悶屎人喇!!! 又落雨!!!
先前見牧牧開畫展, 等我地八八卦卦又學下佢先!
呢張老餅相係咪好襯老兵呀?
原來除咗媽媽之外, 仲有人鍾意影我個pat pat!
Tanbie同Gigi變咗油畫之後又幾上鏡喎....
素描之後的老豆好似靚仔咗!
媽媽都係變咗素描順眼d, 三張我地都係一樣表情同舖屎, 好悶呀!
Jose, 你仲認得你自己呀?
媽媽話呢張係鐵窗雌淚....
呢三條友諗到入晒神咁, 有咩咁好睇姐!
都係呢張最靚!
2007年6月30日 星期六
2007年6月30日 - 無聊開畫展
2007年6月29日 星期五
2007年6月29日 - 真係要剝大牙喇!
下午等埋爸爸放工返黎, 我地就出發去Dr千度. 約咗五點, 我地四點九就去到, 噢.....平日都咁多人既....不過佢個診所好d, 起碼可以將張輪椅都推埋入去, 上次去太平道果度要享門口等咋.
到我未呀!!!!!
我唔似Bingo, 我唔鍾意坐輪椅, 爸爸見我咁唔耐煩, 都黎抱下我.
卒之等到五點十先輪到我地, 睇黎Dr千真係紅咗喇, 我由bb時開始睇佢, 講起都五年前囉. 早年轉睇佢, 就係因為老虎醫生紅咗, 太多人睇....
入到診所, 醫生又係第一時間讓咗佢張椅比媽媽坐, 哈哈, 佢係傷殘人士嘛.
我一見佢好似見鬼咁, 雖然一年都係見佢一次倒, 但見親佢都無好野, 唔係打針就係檢查我. 我唔比佢掂架, 助護捉住我都幾辛苦.
爸媽話我食完抗生素無耐塊面又腫番, 醫生話咁無得走喇, 一定要剝我大牙啦, 媽媽話生癌機會係咪真係低? 答案係如果係癌的話對抗生素無反應喎, 所以上次識消腫, 即係牙根發炎啦, 剝牙就係唯一方法.
咁漏尿又點算呀? 醫生問幾耐一次, 媽媽話都係最近呢排先有, 一個月一次倒啦, 不過上星期五六連續兩日. 咁醫生話趁剝牙時順便照下個肚仔, 睇下有無石喎, 佢唔想貿貿然就開葯比我食 (媽媽諗應該係荷爾蒙).
宜家攞咗消炎葯返屋企食, 問咗醫生, 係咪唔可以腫住剝, 哈哈, 佢無叫我地問牙醫喎! 醫生話最好食咗消炎葯先, 唔晒一定要消晒腫先剝得, 不過最好唔好就咁剝囉.
約咗下個月8號做手術, 老豆話我識聽, 所以回程一路都悶悶不樂, 謝晒!
老豆落咗車買野, 幾時先可以返屋企?
媽媽: 笑下啦, 至多番屋企煮比三文魚你食嘞!
2007年6月28日 星期四
2007年6月29日 - 荔枝成熟時
頭先享大雄網誌見倒佢用荔枝黎炒雞柳, 咁岩我地雪櫃都有荔枝, 咁不如整杯野飲啦, 呢杯就係
成份去核荔枝, 紅莓汁同埋有氣礦泉水. 紅莓汁好有益, 有抗氧化作用, 對心血管系統, 免疫系統和抗癌都有好有作用, 另外佢亦可抑制在泌尿系統的細菌傳染, 即係減低患女性患尿道炎的機會, 仲可以減少腎石形成.
平時單飲紅莓汁都會覺得佢太甜, 所以一般我都鍾意加入有氣礦泉水, 今日加埋荔枝, 好好味呢!
不過獸醫話紅莓與紅莓素對減低狗狗生腎石同尿道炎就無咩幫助.
陣間就會帶Spicy去睇醫生, 睇下佢個腫腫面, 不過呢個星期又無漏過尿喇, 可能真係連續兩日所以比佢嚇親.
覺唔覺得左邊面小小腫? 
2007年6月28 - 北海道之旅
今日係我地出發去北海道既大日子, Bingo同Spicy就放享Vera度, 我地一共去九日, 目的地係札幌, 搭直航機, 瞓一晚, 聽日就去小樽, 後日會去富良野同美英留三日, 跟住就去登別, book咗間溫泉酒店, 係全個行程最貴的一晚, 雖然係夏天, 不過咁遠去到, 都要浸下既! 然後再渣車返落札幌, 玩多兩晚就返香港喇. 係咪好美滿呢! 酒店, Pension同車都準備好! 書都買咗幾本, 刨熟晒.
富良野的花田, 睇下幾靚!
不過可惜因為我的腳傷, 全部都要取消! 宜家只有睇住d相, 望下發下夢, 今次去唔成就當儲錢, 第日帶多d彈藥先去喇!
2007年6月26日 星期二
2007年6月25日 - 又覆完診喇
又過咗兩個星期, 輪到我要覆診了, 屋企一屋都係病人, Bingo係長期病患者, 無得走, Spicy無端端又牙肉發炎, 我就唔洗講啦!
兩個星期前我隻腳照多一次X光, 其實上星期我已經打咗電話比醫生, 佢話無進展, 噚日見佢又比多一個月假, 佢真係樂觀, 佢話無進展即係無退化啦, 好事黎喎. 不過我話我想返工, 佢話咁我可以抖多兩個星期試下返, 不過依然都要用兩支拐仗, 因為隻腳的骨位唔可以負磅. 一個月後再照多次. 佢話如果比隻腳負磅, 果個骨位有機會下磡, 因為面層的軟骨都已經蝕了, 唔夠力乘托呢舊骨喎. 其實我都幾心急, 我話人地斷韌帶斷咗都好似無咁耐, 佢就答話韌帶反而易搞, 因為有得駁番. 但骨就唔急得黎, 亦無咩可以做倒喎.
我今日已經同公司講咗, 話過兩個星期後就試下番啦, 不過我都諗唔倒如果老公車唔倒我來回, 我攞住兩支拐仗點上落車....
2007年6月25日 星期一
2007年6月24日 - Summer & Bobo的生日派對
我地又去Party喇, 真係開心, 有食又拎! 今次係慶祝Summer六歲同Bobo五歲的生日會. 因為天氣太熱, 所以我地差不多最後先到.
睇下老兵, 成個公雞咁, 特別係條尾!
媽媽話呢張相得我地幾隻雲石仔享草地得意, 本來仲有Cotton, 不過佢閃得好快, 轉眼就唔見咗. 
真係唔該晒Summer媽咪借來一張電腦椅, 媽媽先可以活動自如, 因為我地要載Boy Boy同May May番屋企, 所以架車放唔落輪椅, 唔帶倒去喇. Bingo幾得戚! 佢鍾意坐輪椅嘛!
我坐享盛裝出值既Bu-B公主格離, 比佢搶晒鏡添!
望咩呀! 未見過靚女呀!
Summer同個橙色背景好少有少少黐底添!
仲有同Summer有幾分似的Double.
兩個主人家幾開心!
睇番05年老兵的生日相, 同一地方影, 係咪成個唔同晒?
有無人估倒佢兩年後既11歲會變成咁?
個衰公宜家d毛居然長過我, 個個見倒都掛住講佢, 無人記得我啦!
室外的大合照, 出奇地成功! 大家真係合作嘞!
室外玩夠就好入去切蛋糕喇! 兩個壽星女幾好定力? 居然仲可以笑住影相, 比我實忍唔倒, 一口咬落面前個蛋糕度啦!
Micky姨姨個蛋糕超靚又好味! 媽媽話今次真係得得得!
Summer媽咪整的蘋果批.
我媽都有貢獻架, 四盤小食中, 有兩盤係佢整的, 頭尾兩盤呢就係Bobo媽整的.
嗲地媽咪們都唔弱喎, 都咁多野食既? 你地夠竟係咪黎同狗狗賀壽架....
輪到我扮下公主, 睇下我身邊兩個隨從幾好笑容!
佢地係咁笑我, 又話我以為自己真係好靚...乜唔靚咩?
我唔靚唔通佢靚咩! 成個傻仔咁, 一日扮cute, 搞到我媽成日都話要養番隻poodle!
我契爺派野食呀, 你地一個二個走開啦, 佢淨係錫我架咋, 真係嬲你地唔知, 話你地又唔好意思!
連碧碧姐姐都笑你地喇, 不過話時話, 我媽都話佢地幾姊妹都練咗長生不老術架啦, 你睇下佢, 最多都係得15歲!
一個二個為食怪好似湖底d怪物等食物跌落黎咁....
我地眼瞓喇, 仲掛住傾, 快d帶我地返屋企啦! 主人家都瞓著咗喇!
Tanbie哥哥雖然未瞓著, 不過個樣都悶爆....
No爺仲好笑, 瞓到好似享屋企咁!
不過佢對耳都幾靈, 媽媽碌埋去佢都會醒, Bingo就已經有點撞聾, 莫講話爸媽入屋佢唔聽倒, 有時佢瞓咗欄住條路, 要大叫先有反應架!
喂喂喂, 大家快d起身影埋張合照就返閨喇!
睇下Bobo d禮物! 成個尾箱都滿晒, 分d比我就好喇!
不過我地都唔弱, 人人都有小禮物, 佢兩個好似結婚咁, 呀媽話似去完飲喜酒喎! 幾靚!?
訂閱：
意見 (Atom)