又有朋友仔黎探我喇, 就係文妮姨姨, 菠蘿同妹妹嘞! 雖然我地係街坊, 不過其實好少見, 都係因為寫日誌先有聯絡呢!
本來有小朋友黎探我係件開心事, 不過我就再次曳曳, 又
菠蘿, 激到媽媽好嬲呀! 佢仲以為我淨係打Double兩姐弟同大山婆Gigi添, 其實我都唔知點解, 以前都唔係咁既, 媽媽話就黎要買靜心比我食!
不過我淨係唔妥菠蘿, 文妮姨姨同妹妹呢, 我又好愛喎!
文妮姨姨一入黎我就係咁錫, 係咁錫佢
睇下我幾纏棉!
講個秘密你地知呀, 原來文妮姨姨教得佢兩個好乖好乖架! 媽媽都不知幾羨慕, 話佢地又有禮貌, 又唔嘈, 菠蘿就活潑, 妹妹又斯文. 相比我就真係好唔掂嘞, 不過媽媽就算幾想都唔敢摸菠蘿, 因為驚我會更加呷醋, 又發神經打佢喎.
因為我同老兵都唔準佢地玩, 菠蘿一攞起個波波想玩, 我地就吠佢, 所以大家唯有坐定定, 你眼望我眼!
不過媽媽發覺佢用呢個定焦鏡, 唔識整多點對焦, 搞到菠蘿同妹妹都矇矇地.
好在媽媽噚日買咗隻神奇四俠一, 大家可以一齊睇唧! 妹妹好嗲, 坐享媽媽格離, 仲將個頭頭放享媽媽大脾, 冧到媽媽不得了呀.
媽媽對妹妹簡直愛不釋手, 係咁捉住佢影相. 你地睇下, 妹妹的前面上面下面左面右面佢都影均晒, 我就居然一張獨照都無!!
影完妹妹, 就到菠蘿, 佢要影菠蘿的海, 呀! 唔係, 係菠蘿的眼先岩.
仲有菠蘿的面
同埋菠蘿的髮! 媽媽話佢個頭好似生意失敗咁, 好鬼cute喎.
Bingo話好悶呀, 到我未呀!
佢用眼神黎抗議!
嗱, 一齊影啦, 咪淨係掛住影人地先得假!
晚上多謝菠蘿同妹妹, 我地先有得一齊出去食西餐咋, 仲同埋佢地的爸爸一齊吃, 我享街見倒狗又試呱呱嘈, 真係失禮死人喇!
文妮姨姨, 好多謝你d
, 我媽媽就無用啦, 本來諗住整點心, 點知失咗手, 老豆返黎見倒個樣, 機乎笑甩牙!呀, 仲有, 原來真係我地部DVD機有問題, 噚晚老豆用番部VCD睇隻碟, D聲就無時大時細同delay喇. 總括呢日都係失禮的一天, 我又失禮, 機又失禮, 媽媽d手勢又失禮
菠蘿個頭唔係似生意失敗呀!係對耳仔似蝴蝶犬呀!好可愛呀!
回覆刪除係呀, 我地都覺得菠蘿d耳仔毛好似蝴蝶犬咁, 好鬼正呢.
回覆刪除spicy 唔敢抽妹妹, 係咪當咗佢係bu-b公主呀....
回覆刪除光圈太大，景深會好短，所以會得中間清，前同後都會曚，要收D光圈先得架!! 薯爸
回覆刪除開頭我見spicy你係咁錫我, 不知幾開心呀, 之後先知原來係親人地既爸媽你就錫既~~hahaa~~ 可以同你地一齊食飯先開心嘛 , 又可以一齊食包包呢~~hehee~~下次一齊再玩過啦~~~妹妹菠蘿都好期待呢 ~~hehee~~ 妹妹菠蘿話雖然個點心個樣唔係好得, 不過好好味呀~~下次都想食呀~~~
回覆刪除thank you 薯爸. 咁如果較番細個光圈, 咪仲要再較大d個ISO? 我屋企超黑, 已經用緊1250喇. 江太, 你當我傻架咩! 我梗係唔會撈亂啦, 因為bu-b公主同妺妹係兩隻狗, 唔單止個面孔, 連性格都完全唔同呢. 我唔係唔敢, 係唔會! 文妮姨姨, 你真係厚道, d點心咁都話好味! 你好好人, 我雖然係人爸媽都黐, 但唔係個個都比我錫架. 我媽宜家努力諗整辦法, 佢要整頓下我, 等我平易近狗d. 佢話我越老越麻煩, 細個都唔係咁既!
回覆刪除係呀，我係屋企影多數都開到ISO1600,1/30-1/60,f/1.8，如果再收光圈，快門就會太慢，你唔手震佢地都動啦，唯一方法就係加閃光燈! 我想問你枝24-85mm，係未f/2.8-4架??? 薯爸
回覆刪除我哋成日都見唔到面,真係好想可以預啱時間可以見面,到時spicy記得親親我mama呀!
回覆刪除spicy媽, 其實spicy都係保護自己先, 之後你都見佢同菠蘿都無事呀~~~我諗如果佢唔係係自己屋企唔會咁呢~~~hehee~~~等菠蘿黎多d, 定佢習慣吓啦, 再唔係你可以同佢地去我度, 睇吓唔係自己主場會唔會都係咁先~~~hahaaa~~ 個點心對妹菠黎講已經好好味啦, 佢個媽咪我好鬼懶嫁嘛, 成日都無整野俾佢地食~~~hohooo spicy, 文妮姨姨最鍾意俾狗地錫嫁~~~ ~~~所以下次都要鍚我呢~~~heheee~~~ Turbo Bo Bo, 多謝你讚菠蘿可愛呢, 不過我覺得BoBo都可愛呀, 因為佢同菠蘿都好似樣呀~~~hahaaa~~
回覆刪除薯爸, 係呢支呀. 可惜我無閃光燈, 用機頂果個我就會變妖怪啦. 因為我對眼因為淺色, 所以特別易變身呢!
回覆刪除文妮, 好呀, 你得閒就帶妹妹同菠蘿黎啦, 幫手整頓下Spicy. 我第日行得番搵日都去探下你. 我覺得我呢排享屋企Spicy真係惡咗, 可能佢日日對住我, 太呵護, 諗住我同佢撐腰! 佢細細個Bingo下下洽住佢佢性格反而好d. 我最羨慕d狗狗就係性格好穏定, 唔會亂跳亂叫同撲人, 有咩事又驚驚青青要吠咗先咬咗先. 我成日都覺得我地好多朋友下下當佢bb咁, 搞到d狗狗亂晒籠, 有咩事佢地都唔識應變, 為咗保護自己而先發制人, 結果受傷害的都會係佢地自己. 試諗下如果Spicy兇果個唔係菠蘿或Double, 係生保人/狗, 就大檸樂喇. 不過享街佢就好似乖好多既, 但見親狗都會鬼渣咁嘈, 係都要埋去聞下就夠煩啦. 所以見倒你兩隻乖乖我都流晒口水呢. Parco, 有機會見倒你, 你媽媽可能要帶幾包紙巾去抺咀呢! Spicy媽
回覆刪除菠蘿真係似10幾年前d後生女咁, gel起d留海咁..好q..又似人地坐完開蓬車咁, d毛定左型.. 佢個頭側側地好似好識擺post咁.
回覆刪除Bingo你有好多朋友仔來找你, 你近來咪好忙囉。 我覺得妹妹好可愛呢。
回覆刪除大光圈好難影四隻狗, 盡量平排啦, 可以試下manual focus, 自己睇到清再fine tune, 唔知會唔會好d 菠蘿唔知有無見過面呢?
回覆刪除影菠蘿對眼好有神. spicy 你要學下咩叫"好客之道"
回覆刪除我哋好耐都無見過菠蘿你哋啦!!
回覆刪除劉生, 係啦, 所以我地之後果張合照都改享地下影, 咁媽媽就唔洗打斜影過去, 因為個廳唔夠闊, 定焦fix咗50mm就唔可以大家坐享梳化影啦. 老豆果晚都叫佢用手動對焦.
回覆刪除小白羊, 我話你好忙就真呀! 好日都唔過黎坐下! 檬檬, 講落又真係幾有神播.
回覆刪除手動都無用，因為景深太淺了，你買機時無買18-135??不過24-85依枝都係好鏡!!不過影風景時就唔夠WIDE啦!! 薯爸
回覆刪除原來你係大醋呈...哈哈
回覆刪除原來你哋都識菠蘿佢哋...??? 真係好啦...
回覆刪除牧牧, 係呀, 我地識咗好耐啦, 04年已經一齊開聖誔party!
回覆刪除四個一齊影果張好靚呀～
回覆刪除spicy 媽,你隻腳點呀?有無問醫生可唔可以用 fitball? 薯媽
回覆刪除薯媽, 你有心, 隻腳都係咁上緊, 我星期一覆診時問下醫生先. 薯爸, 我買機時淨係買咗果支24-85咋, 因為當時主力想影狗. 本來諗住呢個月尾去北海道前買多支鏡影風景, 但宜家取消咗所以就未買嘞. Bread, hehe, thank you.
回覆刪除