Sheltie Spicy - 藍眼睛看世界: 2007年5月19日下午

出發前. 睇下我個四方鼻, 係咪有點似cocker?

享車上無離神氣, 隻右眼又掙唔開....

媽媽, 唔好影我個右邊面好唔好? 一陣又話我似cocker, 一陣又話我似bull terrier!

去到醫生度仲有15分鐘先夠三點, 所以一去到下一個就到我. 醫生問我有無比虫叮過, 屋企有無種咗新植物, 梗係無啦, 我呢幾日都無出過街. 醫生話唔似係食物或藥物敏感, 因為敏感唔會只係腫一邊面的. 不過量倒我有發燒呀! 都估倒啦, 我個樣咁謝! 佢都懷疑係我d牙....於是就想張開我個口, 佢只係睇咗我一下, 就一下咁多啦, 跟住我就死命反抗, 無論助護姐姐, 同爸爸合力, 我都死拼唔肯比醫生睇! 醫生又氹我又喝我都唔得. 終於佢無晒辦法, 唯有. 唔洗睇? 梗係唔係啦, 係要麻醉我呀! 佢話我咁唔合作, 無法啦. 於是就享我個籮pat打咗一支針, 助護姐姐幫媽媽拖番我出去, 等藥力發作再入過去喎.

助護姐姐話8、90%的狗狗麻醉咗都會嘔, 仲比定大叠報紙叫媽媽接住啦. 又叫媽媽唔好抱住我, 唔係實嘔落佢個身度. 媽媽話唔怕啦! 佢唔怕! 睇下我個樣幾辛苦.

老豆泊完車, 入到黎見倒我咁樣, 話一定係媽媽抱得我舒服喎. 因為媽媽要就住隻腳唔可以咭高嘛. 於是爸爸就佢話佢自己抱, 媽媽拿住報紙同膠袋好過喎.

點知佢接過手, 我就失去支覺暈咗嘞! 爸爸好驚呀!!! 佢話未試過抱住我好似宜家咁, 軟拉拉, 無晒反應, 媽媽話佢真係無鬼用, 又爭住要抱! 媽媽仲話要影低我, 但老豆一路哎驚, 手都震埋!

原來我暈咗係會伸條脷出黎架喎.

老媽子話趁醫生房有人未入得住, 快d張開我個口睇下啦! 係喎, d牙肉腫晒, 漲仆仆, 個鼻鼻好肥好大呀.

跟住爸媽見醫生房個人出咗黎, 拿拿聲捧番我入去, 今次任人魚肉喇! 不過hehe,

我無嘔過呀!

經醫生詳細檢查, 佢話我隻大牙上面既牙肉發咗炎, 因為隻牙崩咗, 所以細菌入倒去喎. 宜家最好辦法就係剝咗佢!

老豆聽倒眼都突埋! 不過醫生話宜家隻牙崩咗都無咩用, 留佢享度都係要黎發炎喎. 宜家要食抗生素同止痛藥, 兩個星期後返去覆診先決定幾時剝喎.

但係出咗診所, 老豆話屎都比我剝喎, 佢話我地仲可以用果隻牙黎趙野, 好地地做咩剝咗佢喎. 媽子都唔知點好, 不過宜家等兩個星期消咗腫先算啦.

醫生話唔洗擔心, 多數都係隻牙崩牙搞到牙肉發炎姐, 唔似係生癌. 媽媽答: are you kidding??? 嗄, 癌? 諗都無諗過喎. 醫生話係呀, 我地同Collie呢種長鼻狗生鼻癌都好普遍架咋! 不過係癌的話就會慢慢腫的, 唔會一瞓醒就腫喎. 哇, 又試學多樣新野....

醫生檢查完畢, 原來我係唔會自己醒的, 要打番支回魂針, 魂魄先會番黎架!

不過唔知點解頭先麻醉支就咁打籮pat, 今次就要剃哂d手仔毛先打得, 媽媽望住醫生打, 你知佢一向肉赤人地剃我d毛, 但見醫生打一半又抽一半, 抽番d血入個針筒度, 再打一半, 抽多下血, 先打晒入去, 唔知係咪想用d血溝均d藥呢? 不過打咗針三十秒度, 我個頭仔就開似會郁喇, 醫生仲拍下我個頭, 同我講welcome back! 跟住個個都笑我!

不過回魂針d藥力好似好短咁, 因為好快, 我又wing wing下喇. 老豆抱我走時都再問醫生, 佢仲會唔會嘔架, 醫生話唔會啦! 我係咪好叻呢!