我地又去Party喇, 真係開心, 有食又拎! 今次係慶祝Summer六歲同Bobo五歲的生日會. 因為天氣太熱, 所以我地差不多最後先到.
睇下老兵, 成個公雞咁, 特別係條尾!
媽媽話呢張相得我地幾隻雲石仔享草地得意, 本來仲有Cotton, 不過佢閃得好快, 轉眼就唔見咗. 
真係唔該晒Summer媽咪借來一張電腦椅, 媽媽先可以活動自如, 因為我地要載Boy Boy同May May番屋企, 所以架車放唔落輪椅, 唔帶倒去喇. Bingo幾得戚! 佢鍾意坐輪椅嘛!
我坐享盛裝出值既Bu-B公主格離, 比佢搶晒鏡添!
望咩呀! 未見過靚女呀!
Summer同個橙色背景好少有少少黐底添!
仲有同Summer有幾分似的Double.
兩個主人家幾開心!
睇番05年老兵的生日相, 同一地方影, 係咪成個唔同晒?
有無人估倒佢兩年後既11歲會變成咁?
個衰公宜家d毛居然長過我, 個個見倒都掛住講佢, 無人記得我啦!
室外的大合照, 出奇地成功! 大家真係合作嘞!
室外玩夠就好入去切蛋糕喇! 兩個壽星女幾好定力? 居然仲可以笑住影相, 比我實忍唔倒, 一口咬落面前個蛋糕度啦!
Micky姨姨個蛋糕超靚又好味! 媽媽話今次真係得得得!
Summer媽咪整的蘋果批.
我媽都有貢獻架, 四盤小食中, 有兩盤係佢整的, 頭尾兩盤呢就係Bobo媽整的.
嗲地媽咪們都唔弱喎, 都咁多野食既? 你地夠竟係咪黎同狗狗賀壽架....
輪到我扮下公主, 睇下我身邊兩個隨從幾好笑容!
佢地係咁笑我, 又話我以為自己真係好靚...乜唔靚咩?
我唔靚唔通佢靚咩! 成個傻仔咁, 一日扮cute, 搞到我媽成日都話要養番隻poodle!
我契爺派野食呀, 你地一個二個走開啦, 佢淨係錫我架咋, 真係嬲你地唔知, 話你地又唔好意思!
連碧碧姐姐都笑你地喇, 不過話時話, 我媽都話佢地幾姊妹都練咗長生不老術架啦, 你睇下佢, 最多都係得15歲!
一個二個為食怪好似湖底d怪物等食物跌落黎咁....
我地眼瞓喇, 仲掛住傾, 快d帶我地返屋企啦! 主人家都瞓著咗喇!
Tanbie哥哥雖然未瞓著, 不過個樣都悶爆....
No爺仲好笑, 瞓到好似享屋企咁!
不過佢對耳都幾靈, 媽媽碌埋去佢都會醒, Bingo就已經有點撞聾, 莫講話爸媽入屋佢唔聽倒, 有時佢瞓咗欄住條路, 要大叫先有反應架!
喂喂喂, 大家快d起身影埋張合照就返閨喇!
睇下Bobo d禮物! 成個尾箱都滿晒, 分d比我就好喇!
不過我地都唔弱, 人人都有小禮物, 佢兩個好似結婚咁, 呀媽話似去完飲喜酒喎! 幾靚!?
個party 好正喎.....有咁多嘢吃, 仲有咁多隻靚靚朋友响度... 隻poodle 好似毛公仔咁, 好cute 呀! .唔過你個公主look簡直殺死人啦...
回覆刪除老兵啲毛真係唔同晒喎! Spicy公主靚爆! 勁多野食為食怪們等吃東西勁攪笑! 人人有份的禮物真係好似結婚到賀收到的Gift
回覆刪除嘩, auntie, 你影得single 好鬼cute 喎, 個衰仔好難得會有靚相, 因為佢成日都成到個死仔咀wet 哂, 一係呀坐唔定...你叫你老媽子記住要send 返比我老媽子呀....
回覆刪除Bobo訓覺個樣好sweet好靚女呀~~~~ spicy你不嬲都好靚呀, 公主襯晒你呀~~~ 如果你媽咪養poodle就好啦, 我肯定成日去你地屋企玩呀, 因為妹妹菠蘿個爸爸唔俾我養多隻呀, 但我又好鍾意poodle呀~~~ ~~~
回覆刪除大合照, 好正呀~~~
回覆刪除Bingo依家靚仔好的~~~兩年時間,d毛毛可以相差咁遠?証明你daddy&mama真係好細心照顧你哋!
回覆刪除NONO... 做咩訓到死狗咁.
回覆刪除主角summer真係好靚女.. SPICY公主look好似腫脹左d ．．都係平時靚女d喎．． 點解bingo d毛勁左咁多既?? nono 係咪廢事同d後生的掙, 瞓陣回下氣咋..
回覆刪除Parco, 兩年前發覺Bingo因為有腎病, 需要長期食葯, 所以我地估係佢d葯令到佢身體強壯番, 咪生毛囉. 大雄, 都好, 起碼仲有個"平時"係靚女. 我知格, 因為我多毛, 所以再加野咪雍腫囉, 佢地少毛過我, 著咩都實好睇啦! 肥人買唔倒靚衫... 文妮姨姨, 你有capacity養多隻喎. 你耐唔屎又幫人湊狗, 以前都三隻啦, 應該調番轉, 如果你有隻poodle, 我老媽子實行黐住你就真呀. 玻璃心, 你真識貨, hehe...我未聽過人地用靚爆黎形容我呢! MaxBoy, 大合照係牧羊我都仲識分, 如果係金毛就睇到眼花都分唔倒邊個打邊個喇!
回覆刪除spicy似成磚大佛呀!
回覆刪除阿兵兩年前後o個樣真系差好遠
回覆刪除乜個個都笑我係佛架, 你地一定係唔抵得我靚!!!!
回覆刪除Turbo 瞓覺張相, 影得好靚
回覆刪除係呀，Bobo瞓覺果張好sweet呀！ Spicy, 你係咪肥咗？
回覆刪除老公盾, 你係咪想"屎"呀, 又讚bobo sweet, 你都無讚過我呀...我火呀...
回覆刪除有回禮的生日會,真有心思! spicy,你個look好得喎! 薯媽
回覆刪除薯媽, 得你一個讚我咋. 佢地兩個宜家玩到咁大, 上次媽媽都係自已焗d餅餅送比人咋, 到我地下次生日時都唔知攞咩回比人!
回覆刪除嘩...ｄ狗狗美食好吸引好正呀!!! 點解我次次見你o地影親大合照, ｄ牧羊狗狗都可以排排企...企定定一齊影大合照o既?! 真係好乖乖呀!!
回覆刪除Ming: d狗美食好多都係享你個日誌度學既, 宜家人地提起狗食譜, 個個都會諗起你, 你真係勁呀! 影相既野, 工多藝熟姐, 佢地成日要被迫影相, 乖乖地合作既話咪快d收工囉.
回覆刪除
回覆刪除Sheltie Spicy ： 好多謝你o地咁捧場呀!!!
不過你o地整狗o野食真係好有心思, 賣相整得好靚好吸引, 我自問就無你o地咁叻喇!!
我都要向你o地好好學習, 希望可以同你o地互相交流一下心得!!
o果ｄ狗食譜我都搵得好辛苦呀, 其中有部份係我用人o既食譜再自己改編o既~
因為狗狗得十幾年壽命, 而佢o地一生最開心的事就是食o野o既時候, 所謂食得是福o麻!
我都希望個狗狗私房菜 Blog 能令更多狗主為寶貝狗親手整唔同o既愛心美食, 令狗狗活得更開心快樂!
而且整狗狗美食真係一種樂趣o黎o架, 睇見ｄ狗狗食得開心, 自己都會好有滿足感!
你o地ｄ牧羊狗狗真係好純好乖乖好聽話呀!! 我o地ｄ北京狗狗就唔同喇, 佢o地會坐唔定影唔到狗狗大合照o架, 次次都要我o地抱住先至影到大合照呢!
回覆刪除Ming, 一齊影咪仲好! 我人雖然唔多上鏡, 不過都鍾意上鏡架. 以前初養狗時有睇過書學整蛋糕, 不過見Bingo風捲殘雲咁就吞咗, 果時諗...比咩佢都好似牛趙牡丹咁, 洗唔洗咁多功夫呢? 不過你講得好岩, 佢地食野果陣係最開心的, 但比街買的零食講真我真係唔放心 (其實我近年已經好少出面買), 因為做比狗食的始終無監管, 唔係human grade, 唯有自己整就安全又放心呢. 你係大廚, 我地以你為榜樣架!
回覆刪除Sheltie Spicy ： 我覺得成班狗仔排排坐一齊影大合照好得意好過癮呀~~ 可惜北京狗影唔到啦... 而家咁多所謂名牌o既狗糧都有問題, 搞到我都唔係好放心再買市面賣o既狗零食去餵佢o地喇, 因為始終唔知用咩材料去整, 費事影響到佢o地健康啦, 所以我寧願自己整狗零食, 始終自己整會餵得安心ｄ! 千其唔好叫我做大廚呀, 其實我同你o地一樣都係試下試下亂咁o黎o架咋!!
回覆刪除Ming, 日子有功, 最係要係主人有耐性, 我地次次都要3,4 take先成功架. 期待有日見倒你地d北京大合照.
回覆刪除