自從我星期一睇完醫生返黎話未來幾個星期都唔可以行得之後, 咁屋企既大小家務都要包在老公身上喇.
佢宜家每朝早起身, 就要出去買早餐返黎比我起身食, 而午餐呢, 多數係食麵包同生果囉, 因為我自己入唔倒廚房煮嘛. 跟住老公就急急腳返工, 希望放工可以早d返黎, 因為我一個人享屋企成日真係好悶架!
佢放工仲要買埋餸, 因為我宜家唔可以出街食囉, 佢又唔鍾意食飯盒, 以前我地好多時都係食完先番, 耐唔耐先會煮餐飯, 當然係佢煮啦, 因為我只係首席狗廚.
今晚晚餐其中兩樣野都不約而同有豐富骨膠原, 可以補補腳喎.
首先老公煲咗湯, 我地平時就算煮都係揀d最簡單既餸, 通常都係蒸魚炒菜, 好少會煲湯架, 其實屋企好多煲湯料都擺咗幾年, 因為我地懶. 於是佢今次就攞番d陣年花膠出黎煲嘞. 整咗青紅蘿蔔瘦肉煲花膠. d花膠我通常都係要黎煲雞, 煲青紅蘿蔔我真係未試過, 不過見佢咁有心, 我都無加意見喇.
未開飯前本來好肚餓的, 不過d花膠咁厚咁大舊, 食咗兩舊都飽到頂住晒, 咩都食唔落嘞.
前一晚佢仲去吉D島買咗d白雲豬手返黎, 本來話比我日頭無聊時食的, 不過我無郁過. 嘩, 我勸大家, 千祈唔好買呀, 簡直係難食到震! 連包醋都好惡頂, 我地於是攞咗我支意大利黑醋黎點, 先好少少, 但其實係支醋好味, 無醋果啖肉都係超難食.
結果呢碟野都係由好好衣食既老公啃埋....
除咗要整比我食之外, 老公仲要撈埋我狗廚呢個位. 頭先攞張咭出黎先知佢又學我走去影下d餸. 咁不如唔好嘥, post埋出黎啦. Spicy食紅蘿蔔cottage cheese蛋+alfalfa, Bingo就無蛋加一半處方糧.
咁都要讚吓呀uncle eric 係好男人0既......
回覆刪除以形補形,Spicy媽小心隻動變咗雞腳呀~ Spicy爸真係勁呀!你要好好照顧Spicy媽&Spicy&Bingo^^ 呢個係重要任務,你要做好呢份工**我哋成家支持你, 加油~加油~努力~努力~~~
回覆刪除咁spicy爸身兼多職…好勁呀！
回覆刪除Spicy媽, 就算你隻腳有無事, 好似你屋企既大小事務不嬲都係uncle eric做架喎!
回覆刪除咩呀, 不時佢淨係負責煮飯我吃同埋執屎咋.
回覆刪除Spicy爸要保重身子..... Spicy媽 好幸福....羨慕死人啦
回覆刪除仲好講...佢上個星期感冒傳染咗比我, 搞到我呢幾日都鼻塞塞又頭重重, 就係罰佢宜家好番要照顧我啦!
回覆刪除eric, 努力ar!!!
回覆刪除Spicy媽, 你有個咁體貼既老公, 真幸福! 如果我幾星期唔行得, 我諗我只可以食幾星期外賣, 阿女就淨食狗糧...
回覆刪除spicy爸真係好勁喎, 話變就變, 即刻變左個總廚, 勁!!!!
回覆刪除spicy ba好好,你好幸福,所以你更加要加油,怏啲好返,知嘛! 其實我上次寫錯,薯爸係前年整到隻腳放了一個月假,所以可以陪妹妹陪足一個月. 而我呢!哈哈!我就上年5月盲腸炎,又放了三星期假,嘩!妹妹都不知幾開心!雖然兩個case都係去唔到街,但我覺得可以日日對住佢好開心呀,十三年來只有這三星期全時間對住佢咋!我返工時.我反而驚妹妹唔開心. 所以呢,你最緊要係小心小心,唔好再整親隻腳,因為仲有好多地方等住你地一家去架! 同埋,悶米同佢地影下啲屋企相囉,都係好值得留念架! 薯媽
回覆刪除著媽, 係呀, 我媽都諗住完成呢個Bingo傳之後就同佢地影下d屋企相, 不過唔知點解點影都唔好睇既, 都知係因為技術問題.
回覆刪除