講起真係慚愧, 好多小朋友一歲開始都有生日會, 但老兵呢, 就要到九歲, 兩老先同佢開. 不過呢日好豐富, 老媽子請日食野, 除咗係結婚果日, 呢次都怕且最大型喇! 因為老媽子擺烏龍, 比錯日子到會公司, 搞到要賠咗部份錢比人地囉. 其實Bingo係9月生日, 不過因為book唔倒地方, 所以要延遲到10月中先同佢開生日會.
睇下幾多朋友仔黎同我慶祝? 連小朋友都有呀! 佢叫曾依望, 坐享Spicy頭頂果個係佢哥哥. 曾家唔係成日出黎玩, 大型聚會先出黎架咋, 認真比面!
Auntie Louisa派餅仔!
呢張就係媽媽認為最肉酸的Bingo嘞! 
仲記得果日Joel地有事唔黎得, 好在有Summer同Chili媽咪仗義整幾個蛋糕送比Bingo咋! 要搞我老媽子就死喇!
嗲吔媽咪們都好多野食架!
Boyboy (左): No仔, 你比d我食好喎!
睇下老兵收倒幾多禮物?
真係收到好多禮物呀!!你地咁多隻真係分唔到邊個打邊個...今天生日攪唔攪呀??我地都要同你慶祝呀!! 薯DON
回覆刪除今年就11歲生日喇! 時間過得好快呀!
回覆刪除老兵真係收到好多禮物喎
回覆刪除過咗10歲, 每一年都係一個鼓勵, 有機會梗係會同佢開個party啦.
回覆刪除好好珍惜呀! 薯媽
回覆刪除真係好開心喎！
回覆刪除果陣時亞兵真你好瘦啊! 現在靚仔好多...
回覆刪除05年我DOUBLE豬都好似識左你地啦, 又唔覺BINGO 咁廋喎咁少毛喎~~~
回覆刪除都唔係肉酸丫...只係瘦咗少少啫...
回覆刪除Bingo個樣好young呀,都吾少毛bor,一d都吾肉酸.
回覆刪除