2007年5月24日 - 又有訪客喇!

今日下午接倒電話, 又有人黎探我同媽媽喇!

你地估下係邊個?  咪係我既至愛, Tanbie哥哥囉!

Gigi:  哎吔, 我無眼睇你兩兄妹喇, 見親面都雞啄唔斷既?

老兵: 咪係囉!  隔住我都咁多野講既?

 

老兵:  你兩個野收口呀..................!!!

媽媽話等Gigi坐中間, 大大隻隔住我地, 影完相先傾喎!



終於要老兵同大山婆一齊出馬, 四個壽頭先可以正正經經一齊影張相!

今日下午姨媽上黎時發生咗一件趣事, 就係管理員唔知係咪認咗姨媽同Tanbie Gigi係我地呀!  姨媽同媽媽身型差唔多 (咁當然姨媽fit過媽媽啦!), 又係一隻啡白, 一隻雲石色, 管理員唔單止無問佢地, 仲同姨媽講話: "去完街街番黎嗱!"  真係笑屎人喇!

本來下午係講好咗黃昏帶我地去荃灣碼頭行下 (不過老豆反對咗成日, 佢話媽媽用拐杖唔可以吉咁遠, 車, 媽媽都係諗住去到坐埋一邊之嘛!), 但臨入黑突然陰霾密佈, 好似會落大雨咁, 我地四個唯有留享屋企, 媽媽同姨媽地四個就出去荃灣食飯!!!

晚飯時姨媽同媽媽講起佢地買我兩兄妹果時d開心野, 仲講到雞啄唔斷咁, 我當年係比早哥哥一日返屋企的, 佢兩個傻婆話成世人都未見過一樣野係一見鍾情得咁緊要. 爸爸同姨丈到今日都笑佢兩個癲啦!  大家本來果時都諗過買狗, 但果日一見倒我地就發晒癲! 媽媽仲記得果時不斷同自己講: 冷靜d, 冷靜d!  所以自己都出咗寵物店行咗一個圈, hehe...姨媽話, 你可以行出舖頭呀?  我去一去金魚部冷靜下咋!