由3月18日跌親到宜家, 都差不多兩個月喇, 但隻腳都一直都無乜好過. 最先入院照咗x-ray, 結果係無骨折, 跟住享屋企抖咗唔夠一個星期, 又要因為嫲嫲的突然離世, 仲要上大陸奔喪.
上個月都仲有行咗幾次山, 雖然大家都遷就我, 只係揀d易行的路線, 但最近就算連續兩星期的尖鼻咀, 全石屎平路, 都自覺隻腳原來已經負荷唔倒. 所以近呢兩個星期都只係敢同佢地去下郊野公園啦.
到上個星, 總共做咗近十次物理治療 (其實之前仲搵跌打佬做過兩次手力治療), 骨科醫生見都未有好轉, 就建議我去照磁力共振. 其實三年前左腳拗柴都已經照過一次, 結果都係無事. 所以我諗醫生都係保險d姐, 問咗保險公司都應該可以賠倒, 咪去照囉, 因為照一次都成四千蚊.
結果噚日下午就去咗見醫生睇報告. 結果出乎意料, 連醫生都嚇一跳, 原來腳腕入面的骨頭 (talus) 真係裂咗 (其實之前我描述比醫生知我的痛症時, 佢都有曾經懷疑過有機會係呢舊骨有骨折, 因為x-ray係未必照倒的. 同埋據我形容普通拗柴唔會咁嚴重. 與此同時, 包住我腳腕的韌帶, 亦有好明顯斷過的跡象, 不過從圖片睇黎韌帶就似在康復中.
一般黎講, 普通跌倒好少會傷倒呢舊骨. 醫生話除非劇烈運動如滑雪先至會有機會做成呢種損害. 佢噚日都覺得好不可思議, 要我再表演多次究竟係點整倒的. 唉, 一早咪講咗囉, 就咁落樓梯時拗柴之嘛, 佢又再從申, 通常都係滑雪.........................
好啦, 咁宜家點呢? 結論就係要停止令隻右腳再負任何磅, 包括行路都唔得! (放狗行山當然一概免問啦) 因為至少未來的六星期, 隻右腳都唔可以掂地! 結果我噚日下午睇完醫生就的住呢兩支野返公司. 醫生話要行的話就一定要用佢! 我答如果你都要我先享屋企抖兩個星期, 咁我兩星期後再黎攞吧. 答案係NO! 因為就算行去廚房, 都唔可以唔用! 唉!
本來約咗4.40分睇醫生, 去到等咗半小時, 由5.15分見醫生, 傾咗半小時, 再等物理治療師教我點用, 然後出走廊練習行平路同上落樓梯, 我已經辛苦到得番半條人命!
醫生仲要我再照多兩張x-ray, 因為要由今日開始做對比, 兩個星期後再覆診, 一路照多幾次, 先知道進展! 本來我想聽日先再番去照, 但練習完用呢兩支野, 我都已經一身大汗, 對手好似唔係我咁! 索性不如立即就落診所樓下的醫療中心照埋先走! 聽日行少一步就用少呢兩支野一陣都好! 好在佢地六點半都未關, 但我七點又約咗享旺角做facial, 唉, 早知見一見醫生就咁大獲, 我就一早取消啦, 因為唔夠六個小時通知, 會當no show錢照扣的.
咁卒之照完就用呢兩支野由美銀返去中銀, 明明係對面馬路, 我因為唔想用呢兩支想上天橋, 結果明明5分鐘的路, 我都用咗20分鐘先捱到返去! 執埋d野, 又大個手袋, 又大摺MRI片, 再篤呢兩支野去中環地鐵, 我已經頂唔住, 去到仲要發現自動扶手電梯岩岩壞咗!!!! 我索性拿住佢地就落樓梯, 因為用佢地黎落, 一世都未到呀. 晚上叫老公去旺角接我, 我只係行咗半個街口, 返到屋企對手同個膊頭都差不多甩落黎喇. 今朝老公已經將走廊的狗閘拆咗, 方便我用電腦椅走動. 估唔倒兩個月前的一星期電腦椅生涯又番黎喇!
黎緊郊野公園, No Way! 月尾的游水團, No Way! 本來訂咗機票六月尾去北海道都唔知到時會唔會No埋Way添....
已經停咗兩個月的瑜珈, 宜家從做就更是遙遙無期!
我都知那枝野唔易用, 分分鐘用完佢兩星期, 個膊又橫左, 手臂都FIRM哂, 一定FIT過做YOGA.. 既然知道問題係邊, 你真係要捱過佢, 再整親就弊, 佢地會等你回航架!!! 網上聯誼先啦!!!
回覆刪除大雄, 唯有係咁啦, 唔對住部腦都唔仲有咩可以做. 宜家我由書房出廳都有壓力, 無咗張碌碌椅就邊都唔洗去, 噚日都係用咗對野一陣, 我手指公下面兩舊肉宜家都痛到不得了. 可以的話我都唔會用佢! 手臂睇怕就firm唔倒了, firm個手掌啦! Mick Mick, 我係睇番註骨科診所入面的物理治療師, 但暫時都唔洗再做住, 因為要等舊骨同韌帶埋口先.
回覆刪除AIYA.....咁大件事呀.....小心d 呀!!!!
回覆刪除咁大件事既, 咁你要小心d, 耐心少少等隻腳好番呀~~take care~~
回覆刪除spicy, 我有辦法, 就係狗友舉家去你家開party咪得law..又可探下你, 又可傾下偈, 唔洗你咁悶, 最多叫外賣吃羅.. 我見有d人會用毛巾包住揸手位, 你可試試..唔係對手傷埋就弊..
回覆刪除等生埋d骨&韌帶, 咁同no爸上次同唔同架, 我見no媽唔知煲d咩佢食, 好似會快d好..
回覆刪除今朝有舊同事打去老媽子公司搵唔倒佢搵咗黎手機, 見佢咁慘唔出得街, 都話要黎探佢幫佢解下悶. 同狗狗開party, 我都想呀, 梗係happy啦, 敝在我間狗竇好似豆腐潤咁細呢, 個個黎到就算唔企, 都只可以坐享地, 無得郁! 不過今朝Vera姨姨都提議咗話佢地遲d放完狗的飯局可改我屋企對面, 仲話兜埋架車過黎我樓下, 等我老媽唔洗行! 好, 等我試下你個方法先. 不過老媽子發現, 一日最衰都係佢個人重, 如果輕d, 咁咪可以用少d力落個扶手度囉! 煲野唔係你醒d咩? no媽都有一手? 宜家醫生淨係建議佢食glucosamine (氨基葡萄糖), 補充番d軟骨咋, 呢隻野Bingo以前都有食過幾年, 老實講, 只係supplements唔係藥, 老媽子就覺得幫助不大, 不過總好過無啦, 但起碼要食3-6個月先可以見倒效果!
回覆刪除咁你唔返得工工呀... 要留屋企幾耐呀, 我老媽子呢兩日都病左係屋企呀....
回覆刪除都係兩個星期0者.... 緊係抖返好隻腳腳先啦...橫點咁熱, 你咪當抖暑囉....
回覆刪除同醫生講, 你用左個滑雪姿勢落樓咁囉~~~wakakaka 真係要休息先得ga, 唔講得笑, 好返先再玩過啦~~~~
回覆刪除唉, 唯有係咁啦, 不過係先寫兩個星期假紙先, 返工前再去寫多d喎. 之後就算係要返工, 都要用呢對野四至六個星期, 因為隻腳唔可以掂地, 咁咪即係邊度都唔洗去囉!
回覆刪除隻腳整親可大可小架...都係乖乖地休息下啦....遲 d 好番做咩都得啦.. !!
回覆刪除你乖乖地聽醫生啦...响屋企休息多啲, 如果悶就寫多啲俾blog友睇啦.....希望你怏啲好番啦
回覆刪除我上次十字韌帶斷左,醫生話唔會自己好返, 因為好小血管到,如果要完全好返要做手術駁...不過腳腕的韌帶我就唔清楚啦.我上次都有照mri, 不過照完個result會比實際個傷為嚴重,因為mri好sensative. 我做完內窺鏡就知道完本話有爛既半月板原來無事...唔係就大大獲. 所以除左mri醫生既診斷都好重要, 可以比d片比多一個醫生睇下有咩意見. 食魚油丸同飲蘆薈汁會有一定幫助,因為個傷口可以愈合得快d. 不過完全唔郁對個joint唔係幾好, 因為上次我做完手術十日無郁個滕頭, 再做返物理治療...痛不欲生.你可以問下醫生黎緊6個星期可以點, 我個人認為唔可以一d郁動都無. 不過你當然要問醫生啦.
回覆刪除no爸, 我估你當時的情況梗係比我嚴重得多啦,醫生都有提過如果好耐之後真係無好轉的話就要做手術, 不過機會甚微喎. 唉, 佢夠話拗柴都可以整到咁機會甚低啦. 都好, 你話我知MRI的result會比實際情況嚴重d. 我知隻腳唔可以唔郁啦, 因為之前果兩個月都只係潛意識就住佢黎行 (其實要行15分鐘後先至會開始gut腳), 我做果十次物理治療時都痛到我拆晒天, 因為治療師話我d肌肉已經實晒. 如果宜家唔郁的話, 我都估倒做果時會有幾咁痛苦. Cama, 我宜家都係靠上網為生咋.
回覆刪除bibibi, 今次我會乖乖地唔四圍去喇, 唉, 見倒果兩支野就連房門都唔想上啦!
回覆刪除Jo姨姨, 你今次真係要修心養性乖乖地留係屋企休息啦! 唔係第二時就邊度都唔洗去lu! 遲d等你好番d我地先去你屋企附近搵你一齊食飯啦!
回覆刪除咁大獲!! 真係要認真休息吓!! 我哋會約埋去探你啦!!
回覆刪除嘩! 攪到咁大獲呀! 你都係要收心養性喇! 不過... 悶係屋企兩個星期, 你咁心野, 都幾難捱... 遲d過來探下你啦!
回覆刪除Take care!
回覆刪除諗諗吓! 依家咁熱, 你咪當放暑期晌屋企休, 秋天再一齊出動lor!!
回覆刪除Jo, you really need to take a real rest at home la!
回覆刪除JOSE, 我估佢唔駛等到秋天掛.. 我double豬會好掛住ａｕｎｔｉｅ ｊｏ ｄ ｃａｋｅ 嫁喎．．． ｓｐｉｃｙ， 我地豬朋狗友玩樂團點可以少咗你地一家呀．．．．
回覆刪除我都想快d整番好晒佢, 所以經過呢兩個月的經驗, 我估我忍得住唔走走笛笛越耐, 好得快d啩. 哎吔, 好盟掙呀!!!! 以前成日恨唔係做可以成日陪住佢地, 宜家可以陪住喇, 但只可以對住, 又唔出得街! 出面好好天, 好想落去會所游下水呀!!! 唉!
回覆刪除依家最緊要好好地休息,唔好再令隻腳車再惡化,如果唔係就手尾長la... Spicy媽你真係唔乖la,有事都仲去玩,你自己睇吓~搞到隻腳咁, 以後睇你仲敢唔敢!!!乖乖地休息la...如果唔係Spicy&bingo有排都冇得去喪玩^^
回覆刪除我媽媽成日都話，唔駛做係屋企長嘆係享福，但因病而長嘆，就真係有苦自己知㗎！ 所以Spicy媽你真係要乖乖地係屋企休息，唔好心野野周街走喇！
回覆刪除薯爸去年斷十字韌帶,差不多成年無得做運動,放咗成個月病假,只可以日日係屋企陪住薯仔妹妹,都係另一種享受嚟嘅,正面啲睇.就係個陣時開始,佢米開始寫卜囉. 希望你快啲好番,乖乖地,如果唔係,薯爸點同你地影相呀! 薯媽
回覆刪除好, 就為咗薯媽呢句, 我就一於修心養性, 要快d好番!!!!!!!!!!!!!!!!!
回覆刪除原來傷得咁嚴重! 咁要好好休息下, 等好番先再戰江湖啦! 我想問spicy 和bingo係未用同一個廁所? 我唔識晞晞呀! 就來想屎!
回覆刪除佢地係用埋一個厠所架, 呢樣係我養咗佢地咁耐最自豪既野之一, 因為Bingo之前果 七年 , 都係享街 (其實係天台) 痾的. 但近年佢對腳唔好, 行樓梯有問題, 佢已經自己發明咗 - 小就走入厠所的企缸痾, 大呢就忍, 但如果好耐都無得上天台 (我地返屋企時先會比佢上去), 佢就大都試過一兩次入企缸痾. 不過搬咗黎新屋之後, 因為再無天台, 所以頭果兩日 (可以算係黃金時期), 我就困佢享籠, 食完野就享spicy個厠所, 等十零分鐘, 唔痾就要返入籠, 唔可以週屋行架, 一日內我會放佢去spicy個厠所三四次, 起初佢只有呆坐, 但好好彩, 24小時唔夠, 佢就忍唔住享spicy個厠所痾咗第一篤尿. 還記得我兩公婆開心到攬住跳起! 其實我請咗一個星期假諗住要黎house train佢, 點知一日就掂. 頭果排都有耐唔屎發脾氣痾享spicy個盤格離就算, 不過好快就痾岩晒, 一滴都唔會出界喇! 教狗仔我有信心d, 但一隻咁頑固既老野, 真係好意外呀. 所以我成日都話, Bingo都得, 你地無理由唔得. 睇書同spca上堂時都話只有confine先掂. 你地帶新狗返屋企之前其實要考慮埋頭幾日請假黎陪/訓練佢會好d.
回覆刪除希望你媽媽快d好返啦! 乖乖聽醫生話唔好落地啦! 如果再整親就慘啦!
回覆刪除好難攞假. 除了晞禧未教掂之餘, 檬檬都唔肯番自己廁所解決, 佢忍忍忍... 忍到我地帶佢落行. 我唔想寵壞佢落街pee poo 呢個習慣, 所以今日買多個廁所比晞禧, 希望檬檬會回復正常啦!
回覆刪除小白羊, 今次我會聽話架喇, 返正宜家都唔洗返工, 日日都可以對住佢地, 又無以前咁得星期六日先可以陪佢地, 一定要去玩lu. 檬媽, 哎吔, 檬檬點解唔肯享自己廁所解決呀? 佢唔比妹妹用佢果個呀? 無辦法唯有用多一個先, 至緊要教識晞禧去咗固定地方先啦.
回覆刪除要好好休息,希望你快d好番...可以帶寶貝哋出街街...
回覆刪除