2007年6月2日 - 我有得去貝沙灣喎!

今日媽媽同我地去咗貝沙灣呀! 你地估下佢點去? 本來都以為要陪佢偶享屋企幾個月....hehe...
一到步, Bobo梗係要掟番轉先啦!

Double, 我又黎!

老兵都黎番個蓮花步先!
登登登登....老媽子就係靠佢嘞!
好在有個Auntie之前問朋友借咗張輪椅比佢媽媽, 宜家佢媽媽有張新的, 舊的又未還, 咪做個順水人情, 借比老媽子用住先囉! 先前老豆都返對, 唔肯去攞, 不過呢排佢終於屈服, 佢話估唔倒老媽子個心咁野, 一日都享豎哎悶!

不過張輪椅今日好似Bingo坐多過媽媽坐, 皆因老媽子坐咗落地幫我地影相, Bingo就自己跳上去霸住嘞! 無論大家抱佢落黎幾多次, 佢都靜靜雞跳番上去, 真係笑死人!

今日我地差不多六點先到, 天色又好差, 成日鳥雲蓋頂咁, 所以d相都影得麻麻地!

Bobo呢個招牌舖屎掂唔掂?

你地估下我做咩? 咪係個屎人Bobo又試衝過黎"中"我囉! 人地本來好開心跑緊去媽媽度架嘛!

可惜媽媽手慢, 影倒佢時佢已經"中"完我跑開咗!
今日影既相差不多全部都一樣背景, 點解?  因為媽媽跛架嘛!  坐享地下都無郁過, 輪椅又比老兵霸咗!

唔知點解媽子影Bu-B永遠都無auntie micky影得咁靚!

Double 呀....你阻住我影相.....

唔知係咪格離飯香, 媽媽話我同Bingo坐享度永遠都無人地坐得咁靚!

又話Double都有型過我! 激死!

最唔抵就係話Bobo影相靚過我呀嘛!!!!

我哥哥係白面小生!

今日有個驚人發現呀, 原來大山婆Gigi都唔係幾大咋, 因為經過一番量度同磅重, 原來Bobo竟然同佢一樣重!  個身又一樣長!  哈哈哈, 以後Bobo就叫大山婆2號啦!

臨走當然唔少得合照啦!

晚黑實在諗唔倒食咩啦, 好在好好人的姨媽提議將我地放晒享佢屋企, 咁我地又可以嘆冷氣, 爸爸媽媽們就去跑馬地食魚翅! e....咁鬼熱, 我享姨媽度瞓下覺好過!

呢張床係媽子今年送比Tanbie哥哥的生日禮物黎架! Bingo都有一張, 不過細張少少. Bobo唔知做咩, 一見我地入去就黐埋黎霸鬼住!
Tanbie不嬲都對Bobo個後欄好有興趣, 享佢屋企成日都想擒佢.  好衰的Vera姨姨就索性放咗Bobo上去Tanbie張床, 將Bobo獻比Tanbie啦!

Bu-B爸: Spicy, 好喇播你, 成日啄我個零食袋!
Bu-B爸, 我好肚餓呀, 你唔好咁姑寒好播!

好嘞, 咁又一日, 呢次家訪團又成功!  今次仲有我同老兵份添!  雖然我同老兵唔係第一次去姨媽屋企, 但呢排次次都得Bobo同Double有得去人地度玩家訪!

家訪完畢, 仲以為可以返屋企食飯添, 點知佢地呀, 居然去咗西營盤食糖水, 又放晒我地享車!

食完糖水先發現原來老媽子個背包漏咗享姨媽度, 咦, 姨丈明明應承幫我地攞落樓架喎!  結果又要等姨丈攞番落地下, 好在Vera姨姨無端端問一問唧, 老媽仲大安旨意....姨丈呀!!! 你點做野架!  老媽子享車度一路鬧佢, 一路話要買腦輕鬆比佢食!

你地就玩完一日, 結果搞到我同老兵要成點幾鐘先有飯食, 仲要係食狗糧咋!