1999年10月17日 - Bingo有得去東涌釣魚!

你地睇下個衰仔幾得戚! 梗係啦, 果時得佢一個, 咩都係以佢行先, 去東涌喎, 我呀, 都係舊年年尾先第一次去咋!  兩老都未帶過我去釣魚!  以前佢地仲成日帶Bingo去大尾篤租艇仔扒出去釣添呀, 我咁鍾意海都無同我去過!  不過老豆話Bingo乖, 比著我實會跳船!

正面睇都唔知佢後面光脫脫無晒毛!

佢地果時好放心, 由得佢享碼頭邊行黎行去都唔會落水架, 老豆, 有無收獲呀?

突然一陣大風, 呼!!! 呀媽次次見倒呢張相都忍唔住笑!