你地估下我噚日去咗邊? 連我自己都估唔倒呀, 就係貝沙灣嘞!
事緣係老媽子星期五接倒柯打話呢個weekend都可能要返工, 享佢力爭之下, 只係應承咗肯星期日做standby, 本以為星期六人搵咗另地番咗, 多數都做晒d野, 星期日都唔洗佢老人家出馬喇啩, 誰不知本來應承咗返星期六果個同事星期五晚打黎話行動有變, 星期六就唔洗番, 星期日依然要standby喎.
咁星期六晚享Jose屋企勞生話聽人母親節佢放假呀, 媽媽見勞生咁少可以假期出動, 就梗係要奉陪啦, 但去邊好呢, 媽媽要on call, 一個電話就隨時都可能要仆番中環喎...唔....原來Jose媽咪星期日都係要返會展喎, 咁媽媽提議不如去香港島啦, 佢先前見有間幫狗狗影相的公司都係享貝沙灣取景, d相都幾靚喎, 地方應該唔錯.
媽媽都有個同事住享果度呢, 仲養咗兩隻大班點添, 應該係一個養狗的好地方!
點知朝早爸爸見唔精神呀! 仲瞓到12點先醒. 媽子諗都係無望喇. Double同Bu-B都分別打過幾次黎, 媽媽都話老爸無反應, 攰泥泥, 邊都唔去喎. 不過佢兩個又去鶴藪, 老媽子話一來唔可以遠足, 二來佢都開始覺得成日去果度好悶啦! 你悶咩, 我唔悶喎, 乜你地咁架，宜家同我去定你自己去唧！
到咗成三點幾，老豆先突然回魂，話肯同我地出去喎．其實媽媽兩點幾都接倒電話, 知道唔洗返工，所以預咗唔出去，因為早上老豆話唔肯過香港，又係嫌遠，但呢個時候又調轉頭老豆又要佢打比勞生話約埋一齊去喇喎．喂! 你兩個好煩呀！結果當然係老豆要屈服啦! 佢仲自己打比Vera姨姨叫佢一齊去添. 不過Vera姨姨仲應酬緊Vera媽媽, 都未放得人, 但佢嚇老豆話之前有網友去比人趕喎. 於是老豆又勸老媽子唔好去果度啦, 不過以佢既脾四, 一於少理, 好在老媽子一意孤行......
佢兩個就係咁之之坐坐，結果搞到四點幾先出發, 去到都將近五點lu. 點知原來勞生都未接倒勞太黎. 唏, 又唔係遠足, 唔洗等埋一齊啦, 我地自己邊玩邊等都得!
一去到, 我同媽子都兩眼發光, 個草地好大好靚呀, 因為係海邊又係黃昏, 所以好大風, 好涼播! 睇下我地吹到頭髮都亂晒喇!
老豆轉頭就去咗泊番架車入停車場, 淨低我地同媽子, 個跛婆唔跑得, 驚追唔倒我地, 所以為有輪流放繩啦.
呢張係佢迫我同Bingo一齊影的! 係咪好似好合作呢, 其實我地都無放繩, 所以黐實無得走!
轉頭就放咗Bingo先, 睇下個傻佬開心到!
等老豆番黎無耐, 勞氏一家都到嘞!
平時最乖巧的Joel今日唔知做咩走咗兩次佬呀! 追到勞生索晒氣, 可能佢見佢媽去咗迫車, 以為勞生唔知帶佢去邊開工啩, 不嬲都係媽媽帶佢出黎玩架嘛, 佢唔要放假都跟住呢個男人播!
今日都係Jose乖d, 影相又合作.
大人國與小人國嗎?
係咪淨係望住小人國順眼d呢....
嗱, 呢張相無綁繩架. 後面條繩圍住果丁點地方就係所謂的放狗區, 不過無人享入面放狗喎. 大家都享出面癲, 媽媽先前仲以為要保護入面d草所以欄住唔比人入添! 
媽媽都視察咗好耐, 地上真係搵唔倒茄茄, 証明果度d人都幾有公德心, 佢先敢坐低咋, 希望以後都係咁就好喇. 我頭先都有放低幾兩架, 果時仲得媽媽一個, 老豆去咗泊車, 媽子老遠跑過黎幫我善後, 一粒一粒追住我大搜查, 話唔好破壞咗個美好既環境喎.
佢咁潔癖都敢放隻手享地....
下面呢張相係影比Vera姨姨睇的, 眼見公園邊邊有個好似小型羅馬廣場既地方, Vera姨姨話睇人地d相覺得入面d石像好得意, 不過媽媽同Joel媽就覺得, e.........
本來佢地都唔諗住入去, 因為先前入面都好多人, 但臨近天黑, d人差不多走晒, 入面有個灑水器淋緊地下, 哇, 我開心到衝咗入去, 踩踩踩! 變咗泥腳仔, 爽呀!
anyway, 都入到黎就影張相比Vera姨姨睇下, 等佢開心下啦! 
晚上本來老媽子打算同我地去淺水灣大佛口食坊食海鮮, 點知去到先知原來已經摺咗 (其實老媽子都估倒, 仲話去唔倒咪去赤柱囉, 係老豆唔信姐). 不過早兩年老豆老媽子成日帶我地去果度食晚飯, 宜家得番幾張欄椅, 好蒼涼呀.
咁就唯有去赤柱啦, 去到條大街, 間間舖出面都有一兩枱有狗, 咁就是但呢間啦, 得佢無咋. 不知係咪前因為前面整路呢.
食完飯, 仲未散band喎, 皆因停車場要買滿四佰個大洋先可以免兩小時泊車, 起初老豆都叫老媽子買二百, 免一小時就算喇, 因為朝早先去百佳入完貨大批, 上到去Taste實買唔倒野啦.
誰不知媽媽同勞太兩個傻婆, 一入到去就好似癲咗啦, 都唔洗15分鐘就好似電視台玩遊戲咁, 攞到一車都係, 呢次輪到佢地哎, 爽呀!
卒之好在老豆醒目叫勞生看住四隻狗同兩架車, 佢黎幫手攞先掂咋! 咁又玩到成張近12點先番屋企喇. 呢兩晚玩到咁夜, 我幾個月黎都未食過狗糧, 卒之一口氣要連續兩晚都靠佢為生. 好在媽子無丟到包救命糧唧!
F
回覆刪除