呢排成日講Bingo, 不如又講下我啦, 老媽子摷摷下d舊相, 搵倒d我一歲生日時影既相呀.
果年都未同其他小朋友熟落, 無約人開生日會. 仲記得果日係星期六, 老媽子叫老豆車我地去到佢公司樓下, 佢帶我同Bingo上去見下佢d同事呀! 果時佢老細都好鍾意狗, 佢耐唔耐都會趁星期六帶我地上去架, 有一次新年仲帶我地上去睇煙花添!
果日佢帶我去會計部玩. 一歲的我係咪個條矇魚咁?
晚上我地去咗西貢食泰國菜, 佢仲搵咗張bb椅比我坐, 不過坐咗一陣, 人地就要收番lu. 以前都比我坐架!
本來果日佢係想搵埋勞生勞太的, 不過去到佢舖頭先知原來佢地果日放假唔享豎. 咁唯有買咗兩盒罐頭比我地就走啦! 宜家佢諗番起, 都唔知點解當年會買果d罐頭, 原來咁多年黎, 我地的飲食習慣真係改變咗好多.
坐番矮椅, 就好唔自然啦, 哈哈, 我細粒嘛!
係呀...我媽媽都有一段時間日日俾我食... 因為佢果陣咩都唔識...仲成箱成箱咁買... 我果時唔鍾意食乾糧...媽媽開頭買一盒俾我試... 後來見我好鍾意食...就成日買... 點知有次帶我睇醫生...醫生話呢隻牌子最衰呀... 好多狗狗食咗好多年...之後就會出事... 嚇到媽媽連屋企剩咗果d都唔要...
回覆刪除係喎, 我果個北京friend, 又係日日食, 一日食三盒, 食到六歲去睇醫生, 嘩, 醫生話不得了呀, 立即停!!!! 其實細心睇可以見倒佢入面只係得d內臟同者厘, 咩都無, 一定好唔健康啦!
回覆刪除