首先係2004年10月3號, 我地去咗大霧山, 大霧山就成日都去, 不過行到咁入就好少, 印像中好似只試過兩次. 呢度要行成兩個半鐘先到架, 來回即係成四個幾五個鐘.
剛出發, 影張合家福先! 呢個位我地次次去大霧山都要影呢!
睇下我幾飄逸!
Bingo: 影快d啦, 我好驚呀...
左起: Tanbie, Gigi, Bingo, 我, Meme, Mormor, Summer
2004年10月22號, 我地又去咗南丫島喎, 一般人去南丫島淨係識行榕樹灣至索古灣, 不過我地今次就去咗菱角山, 睇下d石頭奇型怪狀咁係咪好得意呢.
左起: Gigi, Tanbie, Bingo, Bobo, 我同Summer.
Bingo同我一人錫淡姨丈先!
我地好似拍絕嶺雄風咁, 好威呢!
仲記得果日晚上我地仲食埋海鮮先出黎, 誰不知去到中環老媽子就哎肚痛, 入咗去大會堂厠所成個鐘都未出倒黎, 因為我地大家都係坐姨丈架車去, 個個都唔走住, 卒之要全部人送佢去聖保碌醫院打針, 呢次節目真係豐喇!
2004年10月24號, 我地去咗個地方, 你地實未去過既. 點解? 因為果度跟本唔比狗入架嘛!
就係青衣既青馬橋觀景台嘞! 其實果度好近我地屋企, 渣車去都唔洗十分鐘, 泊咗車行幾步上去就係喇, 不過玩完落番黎時居然比人趕喎. 老豆同佢地理論, 話週圍都無禁狗牌! 果個女人居然答話因為唔好睇, 所以無個告示牌貼出黎話唔比狗入喎. 咁佢地即係自知唔比狗入會影响形像啦!
我加埋紅色椅係咪好醒神呢!
嘩~~~你地好幸福呀, 可以周圍去~~~
回覆刪除2丈呢兩幅相個樣好鬼似鄭旦瑞呀...
回覆刪除超幸福呢! 呢啲相就係最好的回憶,很開心啊! 薯媽
回覆刪除嗄? 我姨丈靚仔過鄭旦瑞好多下化... 薯媽, 老豆老媽子未養我地之前, 得部爛鬼傻瓜機, 係出外旅行先會影相, 宜家就成日都攞住部相機, 就係為咗幫我地留多d美好回憶咋.
回覆刪除Spicy, 睇你個blog好開心, 令我諗起好多開心既回憶! 我阿媽都唔知幾時先得閒幫我寫多幾篇"Summer成長路"...
回覆刪除無錯, 真係好睇到開心....我老媽每晚即使OT 放工返黎, 都要黎睇下先!!!
回覆刪除my mom has all the time in the whole world now! 佢咁得閒, 梗係要搵d野打發下時間啦!
回覆刪除你地好幸福啊....你老豆老媽子對你地幾好, 記住要乖乖啦
回覆刪除唔比狗入~傻傻地!等我哋下次拖馬去踩塲先,如果唔比真係狗入,唔該佢貼告示出黎,一講到呢d人我老媽子就好燙la~
回覆刪除