今朝媽媽起身見我懶洋洋咁厘享牆角, 仲同爸爸講, 笑我未瞓醒矇口矇面. 陣間你就知...
轉頭媽媽叫老豆起身搞掂我地叫我地去厠所, 因為我好懶, 朝朝都要人催先去架, 老豆都唔發覺我有事, 跟住就去煮早餐. 誰不知佢入咗廚房無耐, 就聽倒媽媽大叫, Spicy個頭腫晒呀!!!!
就係咁樣嘞! 成個右邊面, 腫到眼都掙唔大.
睇相可能唔係好覺得我個面漲仆仆.
左邊面仲有線條, 有狐度的, 但右邊面就肥嘟嘟.
宜家連個鼻都歪歪地, 又大細眼. 左邊面好似無腫, 但隻左眼就好似帶咗con咁有一大塊眼膠蓋住隻眼珠.
我宜家好攰, 佢地叫咩我都無反應, 媽媽叫抱抱我都唔出黎, 老豆仲整d"接接"聲撩我玩, 我都費事啋佢地喇, 我要入房抖陣先.
媽媽已經幫我book咗見Dr Tint, 最快3點就有得睇, 佢地話會早d落去喎, 今日媽媽終於要出關嘞! 唔知陣間用住拐杖掂唔掂呢, 希望唔好落雨啦.
我咁大個狗除咗一次尿道炎同一痾血之外, 都未試過無端端要睇醫生. 今次真係老貓燒鬚嘞! 陣間番你話你地知醫生點講.
塊面有無好似硬硬地成"夠"咁 (腫左o個面)?? 有無發燒"興"晒咁呀?? 如果有,睇醫生前可以叫媽媽幫你搵冰"孚"下?? 之前 gigi 試過有類似情況, 醫生話可能係俾昆蟲針, 打左針食d藥就會好快好番, 希望你怏些無事, 唔好嚇傻媽媽爸爸呀!!!
回覆刪除塊面又無硬掘掘呀, 不過老豆話揭開我個口, 右面的牙肉全部都腫晒喎. 本來媽媽想幫我探熱, 不過老豆話都book咗睇醫生, 就去到醫生度先探, 唔好搞我喇喎.
回覆刪除咁又未必係比野針, 唔通牙肉發炎?? 都係快d去定診所等, 睇下咩事對正下藥至得啦...
回覆刪除spicy,你要叻叻呀!祝福你快快好番! 薯媽
回覆刪除SPICY,希望你快D好番啦
回覆刪除Spicy你個樣真係好謝喎... 唔通你出智慧牙? 你唔似咁有智慧喎... 快d返來報告病情呀!
回覆刪除番到屋企未？好擔心呢！
回覆刪除返咗黎喇, 媽媽宜家幫我整理緊d相, 轉頭有得睇!
回覆刪除臭妹真係成個樣都謝晒呀!
回覆刪除spicy, 我諗我地兩家都要一齊去撒撒豆豆... 去驅邪驅鬼...驅邪驅鬼囉......
回覆刪除狗狗...你要快些好返啦!
回覆刪除睇相真係唔係太覺咋噃... 希望你快d無事啦...
回覆刪除陰公囉....真係大細眼喎.....快啲好番啦....叫你媽子都要小心啲
回覆刪除