2001年的Bingo

唔知點解, 老媽子搵來搵去都係得幾張相.  hard copy就咩都搵唔倒, 果時買咗部DV, 唉, 1萬3千幾, 都係用過幾次, 最多呢就係用黎影幾張相, 但像數又細, 又無閃光, 邊似真家D DC呀.  比你地影下僅有呢幾張相啦, 多數都係8月份影的, 應該係Bingo (唔計宜家) 最長毛既時候.

2001年8月4號, 呢兩張相係享屋企影的.  因為無閃燈囉, 影到Bingo好似隻鬼咁!  但果時d毛差不多長番晒喇!

2001年8月5日, 呢架就係我地第一架車喇, 我當年bb果陣都開過大同小享上面架.

2001年8月19日, 係媽媽生日, 攝於遊艇上.

果日媽媽book咗公司隻遊艇同班同事一齊出海去慶祝.  真係唔鬼抵得佢, 果時Bingo成日都有得遊船河架, 因為媽媽成日都可以用佢老細的名義book船, 一次有個朋友女朋友黎咗香港, 四個人出海都試過, 佢成日招呼朋友都係搞呢隻船架喇.  不過後來公司市道唔好, 都無keep隻船囉.

不過老兵就一d都唔enjoy, 通常都係伏享舺版唔郁, 又唔鍾意游水.  試過一次媽媽見佢唔鍾意上岸玩, 咪叫船夫載返佢上大船囉, 點知個衰仔去到海中心跳海呀!  佢都唔自己享船, 一定要搵番爸媽跟住佢地享沙灘!  咁呀媽先發現原來佢只係唔鍾意, 但真係識游水的.

2001年8月26日, 兩老又帶咗Bingo去海邊釣魚.  呢兩張相就係auntie amy成日話佢最長毛果兩張喇.

2001年10月2號, 兩老同媽子後來去咗日本個friend一齊去咗黃金海岸, 格離呢隻北京仔雖然舊年已經唔享度, 不過十幾年前係老豆同老媽子陪佢主人去狗場揀佢地, 抱佢番屋企果日既情況都仲記憶猶新.

肥兵呢個花名就係果時黎架嘞, 宜家變咗老兵!