嘩, 媽媽, 你無端端叫老豆出去買蛋, 出面落雨喎, 嗄, 又整咁多野食, 唔通今日又有人黎?!
今日係就係有人黎, 不過唔係你d朋友仔, 係媽媽d同事姐, 但佢地晚上先黎, 下午我帶你去呀盾屋企玩. 唔通空手上去咩!
蛋撻同肉桂蘋果批唔唔岩食呀?
就係為咗整呢兩個批, 我地結果就遲大到嘞! 去到先知原來今日Vera姨姨都整咗三文魚撻去呀. 可惜佢地班兩手fing fing上去既衰人, 諗都無諗過留番d比我! 好在Vera姨姨手快, 趁佢地未食晒就攞起一個仔比我同Bingo! 真係唔抵請佢地食野呀!
兩老為咗整撻比大家食, 搞到中午飯都未食, 好在Cotton爸媽買咗蛋糕同哈密瓜招呼我地唧!
Double, 你擘到個口咁大係咩呀? 你頭先食唔飽呀?
Bobo唔知做咩, 突然間死蛇爛鱔咁....
佢都係鍾意坐梳化多d.
Bobo, 至多合照比你坐中間啦! 車, 你都係唔笑既!
三個媽媽一齊影啦, 其他果兩個話唔出鏡喎!
跟住盾媽又大派零食, 你地睇下, 居然有人同我趴落梳化低掙食喎! 你地估下佢係邊個?
影完一輪相, 我地一家四口又要趕番屋企喇, 因為媽媽朋友就快到, 咁快就走, 我都未玩夠, 佢地就好啦, 仲可以玩到食完晚飯先! 激死人!
唔, 呢排天口咁熱, 又成日落雨, 加埋媽媽對天殘腳, 睇黎大家都係繼續玩家訪架嘞. 咁下一站去邊好呢? 咦, 我未參觀過大皇宫喎.....
F
回覆刪除