噚日double媽話今日可能帶single黎探我, 我地仲以為佢講笑添. 點知今朝老豆同老媽子就接倒電話話佢就黎黎喇, 好野! 媽子仲話不如一齊整餅餅比我地食啦, 不過double媽話不如整蛋糕, 因為早兩個星期single仔生日都因為病咗無食過蛋糕. 咁就整蛋糕啦!
不過今日佢地黎之前發生咗一段小插曲, 就係老媽子享對面街食完野返上時居然行行下暈咗! 雖然只係幾分鐘, 不過都辛苦到佢屎, 其實老媽子由頭到尾都係有支覺的, 只不過係突然覺得抖唔到氣同好想嘔, 果時仲淨係覺得睇唔倒野, 週圍d野好似轉轉下咁, 話口未完就企唔倒跌低喇, 兩隻拐仗都渣唔住! 好在側邊係個鐵絲網同埋老豆享隔離, 先至不至於瞓享地咋. 拉尾挨咗享鐵絲網的石壆下面抖咗十零分鐘, 無咁辛苦時就老豆抱佢番去大廈大堂, 先前老豆趁媽子食野時去百佳買既野就要由過路既一個師奶幫手攞番去, 真係瘀到爆呀! 去到管理處, 仲要享大堂的梳化坐多十零分鐘先行得, 果時double媽都到咗, 仲嚇到佢屎!
不過佢上到屋企抖多陣就精神番啦, 仲可以一齊整蛋糕添. 黃昏先去睇醫生. 醫生話不過係耳水不平行姐, 無大礙!
今日焗既香蕉蛋糕呀! 好香呢!
Single仔都好辛苦, 又要望鏡頭, 唔準理隔離個蛋糕喎.
不過我今日唔知點解好燥, 其實前日Gigi黎果時都係咁, 我唔比Single仔埋媽媽身邊, 佢一行近d我就撲埋去咬佢! 結果比老豆罰帶口罩! 不過轉頭我又黎過! 今次Single仔都不甘示弱, 居然還手喎! 我咪擒住佢黎打囉, 結果老豆享廚房衝出黎抱起我, 但我個口仲咬住Single, 將佢成個吊起! Single媽都睇倒呀! 老豆仲享我個口抓番一執Single毛出黎, 勁呢! 不過唔洗講, 我今次比人罰得更金啦.....
你班人仲要迫我影相! 真係對人歡笑, 背人垂淚呀!
影完相, 我都走番入枱底, 費事理你班友, 居然夾埋黎洽我!
Spicy你做咩心情唔好呀，梗係天氣太熱啦！你叫媽媽小心身體喎，保重呀！
回覆刪除Bread, 你有心喇. 我估老媽子可能呢排養尊處優得耐, 今日又咁"藝"焗, 可能一時血氣唔夠啩. 佢話我越黎越嗅擋, 宜家有人黎探我佢都要分外留神啦!
回覆刪除天氣咁熱, 叫你mama留响屋企啦...如果唔小心再整親...咁真大鍋啦.... 你做乜咁曳曳呀? Single仔咁cute, 你都蝦佢... 香蕉糕好靚喎....可借CaMa少吃蕉......
回覆刪除Spicy媽，小心身體，保重呀！ Spicy，Single係細路，你就讓吓佢啦！
回覆刪除CaMa, 我就係唔抵得佢懶cute, 成日彈彈下咁! Cotton, 你唔知架喇, 本來自已彈彈下咪好囉, 又要哄下我老媽子, 我都唔知幾時變咗個醋呈, 邊個埋黎我啄邊個! 香蕉我老媽子都嘛嘛地, 但係好有益, 所以耐唔屎都會買黎食架, 用黎整蛋糕就一般啦, 人果d就太甜, 以前婆婆好鍾意去"紅屋"買黎食, 因為食得太多, 宜家媽子諗起都驚!
回覆刪除auntie jo, 我double豬今晚都食埋老媽子帶返屋企d 蛋糕糕.. 好好味呀... 食淨係咪要包保鮮wrap 放入雪櫃呀
回覆刪除我呀媽都試過係公司樓下暈，佢冇你咁好彩有人扶，要死頂…又驚魚唔敢同隔離d人講叫人扶，之後靠意志頂住涯上樓…坐左陣即刻sick leave閃！
回覆刪除spicy, 做咩咁燥呀!!! 叫亞媽比d廿四味你啦!!! 你咁對d客人, 就冇人黎探你, 又冇街去啦..
回覆刪除但係single仲笑得出喎... 冇嚇親double媽丫嘛... 你咁樣咬single..
回覆刪除mick媽, 原來你都試過呀, 咦, 你媽同我媽都幾似喎, d筋骨又溺, 體質都咁溺... double媽真係未驚過, 話陣間再帶double過黎挑戰過, 可能想幫細佬報仇呢!
回覆刪除Spicy媽, 你要小心身體呀, 好在你老公係身邊咋~~~
回覆刪除Spicy 媽, 你真係要好好休息吓!
回覆刪除spicy媽好番要補補身, 身體好弱呀! 小心保重.
回覆刪除多謝你地呀, 我媽試過噚日朝咁, 宜家唔會梗撼架喇, 今朝都唔敢落樓下食野喇!
回覆刪除