又過咗兩個星期, 輪到我要覆診了, 屋企一屋都係病人, Bingo係長期病患者, 無得走, Spicy無端端又牙肉發炎, 我就唔洗講啦!
兩個星期前我隻腳照多一次X光, 其實上星期我已經打咗電話比醫生, 佢話無進展, 噚日見佢又比多一個月假, 佢真係樂觀, 佢話無進展即係無退化啦, 好事黎喎. 不過我話我想返工, 佢話咁我可以抖多兩個星期試下返, 不過依然都要用兩支拐仗, 因為隻腳的骨位唔可以負磅. 一個月後再照多次. 佢話如果比隻腳負磅, 果個骨位有機會下磡, 因為面層的軟骨都已經蝕了, 唔夠力乘托呢舊骨喎. 其實我都幾心急, 我話人地斷韌帶斷咗都好似無咁耐, 佢就答話韌帶反而易搞, 因為有得駁番. 但骨就唔急得黎, 亦無咩可以做倒喎.
我今日已經同公司講咗, 話過兩個星期後就試下番啦, 不過我都諗唔倒如果老公車唔倒我來回, 我攞住兩支拐仗點上落車....
仲要放多兩個星期假呀~~希望你快d完全好番啦~~加油呀~~
回覆刪除~~~~~ 咁eric 唯有辛苦多一震, 好返咪無事囉... 否極泰來呀...
回覆刪除吾好冇心機啦Jo EE, 最緊要無退化ah ma, 好緊架喇! 加油!
回覆刪除呢d野急唔黎, 咪試吓返工, 返咗唔掂, 再請假lor!!
回覆刪除兩支拐仗上落好易...我搭巴士都得, 不過無位就大件事啦
回覆刪除放咁耐假你公司會唔會咋形? 返工要小心d, 如果痛就再請假囉! 食軟骨素有無幫助呀?
回覆刪除睇電視劇話放緊病假如果返工再整親無得保喎，唔知係咪真？Anyway，最緊要小心，健康最重要。
回覆刪除唔好勉強呀，整到就大件事喇！
回覆刪除慢慢嚟啦！唔急得架！
回覆刪除咁講真, 我呢個半月雖然無行過路, 不過之前有幾個角度隻腳係好痛的, 宜家再做果d動作都痛少咗, 醫生都話係好咗的表現. 今次搞到咁大獲, 我都唔敢掉以輕心喇, 所以我都好鏡住, 以前就唔識死, 腳痛仲走圍走所以先由無事變到咁差. 老公話勞保係唔會唔賠架喎, 不過如果有事你要claim公司liability, 就有得拗, 因為好難證明倒係佢地既疏忽.
回覆刪除係囉, 冇惡化=有希望嫁啦! 返エ出入要小心D, 再整親就慘. 有冇可能坐輪椅返エ呢? 個office係咪wheel chair friendly呀?
回覆刪除咦!抖左咁耐都無進展既!唯有比d耐性啦! 如果你要番工, 你老公咁錫你點會要你自己撐住兩支拐仗搭車喎, 不過佢就要頻撲囉! 話時話,自從你唔行得之後,每次見到eric都好攰咁樣, 佢都要多多保重呀! BoBo媽
回覆刪除Bobo媽, 如果我可以番得工, Eric都柯呢吉帝啦, 唔洗日日冤住佢哎悶! 公司梗係唔係wheelchair friendly啦, 不如如果有人推就輪椅方便既, 但得自己一個, 就當然係用拐仗靈活啦, 淨係要開門關門的話, 自己坐輪椅就做唔倒. 算把啦, 我都已經接受咗要用拐仗番工, 宜家幻想日間緊可能要揹個背囊, 如果要去影印的話, 就可能要將d文件放落個背囊度, 因為雙手要渣拐仗嘛, 不過如果要浸杯水的話, 係咪用個頭頂番埋位呢?
回覆刪除用拐仗行 + 用個頭頂杯水, 我好有興趣睇lee個表演, 哈哈哈 你都係帶定幾個水樽, 每朝打定水, 放落個背囊度帶返位. 咁日日可以行少幾轉.
回覆刪除brownie, 仲要帶多個尿壺同埋一塊大布做簾, 咁就摼番好多力, 唔洗咭去厠所又開門又關門啦 .
回覆刪除千奇唔好太心急呀...慢慢黎.......真係辛苦晒你老豆啦........
回覆刪除慢慢來番到工就故然好, 又整親就弊. 睇來你這兩星期假都好唔得閒, 因為都要操下臂力, 舉下啞鈴咁, 唔係有心都冇咁好力用那兩枝野捱一日.
回覆刪除公司有無細d既碌碌椅呀? 無既話自己帶張返去, 出入方面d, 唔使吓吓用拐仗.
回覆刪除真係wor, 如果公司冇要你返, 而你病假中返工又再整到, 咁再整到呢part 真係冇得賠架!!!! 勞保都冇得賠!! 所以真係要小心呀!!!
回覆刪除如果隻腳都未好番,就唔好返工la~中環返工時間好多人架!到時有人撞到你咁就大鑊la...都係隻腳緊要d**希望你快d好番!
回覆刪除公司要唔要周圍行, 可唔可以叫其他同事幫你呀? 而家仲有無痛??
回覆刪除我之前都試過隻腳做完手術，用拐仗出入成個月呀，坐巴士去做物理治療，辛苦到呢!! 祝你早日康復呀!! 薯爸
回覆刪除我估如果返得工, 都唔會獲得咩特別對待啦, 同事都有自己的野要做. 不過我諗我搭唔倒公車喇, 因為搭地鐵要行好遠, 我行到蟻攔咁, 早半個鐘出門口都唔掂, 搭巴士的話又要行人天橋, 我用拐仗無本事落天橋啦, 所以唯有不借工本叫老公車我過過海囉. 享公司用碌碌椅, 幾步就話碌姐, 去影印呀, pantry同厠所呢, 要經過幾十個人的位先去倒架, 太誇張了, 不過一日未好, 我都要堅持唔可以用果隻腳行, 如果唔係就前工盡廢. 另保險問題, 我老公講話有得賠, 我唔信, 佢問咗保險公司, 証實發生事勞保係有得賠的. 只要你係在職時因工受傷就得, 除非公司唔承認你發生事時係幫佢地做緊野啦.
回覆刪除唔怕一萬至怕萬一, 你都係睇埋呢兩week再決定啦..
回覆刪除