呢兩日天氣都幾好, 不過下午仲係好熱喎. 前一晚Bobo媽已經打電話黎話Bu-b媽問去唔去玩, 媽媽今次真係收心養性, 話要比隻腳好好咁抖下, 暫時要告別遠足界喎. 宜家佢只會帶我地去公園, 好似獅子會呀, 清水灣呀咁咋. 不過老豆就成日都話果度遠, 其實都唔係幾想去, 車, 鬼叫我地呢邊無呢d平路既大公園咩!
咁Bobo就同Bu-b先出發去相思灣玩, 晏d先黎清水灣會合我地. 佢地仲叫咗Joey同Jose黎添呀. 今日我地仲去九龍接埋姨媽呀. 不過就要辛苦姨媽就後坐一個人攬住四隻狗啦, 佢個大山婆Gigi一上車, Bingo就坐咗落地下抗議! 死都唔肯同佢一齊坐, 最後姨媽都花咗好多時間先可以氹番佢上黎. d老野真係嘛鬼煩!
一去到我地都梗係黎番個喪跑, 視察下環境先啦! 連大山婆都跑! 我都費事啋佢, 調頭就走!
我都係鍾意自己跑多d, 難得bobo未黎, 嘩, 幾free呀! 佢到咗就要比佢跑夠先, 然後要勞煩Vera姨姨震住佢我先有得玩喇!
白面鬼哥哥黎喇! 佢白到會反光!
媽媽成日話我個背面都幾靚, 好, 咁我就另個pat pat比你影到夠啦!
玩夠就要停底比媽媽影下相啦, 唔係下次就無得黎!
Bu-b岩岩剪咗頭髮, 媽媽好鍾意佢呢個齊整look呀, 又話佢d皮好滑, 成日都要摸佢!
Joel雖然大大隻, 不過襯落d花花度又好好睇喎.
我跌咗落個花洞度....
我老豆呀! 佢成日都話媽媽唔幫佢影相, 都唔明, 成日都要同我影既?
臨天黑前影番張大合照先! 影緊果陣好多人圍觀, 仲有人偷拍添呀! 不過大山婆好唔合作, 姨媽都要捉咗好多次先捉倒佢. 你知佢啦, 成日woo woo聲, 好似想殺人咁, d uncles aunties 無人敢掂佢呀, 連姨媽都只係敢用口叫佢sit咋, 姨媽以前試過用手ong佢叫佢坐好d, 佢就發惡咬人喇! 哈哈, 所以佢鍾意點坐就點坐啦, 坐埋一邊仲好, 因為佢坐過黎woo woo聲, 我同bu-b都彈開抗議, 唔肯一齊影! 今晚見倒姨丈你就知味道, 個個都篤你背脊呀!
晚黑我地去咗Jose屋企玩, 好開心呀, 我又瞓佢媽媽的大波波豆袋, 皮黎架, 幾舒服呀!
仲私自跳埋上去佢地張按摩度, 睇怕佢地勞家三份公子都無份坐. 你地d人發現我時已經太遲喇, 因為我已經瞓得不知幾舒服! 哈哈哈!
到Jose大契出場! 老媽子見咁名貴, 梗係又要迫我埋去影相啦!
哥哥唔合作, 你快d笑下啦, 唔係有排都收唔倒工呀!
個個都苦口苦面....
今日真係人狗都盡慶而歸呀, 皆因勞生除咗借咗大老婆表演之外, 仲沖埋ucc咖啡比各位飲, 大家玩到成12點先走呀!
F
回覆刪除