有日老爸放工番黎, 攞住一張ING保險公司送比佢既郵票, 老媽子諗諗下, 都唔靚既, 如果換咗我地d狗狗落去仲好睇啦! 咁呢個idea, 就啟發咗我地夾份整張獨一無二既郵票嘞. 我地結集咗八隻狗, 每隻狗狗可以有兩幅相, 中間仲可以有張大相添. 最好就放合照啦! 但係去邊度搵我地八個既合照呢?
果朝, 老媽子靈機一觸, 不如宜家一齊出去影啦! 咁就臨時臨急, 召排咗我地八個, 一齊出發到柏麗灣影相l去. 12點幾call人, 大家兩點集合! 仲記得auntie nicole急急忙忙拖住meme mormor趕黎, 仲要沿路買口罩比佢地上船用.
今日既目的係影合照. 老兵你自己影咩唧!!! 你日日都見倒呢條橋啦!
一去到仲見倒久違咗既蓉蓉, 佢好細個就發現有寛關節毛病, 做咗手術, 果時見倒佢主人養多一隻King Charles Spaniel瑩瑩, 好唔好彩, 瑩瑩同樣亦驗出有寛關節問題, 亦都要做手術. 真係禍不單行!
同蓉蓉瑩瑩地一齊影番張相先!
我地呢班郵票明星呀! 左起: Summer, Bobo, 我, Bingo, Tanbie, Gigi, Meme & Mormor
呢張就係制成品喇, 真係用得架, 不過我地邊捨得搣開佢黎寄信呀!
嘩，靚成咁點唔捨得用呀！Spicy媽，張banner整得好靚喎！
回覆刪除Cotton, 你講我果張定Bingo果張先....
回覆刪除嘩~~~好靚呀!!!靚到無得頂woo... 不過...好似差咗小小嘢^^就係都無我嘅靚仔樣 依家仲有無得整?我都想整返張黎留念呀!!!
回覆刪除兩張都咁靚；Spicy果張好貼題 藍眼睛看世界... ，而Bingo果張就映得佢好靚好細個...
回覆刪除嘩... 好靚呀!
回覆刪除haha....Bingo老野扮細個.... parco郵局幾時都有得整架, 聞說宜家個款仲靚d添. 你去香港郵政個網頁就搵倒詳情架喇!
回覆刪除嘩~~~~好靚呀~~~~~真係好有紀念價值呀~~~
回覆刪除你媽媽好好心機呀! 我媽媽都話幫我整郵票架...整咗好耐,整到宜家冇咗踪影...俾佢激死...
回覆刪除