呢個係我媽子的表外甥, 即係我既表姐, Bingo既表妹啦, 佢同媽子個姨姨享加拿大黎香港, 享我地屋企住一個月, 佢好百厭架, 成日都攞個風筒追住Bingo黎吹, 因為Bingo驚呀嘛!
果日爸媽就帶埋佢入馬場去狗展, 老媽子仲記得佢呀姨 (即表外甥的婆婆) 果日約晒d親戚飲茶, 話要帶呢個宝貝孫女比d親友見下, 點知表姐仔一聽倒媽媽話要去狗展, 就死都唔肯跟佢婆婆去飲茶喇!
又有兩個Bingo....
呢隻好明顯高大威猛過Bingo啦!
狗展中媽媽最鍾意見倒就係阿富汗, 話佢好似個人, 成個車保羅咁, 好可愛呀, 次次見倒佢都要埋去同佢地影相架! 媽媽坐享度都係同佢咁上緊高呢.
仲有就係古牧, 以前媽媽係想養古牧的, 後來發現住頂樓跟本唔適合佢地, 因為太熱了, 拉尾亂打亂撞就收養咗Bingo, 就一直鍾情於小牧嘞!
呢幾隻小狗, 當年狗展成日都會見倒佢地, 由一個男人帶住, No仔都成日去狗展, 你果次又有無去呀, 你地d老餅有無見過佢地呢?
你地覺得表妹仔格離呢個係咪Bingo黎呢? 老媽子都唔認得, 要問老豆先知....
隻阿富汗超攪笑呀．．． 佢睇唔睇到路嫁．．．
回覆刪除如果話佢睇唔倒, 咁古牧就直情盲晒啦. 好正架佢四隻腳, 好似洗車屋d掃掃咁!
回覆刪除個笑容幾似bingo丫... 係喎...咁果隻咁似bingo個位係邊位嚟架..??
回覆刪除我記得去過兩次馬場, 一次係99年, 另一次好似係再之前一年, 呢次應該無去喇..
回覆刪除Spicy 媽果然係狗展常客, 晌馬場攪好似好過會展,,,
回覆刪除有兩個bingo果張果個咁似我既？
回覆刪除mick mick, 你勇猛好多喎, 邊似果隻呀. hehe...最尾果張真係Bingo黎架, 不過佢果時咁肥, 連老媽子都唔認得佢!
回覆刪除