下午等埋爸爸放工返黎, 我地就出發去Dr千度. 約咗五點, 我地四點九就去到, 噢.....平日都咁多人既....不過佢個診所好d, 起碼可以將張輪椅都推埋入去, 上次去太平道果度要享門口等咋.
到我未呀!!!!!
我唔似Bingo, 我唔鍾意坐輪椅, 爸爸見我咁唔耐煩, 都黎抱下我.
卒之等到五點十先輪到我地, 睇黎Dr千真係紅咗喇, 我由bb時開始睇佢, 講起都五年前囉. 早年轉睇佢, 就係因為老虎醫生紅咗, 太多人睇....
入到診所, 醫生又係第一時間讓咗佢張椅比媽媽坐, 哈哈, 佢係傷殘人士嘛.
我一見佢好似見鬼咁, 雖然一年都係見佢一次倒, 但見親佢都無好野, 唔係打針就係檢查我. 我唔比佢掂架, 助護捉住我都幾辛苦.
爸媽話我食完抗生素無耐塊面又腫番, 醫生話咁無得走喇, 一定要剝我大牙啦, 媽媽話生癌機會係咪真係低? 答案係如果係癌的話對抗生素無反應喎, 所以上次識消腫, 即係牙根發炎啦, 剝牙就係唯一方法.
咁漏尿又點算呀? 醫生問幾耐一次, 媽媽話都係最近呢排先有, 一個月一次倒啦, 不過上星期五六連續兩日. 咁醫生話趁剝牙時順便照下個肚仔, 睇下有無石喎, 佢唔想貿貿然就開葯比我食 (媽媽諗應該係荷爾蒙).
宜家攞咗消炎葯返屋企食, 問咗醫生, 係咪唔可以腫住剝, 哈哈, 佢無叫我地問牙醫喎! 醫生話最好食咗消炎葯先, 唔晒一定要消晒腫先剝得, 不過最好唔好就咁剝囉.
約咗下個月8號做手術, 老豆話我識聽, 所以回程一路都悶悶不樂, 謝晒!
老豆落咗車買野, 幾時先可以返屋企?
媽媽: 笑下啦, 至多番屋企煮比三文魚你食嘞!
spicy, 唔好唔開心啦, 剥咗牙唔駛成日面腫腫, 又唔舒服, 又唔靚女嘛!!!
回覆刪除咁慘慘呀....要快d 好呀!
回覆刪除做完就冇事架啦..唔好唔開心啦..
回覆刪除做左就唔洗成日面腫腫咁慘慘啦!Spicy要做無牙妹!
回覆刪除Spicy, 無辦法啦... 剥咗牙就唔洗痛痛又唔會腫，到時咪會靚番晒又可以四圍去玩囉！
回覆刪除傻豬，雖然剝咗牙就要做無牙妹，但點都好過成日牙痛兼且面腫腫啦，食野都食得開心啲嗎！
回覆刪除Spicy, 係咪剝一隻大牙咋? 大牙應該冇乜人留意到, 知你係無牙妹的. 8号做完之後, 就可以舒服d啦!
回覆刪除噢... 結果都係走唔甩... 不如順便冼埋牙啦!
回覆刪除真係要剝都無計, 橫豎要麻醉, 真係洗埋牙好喎..
回覆刪除三文魚好味, 我今晚都有得食, yeah!
回覆刪除會啦, 今次一口氣滿足晒醫生三個願望, 剝牙, 洗牙同照X光 (照個腎睇下有無石)! 媽媽幫我裝過喇, 我騎騎笑時真係會見倒隻大牙的....
回覆刪除希望你同媽媽都快ｄ好番啦！
回覆刪除既dr.千都咁講, 你都係走唔甩. 碌左就無事好過會經常發炎啦!
回覆刪除剝牙仔係咪小手術嚟...??
回覆刪除放心啦, 就算你少咗一隻大牙, 你都係咁可愛咁得人鍾意嫁~~~
回覆刪除多謝你地呀. 我估剝牙算係小手術啩, 既然絕育要劏開個肚都係囉, 不過都係要切開d牙肉, 剧開隻牙一忽忽咁攞出黎咁囉. 唔知會唔會好似人剝智慧牙咁, 要聯針呢?
回覆刪除剝咗牙就冇咁辛苦啦! 你咁嬌俏可人個樣剝完都會係咁靚架喎
回覆刪除要割開牙肉嫁? 我仲以為好似細個時咁扯出來天!!
回覆刪除檬檬: 要劏開牙肉同剧牙呀, 你估係門口果d牙仔咩. 玻璃心: 你真係口乖架唧, 錫晒你!
回覆刪除剝左就無事架啦!!!好快好返架啦!!! 薯爸
回覆刪除