嗄? 唔係話老豆唔比我剝咗隻大牙咩? 做咩要覆診唧!
原來係搵多個醫生問下意見姐, 咁又係, 我呢排個面又試小小地腫番, 不過就無好似上次咁變布嗲利. 又唔痛播.
我地都知book咗都有排等, 所以比原定時間早咗半小時到, 睇下有無得涉位. 爸爸先落去登記.
姑娘話要等四個, 叫我地45分鐘後番去. 咁好啦, 爸媽話要食野先. 但食咩好呢? 梳亞道有間比狗入, 不過d味道就....
答案當然係No啦! 不過佢地話入咗袋就可以. 咁點呀? 又無帶袋. 咁熱, 媽媽話屎都唔放我享車架!
結果老豆唯有開住個冷氣唔熄車, 佢地就入咗去食野. 咁好危險播, 如果有人搶車咪渣埋我走? 開度門就一齊走啦, 摼番唔洗撬門撻車添! 
我都見倒你地呢, 媽媽坐享窗口位食緊野, 隔住餐廳玻璃幫我影相.
媽媽叫我香芒燒雞沙津, 好好味呀!
兩老快快手食完野, 上車發現原來車上好似雪櫃咁, 餐廳都無咁凍呀, 梗係啦, 車上無人呀麻.
返過去診所再問下, 嗄, 仲未到呀? 咁唯有去水貨城逛下啦. 結果由到步總共等咗一個半鐘先輪到我. 最慘係診所太細, 大步份時間我都係同媽媽坐享輪椅享門外等, 熱屎人啦. 後來決定摺埋張椅入去等啦.
等到我同媽媽都呆晒!噢, 仲有兩個, 好快到喇! 隔離個叔叔好好人, 自己踎享地, 叫媽媽坐. 佢呢隻唐唐好可憐,好辛苦的樣子. 
診所有病友問佢:
個病友一輪咀追住問
: 叔叔終於忍唔住: 唔係呀! 佢係有病, 病友: 咩病姐. 叔叔:生癌, 所以影嚮倒隻腳, 要做手術!
病友一聽倒突然問: 嗄? 你食煙呀? 呢個時候媽媽忍唔住Cat一聲笑出黎!
叔叔打個突:
此時叔叔背住個病友唔再啋佢, 開始同媽媽講: 媽媽問: 佢幾多歲呀? 叔叔: 五歲, 已經醫咗一年半. 噢, 三歲幾就已經同癌魔搏鬥.
媽媽細細聲問, 你介唔介意講佢咩癌呀?
叔叔: 係淋巴癌, 全身都係! 狗狗一路都好堅強, 醫生都話佢生命力強, 不斷做化療, 覆診都好開心, 自己走入診所, 急又識出門口先解決. 直到最近因為影嚮倒隻腳先太辛苦開始抗拒.
媽媽話: 真係好乖...我呢個女如果唔係抱住, 去到門口就dup晒break喇. 佢宜家一定好辛苦喇, 真係陰公.
叔叔: 因為麻醉葯未過所以係咁姐. 佢宜家都仲肥施大隻, 係我照顧佢就瞓唔倒, 瘦晒囉.
突然媽媽另轉面, 因為佢發覺望住隻狗狗, 眼淚唔知點解想掉出黎! 真係唔明, 媽媽不嬲都好梗正架播! 叔叔一定以為媽媽唔知做咩唔啋佢! 好在咁岩呢個時候輪到我睇醫生!
呢個叔叔好偉大, 原來佢仲要日日黎. 媽媽話Bingo腎病初發嚴重時試過一星期睇兩次都想死. 臨入診症室時見倒叔叔仲享度call街車.
你地想唔想知醫生點講我塊面? 等咗一個半鐘, 見咗幾分鐘, 醫生摸同睇我呢, 就大約十秒啦. 以本來唔想咁長篇大論, 不過媽媽覺得好好笑, 想同你地分享下. 以下對白睇起黎可能好多, 不過你試下讀晒, 讀完都唔使三分鐘.
媽媽: X醫生你好.
醫生: 咩唔舒服呀? 媽媽: 塊面腫咗.
醫生: 咁起咗幾耐? 媽媽: 前後一個月倒啦. 不過食咗兩個星期消炎葯好番晒, 不過呢幾日又腫番少少.
醫生就另過黎摸我, 呢個就係診証既黃金十秒喇, 十秒連埋佢打開我個口!
醫生: 無野既, 可以係牙瘡囉, 亦可以係癌. 剝牙啦! 呢個時候佢已經放咗我, 老豆抱番, 亦無再望過我.
媽媽: 咁點先知係牙瘡定係癌? 醫生: 瘡的話可以照x-ray, 癌的話要攞細包組識去驗.
媽媽: 咁驗啦! 醫生: 唏, 照好麻煩既, 又要麻醉, 剝牙時麻醉埋先照囉. 媽媽:
爸爸:
成個診症過程最精采係呢度嘞.... 醫生: 哦, 你想食葯呀? 轉面向電腦開葯, 咁你想食幾耐呀?
媽媽立即講: 唔係想食葯, 佢係問食咗葯有無幫助姐. 無必要梗係唔食啦!
醫生話: 你想食既, 咪食完等你ready先剝囉.
爸爸再問: 咁宜家腫咗, 係咪要等消咗腫先剝得? 醫生very cool好沈聲: 點解呀.
爸爸: 我唔識喎, 不過牙醫都係發緊炎唔剝得啦? 醫生: 我唔係牙醫播, 係羅, 點解呢? 我唔知播!
媽媽: 咁大約幾錢呢? 醫生: 一千幾百囉, 有限錢姐. 咁...即係幾百, 一千定千幾呀....
媽媽費事阻住醫生: 咁我陣間出面問下姑娘啦. 醫生就答: 咁你自己計嘞, 洗牙500, 麻醉350, 剝牙幾百至一千囉, 驗血又幾百囉. 講咗第於無講!
媽媽問: 佢隻牙崩咗, 咁有無得補? 醫生其實都無睇過我隻牙, 佢唔知我崩咗.
醫生: 補牙你搵牙醫囉. 不過補黎做咩? 佢用筆劃咗隻牙形: 牙瘡享上面嘛, 唔關事播!
媽媽: 咁我無野問喇, 遲d剝牙就打黎約啦.
出到去老豆: !#$#$##%&!!
媽媽無老豆咁火播, 淨係覺得個醫生個無奈cool樣d反應好好笑咋!
佢問老豆:
睇完醫生, 老豆話要買蛋撻食, 之前有朋友享呢附近做野食佢食咗一個, 好好味, 後來聽double媽話呀蘇享電視話呢度有間茶餐廳d蛋撻好好味, 咁係佢啦!
老豆就落咗車買, 媽媽同我享車等. 咦, 餐廳門口見倒佢喎. 不過都唔係第一次享勝利道見倒佢. 反而以前成日扮女人帶個大bra攞住個紅水筒個長髮傻佬就唔見咗.
入到去岩岩賣晒, 等咗幾分鐘就有出爐蛋撻喇! 不過媽媽咬咗一淡先記得影!
e......老豆係咁引我.
不過唔知點解, 我又唔大興趣喎. 媽媽話我無Bingo咁為食乖呀.
睇完醫生就返屋企喇, 嘻嘻, 我今日全日都未落過地呀! 因為我都坐輪椅!
F
回覆刪除