呢張全家福係果日享山頂影既, 宜家都仲放享屋企廰個相架度. 媽媽有個同事話果時的Bingo係最健康同最開心的, 佢話Bingo條脷開心到係心型架!
格隔呢隻金毛叫bok bok, 佢好唔好彩, 三歲就離開咗, 有一晚佢爸爸帶佢出完街, 懷疑係中咗毒, 返到屋企痾咗篤血尿, 第二朝睇咗醫生, 情況都無咩好轉, 到果晚半夜都已經起唔倒身, 瞓享廳賴血尿, 主人當時雖然好心急, 成晚都無瞓陪住佢, 但都係第二朝先同佢睇醫生, 不過半夜醒咗粒Panadol佢歎, 諗住等佢無咁辛苦, 誰不知就送咗佢一程嘞.
佢第二朝早去到診所, 果日本來爸媽諗住去澳門玩的, 拉尾接倒電話, 都即刻趕去, 不過去到時佢剛剛去咗, 臨恐仲嘔咗一大灘血, 死狀好恐怖, 媽媽永遠都唔會唔記得!
大家認唔認得同媽媽和我影相果隻狗係邊個黎呀? 仲有後面果兩個路人呢? 當年媽媽唔識佢架, 拉尾舊年有日執d舊相時見倒嚇一跳, 仲叫老豆黎睇. 點知老豆懶醒咁話: 我一早見倒啦, 乜我地果時唔係已經識咗佢架喇咩?
喂， 係咪我睇錯呀， 點解個ＨＥＡＤＩＮＧ 係２００７年呀。。。 Ｄ 相相未來影呀。。。好驚呀。。。。
回覆刪除short咗添, 係1999至真呀! 就係99年古代見倒個現代朋友, 都好驚架....
回覆刪除你亞媽好似日本人...
回覆刪除係喎, 係nono呀, 後面還有個瘦版長髮劉生添.
回覆刪除係nono, 你地真係有緣呀!
回覆刪除CaMa, 嗄, 頭先又有人話我老豆似韓國人, 宜家你又話我媽似日本人, 噢...咁我咪韓日混血兒?
回覆刪除bingo同nono第一次見面就係lee張相啦...
回覆刪除全部都好嫩口呀，呀兵，no no d毛重好深色，而家多左白毛呀，你地4個人都好細路仔呀
回覆刪除真係咁啱，點到你唔信緣份呢家野呢。
原來劉生以前都有隻摩天使~