仲記得呢日老爸唔得閒, 當年攞住個雪藏牌既老媽子居然膽粗粗, 渣咗架車載埋Vera姨姨一齊去清水灣行山. 當年Vera姨姨都係攞住個雪藏牌, 仲未重拾番宜家一身好武功, 佢都未敢渣車呢. 記得去到五塊田就見倒姨丈架車, 佢享前面帶路, 渣得好慢, 慌死後面兩個師奶跟唔倒. 老媽子真係想砵佢叫開快d呀!
不過老媽子做慣少奶, 泊咗車又唔記得要入錶, 都係姨丈幫佢入咋. 行完山番落黎, 上車先發覺成個背囊漏咗享對面馬路個涼亭度, 仲要跑過去攞番, 真係笑大人個咀!
睇下媽媽幾威, 一個人抱起晒我地兩個影合照!
雪藏牌都有食力既．．
回覆刪除你mama係大力士!yeah!!!
回覆刪除我媽果時雖然雪藏牌, 不過佢耐唔屎都會出動, 嚇下人, 記得果年有一次仲一個人膽粗粗, 車咗Bingo去紅磡接北京friend, 一齊去跑馬地馬場睇狗展. 不過佢烏龍到死, 一陣又搵唔番架車, 搵番架車黎又唔見咗張泊車飛!
回覆刪除你呀媽起碼咁膽渣…我呀媽都有牌但掂都唔敢掂！
回覆刪除咁唔得架, 你越唔渣就越唔夠膽渣囉. 一於坐言起行, 好似Vera姨姨咁, 幾叻呀!
回覆刪除原來呢度係釣魚翁, 我早幾星期執緊相, 諗極斬諗唔起我哋當日去咗邊...
回覆刪除auntie micky, 咩你咁無記性架, 仲話住西貢....
回覆刪除有時媽媽既力量真係唔可以睇少,一手抱起你哋兩個就知...勁!
回覆刪除以前佢抱我地幾步就話攰, 宜家越練越好力呢!
回覆刪除第一次見SPICY媽一個人抱起你地兩個, 好犀利呀
回覆刪除