狗, 永遠都唔會明白我地, 等如我地亦唔會明白點解好多父母在街上見倒我地既狗狗就如洪水猛獸, 你的小朋友就係寶, 我的狗狗就係草.
以前的人說生小孩係為養兒防老, 雖然話現今的爸媽都唔敢再望有咩回報, 但老實講句, 唔望佢地第日買間大屋你住, 父母們都起碼都望老來有個依靠, 有個照應吧. 但我地養狗呢, 就可以說係無欲無求吧, 我地的寶貝永遠都不會長大, 每年媽媽生日或母親節都唔會請我地吃餐飯, 莫講話連買小小禮物氹你開心都唔會.
小朋友都有長大的一日, 父母可望佢會自立, 但狗狗就永遠唔會, 佢地一生一世都雖要你照顧. 照顧年邁的老狗更係小一分心機都無可能. 與此同時, 狗狗只得短短十多年生命, 要經歷佢地既離去亦係一件好痛苦既事.
但可以看著佢地開開心心, 健健康康地活好呢十幾年, 大家都覺得經已足夠, 又那有時間去想老來點算呢? 一句 「你快樂, 所以我快樂」.
講呢番說話唔係想表示我地有幾咁偉大, 不過好想趁呢個時候鼓勵下身邊所有好好的狗媽媽 (排名不分先後), 有Bobo媽, Summer媽, DoubleSingle媽, JoeyJose媽, Nonogigi媽, 牧媽, 檬媽, Mick媽, Cotton媽, 妹妹菠蘿媽, Parco媽, 叮叮媽, 薯媽, 丁茶媽媽, Marco媽, 太多喇, 不能盡錄, 如果遺漏, 懇請見諒.
今日你地d仔仔女女都唔識送禮物比你地, 等我送隻歌仔你地聽啦:
F
回覆刪除