今日係我地出發去北海道既大日子, Bingo同Spicy就放享Vera度, 我地一共去九日, 目的地係札幌, 搭直航機, 瞓一晚, 聽日就去小樽, 後日會去富良野同美英留三日, 跟住就去登別, book咗間溫泉酒店, 係全個行程最貴的一晚, 雖然係夏天, 不過咁遠去到, 都要浸下既! 然後再渣車返落札幌, 玩多兩晚就返香港喇. 係咪好美滿呢! 酒店, Pension同車都準備好! 書都買咗幾本, 刨熟晒.
富良野的花田, 睇下幾靚!
不過可惜因為我的腳傷, 全部都要取消! 宜家只有睇住d相, 望下發下夢, 今次去唔成就當儲錢, 第日帶多d彈藥先去喇!
嚇死我咩?我以為你真係向世界出發添,我明明記得你話取消架嘛! 薯媽 好返先去,到時記得送紮薰衣草我呀!驅蚊又殺蝨! 薯Don
回覆刪除你搞到我仲以為你真係去左日本添....找死你? 唔緊要啦...身體緊要....好返晒先去啦...乖乖啦.... from darling
回覆刪除Lolo真係以為你咁勇．．． 唔緊要啦，下次再去過啦！
回覆刪除HEHE... 下次先再去LO... 預埋我老媽子....
回覆刪除下次約埋一齊去啦!! 我都好想去呀!!heheee
回覆刪除嘩~~我真係以為你出發去咗日本呀~~hahaaaa~~~ 好番先去啦~~~
回覆刪除嘩,好靚呀,搞到現在好想去添
回覆刪除好想去呀... 我有時都發o下白日夢, 幻想去日本住. 媽媽話o個道狗狗可以入餐廳, mall同坐public transit. 諗o下都開心!!
回覆刪除Brownie, mall唔得架, 除非你入袋或推車咋. 餐廳都同香港一樣要坐露天. public tranport就唔知, 因我去探有養狗的朋友時佢地都係渣車. 不過日本人同地方普遍都比香港愛狗得多, 因為你抱住隻狗享街人, 好多人都會埋黎讚佢可愛, 香港人一係睇佢地唔倒, 一係彈開, 唔尖叫同怒啤你都好比面. 薯媽, 去得成拘拘一束薰衣草又算得係咩姐. 各位, 我只係悼念一下我的北海道之旅姐, 雖然咩都book好晒, 好在未比錢, 仲可以取消. 當初都估呢個時候我已經好番, 只係唔可以喪行姐, 到今日先知原來連行都有問題. 宜家唯有收拾心情, 諗下年尾去邊!
回覆刪除嘩!睇到我都心思思想去呀! 不過發下夢就可以~~
回覆刪除冬天先去羅, 一樣咁靚, 愈凍浸溫泉愈正, 我直頭早晚都浸上左癮, 好掛住北海道.... 如快D好咪秋天去, 睇紅葉, 又唔洗凍死/熱死..
回覆刪除heehee,spicy媽真攪笑...
回覆刪除仲以為你去左日本呀!! spicy媽發日本夢發到出哂面喇!
回覆刪除車...講到真o既一樣... 仲以為你哋真係去咗玩添... 唔怕啦...等隻腳好返先去囉...
回覆刪除唔睇到最後也不知結局呀! 祝你真係早日康服啦! 你都醫好耐了! 好番再去玩會玩得開心啲
回覆刪除睇到你地都想去呢....唔係發夢呀, 本來唔整親, 照原定行程的話, 我今次應該享美瑛啦! 其實又唔係好恨去, 不過之前做咗咁多野, 總係覺得唔抵姐! 冬天我就唔去喇, 我又唔鍾意滑雪, 又怕凍, 況且今次拗柴醫生仲問我係咪滑雪黎, 所以聽倒滑雪兩個字都驚!
回覆刪除