2007年5月31日 - 耳仔敏感了

早排老媽子幫我買咗支新洗耳水, 其實都用過一次, 前兩晚又幫我洗耳仔.  老媽子仲話呢隻耳水好似無之前果隻咁大陣亞檬呢呀味, 好似好d.

點知頭先老豆無端端打開我隻耳仔就見倒.....

全個耳仔lone入面都紅晒呀!  仲有好多班點!  好似出麻疹咁.... 

死啦, 之前我又無抓, 都唔知咩事, 不過肯定係關果支耳仔水事啦! 







宜家老豆用清水幫我洗咗一次耳仔, 我好唔舒服, 週屋滕, 如果過兩日唔好就又要睇醫生喇!

就係呢支洗耳水囉!

2003年5月1號 - 勞動節@獅子會

呢日喜樂蒂牧場又搞咗另一次聚會, 仲記得果日老媽子因為要幫手做好多野, 所以都無咩同我地機過相. 呢d相全部都係我契爺呀強爺影的. 唔知點解, 佢部單鏡機執完d相出黎好似油劃咁...

呢張相影到Bingo肥啄啄.



我d毛又短又豎起晒好肉酸呢!




我果日做花女呀, 因為網主隻狗同人玩結婚, 不過聞說後來兩襯家好似反晒面.



白面鬼Tanbie哥哥 D毛幾勁!



仲有當時得11個月大的Bobo, 佢d毛夠係短切切啦!



果日第一次見No仔呀, 老豆仲成日話佢d毛色好似Bingo添!



大合照呀! 記得果日初時有人嫌Joel大隻, 話佢唔係小牧, 唔比佢影住, 老媽子同Auntie Micky幾嬲呀! d人真係無輕既!

2003年4月22日 - 從遊淺水灣

估唔到近呢幾年都無去過既地方, 我地細個時居然成日都去, 唔睇番d相都唔知當年去得咁密.  宜家叫老豆同我地過海玩, 真係幾難架.

Bingo塊面d毛宜家因為年紀大, 所以白咗好多, 睇下當年塊面幾深色!

我之前起果次水對我打擊真係勁大, 成身毛都差不多甩咗一半有多, 搞到我又要從頭留過, 激死!

Bingo:  Spicy你成隻甩毛雞咁, 好肉酸呀!

呢張合照雖然飛晒d邊唔見咗忽咁, 不過睇睇下又幾sweet喎!

2003年3月的某一天 - 小牧群出現西貢碼頭

已經唔記得咗呢日既確實日子, 淨係記得當年網主叫晒我地出黎係因為個會要接受雜誌訪問, 我同Tanbie哥哥係佢地當年的唯一雲石會員, 所以網主都有叫埋我地出值, 本雜誌都唔仲享唔享豎囉.

地點係西貢海旁的草地, 即係我媽宜家最驚果個狗屎牛卑地. 果時果度仲未有宜家咁污糟啦.

左一起Auntie Amy, 媽子同姨媽, 不過原來影唔倒Summer, 得Bingo, 我同Tanbie哥哥咋.  果時我因為起過一次水, 甩晒d毛, 所以哥哥d毛簡直有我兩倍咁多呢!

Bingo當年毛雖然已經唔再長, 不過個身都漲卜卜, 圓碌碌喎.

簡簡單單都有十幾隻小牧出現呀!

2003年2月28日 - 我Spicy一歲生日呢

呢排成日講Bingo, 不如又講下我啦, 老媽子摷摷下d舊相, 搵倒d我一歲生日時影既相呀.

果年都未同其他小朋友熟落, 無約人開生日會. 仲記得果日係星期六, 老媽子叫老豆車我地去到佢公司樓下, 佢帶我同Bingo上去見下佢d同事呀! 果時佢老細都好鍾意狗, 佢耐唔耐都會趁星期六帶我地上去架, 有一次新年仲帶我地上去睇煙花添!

果日佢帶我去會計部玩. 一歲的我係咪個條矇魚咁? 


晚上我地去咗西貢食泰國菜, 佢仲搵咗張bb椅比我坐, 不過坐咗一陣, 人地就要收番lu. 以前都比我坐架!
本來果日佢係想搵埋勞生勞太的, 不過去到佢舖頭先知原來佢地果日放假唔享豎. 咁唯有買咗兩盒罐頭比我地就走啦! 宜家佢諗番起, 都唔知點解當年會買果d罐頭, 原來咁多年黎, 我地的飲食習慣真係改變咗好多.





坐番矮椅, 就好唔自然啦, 哈哈, 我細粒嘛!

2003年2月9日 - 喜樂蒂牧場新春團拜

呢日我地第二次參架小牧聚會, 亦係第一次識Vera姨姨.  我地經June姨姨介紹, 先知原來住享隔離, 所以可以約埋一齊去啦, 果時Vera姨姨都未接手Bobo啦.

相入面有來往的小牧都仲有好幾個, 有小虎 (企右一), summer (企左一), jojo (企左二) 同joel (踎左三).  仲有好耐無見的leslie (企右二).  我地同媽媽就享最佳位置踎享中間啦.

有人借咗個波波池出黎比大家狗狗影相.  睇下Bingo幾開心!

個衰公不嬲都唔多合群, 所以見倒架木頭車, 就拿拿臨捐咗上去, 好耐都唔落番黎!  仲記得上面果盤係雞絲通粉沙律, 係auntie fiona特登整比我地食的.

呢個係我既初吻呀!  佢咪係Leslie囉, 我地係咪好登對呢... 不過Leslie媽咪好少出黎玩, 我地幾年都無機會見佢一次.

2003年1月12日 - 我同Bingo一齊去咗人狗百萬行

其實都已經唔記得咗呢個活動叫咩名, 同埋係邊個機構主辦, 係SPCA定係Animals Asia.  早兩年媽媽逄Animals Asia搞的步行籌款都會帶我地參與.

果時Bingo對後腳已經好番喇, 多得Spicy個姨媽 (唔係Tanbie媽咪), 而係佢第一次起水, 令到Bingo忽然覺得Spicy又唔係咁討厭喎, 由爬爬下去聞佢, 到一步一步迫佢埋牆角.... 行下跌下咁一排就好番咗嘞, 獸醫都嘖嘖稱奇! 話呢d就係love喎.  真係其呢, 絕咗育的Bingo都可以咁咸濕!

一見倒小牧就拿拿臨去影相啦!  坐我後面的係Tanbie哥哥.

呢日tanbie哥哥 (右二) 第一次見summer (右一).  兩個都係怕醜鬼.

記得中間果隻著衫的小牧全程都係比住人抱住的, 因為佢有病, 個身無晒毛, 佢係超細身, 果時都已幾歲大, 仲細粒過我Spicy好多!

Bingo, 我同Summer (左至右).

2002年9月29日 - Bingo第一次參加小牧聚會

呢日好多第一次, 第一次見咁多小牧, 第一次去獅子會, 第一次見喜樂蒂牧埸的其他會員, 好似有summer同埋 micky. 

不過呢個時候亦係Bingo最唔開心的時候.  因為佢果時只係可以企同行一兩步, 多步都都跌倒, 果日見倒咁大個草地都唔跑得.

皆因佢妒忌心太重啦實在, 自從我02年5月尾黎咗之後, 佢就成日享我耳邊大聲吠嚇我, 又搶晒所有一千年都唔玩的玩具入房, 唔比我玩, 結果又比人炳.

好快佢就開始絕食, 跛腳, 行兩步就跌, 對後腳完全唔聽話!  醫生話係腦神經傳達唔倒去脊骨, 果時兩老個個星期要同佢去睇醫生, 身心都疲累不堪.  又有獸醫危言聳聽, 話Bingo好快會退化到全身癱瘓, 嚇到老媽子死, 果個獸醫真係要拉去打滕呀!

Bingo果時d毛就開始停生....

7個月大的我同埋5歲的Bingo

仲有排抖.....

今日睇完骨科覆診返黎喇.   早上老公車我出去診所, 去到鬼咁多人, 仲要等多差不多半小時. 

今次我帶埋之前醫院照果張x光片比醫生睇.  無錯, 當時的報告隻腳真係無問題的.  不過醫生話即時無問題, 病人可能又唔會鏡住, 舊骨會慢慢惡化都未定. 

睇番上兩星期前照的x光片 (上次照完就攞咗假返屋企, 無睇過報告), 好明顯之前MRI話裂骨果個位係有一撻陰影, 但如No爸所講, MRI的報告係會敏感好多, 所以醫生話實際情況其實無佢之前想得咁差.

可惜醫生話呢個位一般都康復得好慢, 心急唔黎.  佢建議我未來6-8星期都依然唔好落地. (嗄? 上次又話4-6個星期, 宜家兩個星期都過咗喇喎, 又返轉頭要6-8星期??

)  醫生問公司唔返有無問題, 如果無問題就最好唔好返啦, 因為就算比我用拐仗勉強返工, 好快對手都會因為負荷唔倒而出面問題. 我都知啦, 前日先暈咗一次....

佢檢查咗我隻腳, 進展就真係無乜, 但附近既肌肉就因為太耐無行而有d梗, 現階段佢都唔建議我山長水遠出去做物理治療, 佢話可以的話最好係游水, 如果屋企附近有泳池的話.  游水? 無錯, 屋苑會所係有泳池呀, 但唔通用拐杖拮出泳池咩!  佢話享池邊頂硬上行幾步, 都無問題既.  最好係日日游小小喎. 

不過我轉頭同老公講醫生呢個建議, 佢居然返對喎, 佢話泳池附近咁滑, 萬一再"線"倒點算?  其實諗落出門口又要開關門, 用對拐仗行幾步就得姐.  要落會所, 又要行一段路, 仲要去平台轉lift, 我雞手鴨腳咁, 真係好吃力.  無理由要老公放工返黎先日日陪我去架!  佢唔癲我都癲啦. 

宜家又比多4個星期假, 但兩個星期後要返去覆診.

今日11點幾覆診, 姑娘又唔記得比返MRI的保險報告我, 又要返轉頭攞, 食埋飯, 又要車我返屋企, 老公都費事再返公司嘞, 咁又佔咗佢一日.  聽日仲要車我去沙田睇埋隻眼...

  不過唔知係咪心理作用, 我今日覺得隻眼好似好咗喎, 老公幫我照過, 入面粒白色野仲享度, 唔理喇, 聽朝起身先算啦!