2007年6月16日 - 家訪團出訪Bobo香閨

自從媽子借咗輪椅後, 我地就可以出關, 呢日我地繼續加入狗狗家訪團, 收倒英雄帖去Bobo屋企!  不過媽媽今日痴咗線, 影咗好多傻瓜相, 希望唔會悶親各位.

朝早老豆唔享屋企, 無咗助手, 媽媽話只可以整d簡單既野, 咁唔好試新野喇, 就整火焰雪山批啦, 上個星期先整完, 有把握!

Vera姨姨叫我地要早d到, 哈哈, 去到原來我地真係最早喎!

好快就到Jose, Joel同媽咪, Vera姨姨帶咗佢媽咪去泊車, 佢兩兄弟就上黎先. 點知平時一向循規蹈矩的Joel居然一上黎唔夠幾分鐘就大派黃金呀!

睇下幾勁!

未完架, 因為佢一路行, 一路派到入後面走廊! 好好人的Bobo爸 (佢又係Uncle Eric, Parco, 你講得岩, 叫Eric的都係好好人) 仲一路執, 一路笑!

好衰的媽媽想打電話搵Joel媽告佢狀, 不過打得黎, Joel媽都上到黎, 媽媽就呱呱嘈, 搞到Joel媽鬼咁唔好意思!  原來Joel岩岩食飽飯, 雖然已經開咗大, 梗係太飽, 要再排排毒準備迎接陣間開Party既美食啦!

除咗我地帶去的火焰雪山, Bobo媽又整咗薯仔雞肉波波.

Joel媽子帶咗甘荀鴨胸撻黎喎!

D爸媽們都唔差喎, 佢地叫咗板前壽司食, 但要好好好好好好人的Bobo爸渣車去攞! 

Jose, 你索咩索到咁陶醉呀?

Jose:  唔, 唔知呢位小姐踩過咩黎呢, 隻腳板咁香既!? 係佢用咗咩香水黎洗腳呢?

Joel:  細佬, 有好野聞唔益我呀?! 引到我口水都流晒....

Bu-B:  呢d係咪叫戀咩癖呀?  戀腳板底癖?  e.....母后, 我屎都唔落地比佢地聞架!

Joel: 噢, 呢個Bobo浸過的咕咰一樣咁香姐!

Bingo: 咦, 我又從來都唔覺Spicy隻腳板咁香喎, 唔通真係Bobo用咗隻好正既洗腳水?

Jose媽咪: 哎吔! 你兩個衰仔, 唔好意思, 我地屋企無女仔, 佢地未去過女仔小朋友屋企, 醜屎鬼喇!  快d起身! 隻腳係Bobo既, 唔攞得走架!

Jose: 腳板就話唔可以帶番屋企, Bobo D玩具都好香喎!  媽媽, 我要帶埋佢返屋企!



媽媽, 你唔好影人地d家事喇, 你咪話除咗我個圓碌碌的pat pat外, 最鍾意就係我個肥嘟嘟的鼻鼻既, 我比你影下喇!
  

咁又趁機欣賞下其他小朋友既鼻鼻先...

有Jose的大鼻, 媽媽話佢小時候個鼻樑d花花同我幾似, 宜家就係放大版.

同埋Bobo的淨色啡白鼻.

大家睇多兩眼喇, 我呢個咁純真既樣樣, 近來唔多見架!

唔撐在睇埋我隻眼眼, hehe...唔發紅光嚇人果陣係咪好天真無

牙呢....

同Bobo的眼眼. 佢好多時都愁眉深鎖, 好似好多野諗咁.

咦, Joel爸, 你咁似d游擊隊打野戰咁既?

Uncle Joseph: 嗄? bu...............

Uncle Joseph, 你bu...........咩呀? 你個樣會化既?  好得人驚呀....

我都係咪埋, 無眼睇!

Joel: 喂, 老豆, 嚇親人呀! 
Uncle Joseph: 咁我咪應該著迷彩衫黎??

我霸人爸媽就就最叻.  以前霸Bobo媽, 後來霸Double爸, 最近豬爸忙, 又比我發現Bu-B爸媽!  媽媽就叫我唔好咁霸道, 遲早所有朋友仔都唔同我玩!

Bu-B: Spicy: 你今日咁大班牧羊友享度, 我唔會同你烚氣, 夠膽你就黎我史立莎皇國度玩野!

老豆好衰, 成日整鬼我地, 睇下佢今次整到Bingo個頭幾肉酸!

開拍癲佬正傳搵佢做男主角啦!


Summer: 嗱嗱嗱, Uncle Eric, 我平時無得罪你, 你千祈唔好咁整我把頭髮呀!  我叫架!

咁不如大家正正經經影合照啦!  不過老媽子行動不便, 所以佢求其櫃享一角影, 攞既角度麻麻地! 連我對手都影唔晒!


呀!  唔記得同大家介紹, 相信大家都可能留意倒, Bobo對孖生兵團既陣容報景板, 好勁架!!!! 媽媽想一張過比晒你地睇, 不過又想你地睇得清楚d, 所以都係分兩張相!

仲撐呢張!

有一樣野令媽媽好開心既野, 就係呢d相, 除咗有幾張係享studio影既, 有成一半都係我媽媽影架!  Auntie Vera真真比面!  嗱, 不枉Bobo成日幫我媽媽做磨Dell! 又成日比我媽鬧, 話佢"中"我!

眨下眼又11點幾, 今日打擾咗Auntie Vera同佢Uncle Eric成大半日, 搞到佢兩個又要不斷落樓下倒車, 接人, 執屎執尿, Uncle Eric仲要去攞壽司大家吃! 真係唔好意思, 不過如果你地覺得我地大班狗走咗好空虛的話, 我地唔介意個個星期黎陪你架!