2007年6月8日 - 迷你Summer生日會

今日係Summer正日生日, 咁岩之前媽子幫佢同Bobo買咗野, 約咗今日攞, Summer媽咪今朝提意話不如黎我地屋企幫佢慶祝啦.  咦, 都好喎, 咁媽子又整個批批賀下佢啦!

今日老豆親自下廚, 睇下幾好餸?!

爸爸食飽, 就同壽星女影張相先!  不過Summer明顯唔想同我地老兵影喎!

佢鍾意同美食影多d!

Summer姐姐係咪好清秀呢, 不過你地睇下我張枱.....有好大滴口水呀!!!

睇下有咩食?  除咗Bobo媽帶黎既西瓜, 仲有Summer媽咪焗既南瓜蛋糕啦.



佢媽媽仲整咗個波菜芝士雞肉批.

同埋我媽媽整既焗焰雪山批!

終於都輪到我地嘞!

Summer媽咪, 你切蛋糕可唔可以切快d呢???

你地睇唔睇倒Summer條口水柱呀?

一日一舊唔准爭呀!

點呀?  究竟食得未呀???

Spicy:  我唔等你地喇, 你地慢慢等啦! 我啋你都傻!

Spicy: 唔, 好味好味!  Bingo: 咁我都唔等喇! 口快有, 口慢無!

Summer: 咁我都要快d先.



Bingo: 好味呀!  不過好大舊, 塞住個咀...


蠢才Bobo居然唔敢食喎!  Summer話: 哈哈, 等我食埋佢果份!  留意Summer個咀入面其實含住佢自己果份都未吞!

Summer真係好鬼狼!

當Summer食完另個頭過黎, 咦? Bingo面前果舊無咗既?  Bingo: 我含住, 個口唔郁, 你地就唔知我食咗啦!

Summer另第二面, 咦? 又無埋?, Spicy你擘開個口比我睇下?

Bobo媽: Bobo, 媽媽餵你, 唔好怕佢地呢班生番!

喂, 你地做咩留番起d架, 點解唔分晒佢!!!

原來Jose媽都有搭媽子買咗野, 要Vera姨姨順便今晚攞比佢, 所以就留番份美點雙輝佢嘆啦!

Jose同Joel, 你地就好啦!

我地食完蛋糕同批批之後, 又到uncle aunties們食荔枝喎.  但就係呢個時候.....我就無端端有d異常舉動....

老媽子食食下, 發現我忽然間對住d食物嗡牙! 仲係不停咁嗡!  佢食緊都攞得切相機.  媽媽好驚, 又覺得好笑, 因為佢養咗我五年, 都未見過我咁!

突然間人狼上身! 

叫你唔好影呀!!!

我完全控制唔倒自己, 抽筋呀個咀!!!


起初佢地以為我嗡Summer, 其實我都知係嗡d乜, 不過既然Summer你中個頭過黎, 咁比我發洩下啦! 

我忍唔住喇, 我要搵野咬喇, Summer姐姐, 你唔好怪我呀!!!

嗡咗一輪, 個口都攰晒, 啄咗Summer之後, 舒服晒! 媽媽同Vera姨姨見我咁反常, 都懷疑我係咪有病!