今朝bu-b媽同double媽打黎, 問媽媽會唔會出去玩, 媽媽又係忍唔住啦, 老豆都叫佢對死人腳要抖下又唔理...跟住姨媽又打黎, 又係問去唔去玩喎, 仲約媽媽一齊去上水食紅豆冰! 哈, 今日真係熱鬧嘞. 咁一不做, 二不休, 媽子決定叫埋Joel, Jose同埋Summer先. Vera姨姨就因為病咗, 話應該唔去喎. 噢...噚日仲好地地...唔通比我地班友仔激病咗?
媽媽於是就嗱嗱聲整埋個cheese cake啦! 然後就趕去上水同姨媽會合.
點知去到先知姨媽同姨丈大塞車, 有排都黎唔倒呀....媽媽唯有等住位先啦. 我地仲慘, 要享對面停車場架車上面等! 不過老豆就週時過黎比d野我地食, 接滯下我地.
等候其間, 媽媽見餐廳隔離兩間寵物店d糧真係好平呀, 影d相你地睇下啦!
我同Bingo加埋都唔夠一袋咁大同咁重呀! 睇下幾平?
仲有d散裝糧, 嘩, 5蚊一包....又真係有人埋黎買緊喎...
媽媽仲見倒有一包成50磅既, 仲有隻好大的牧羊狗做袋面, 可惜影唔倒.
姨媽咁耐都未黎, 唯有叫住杯紅豆冰邊座邊等啦. 本來杯冰條冰柱好大好高架, 但比多手的老豆整散咗! 終於姨媽媽丈要一個鐘頭先黎倒, 媽媽都忍唔住, 叫咗野食飽lu. 好有義氣的老豆就真係等埋姨媽黎先一齊食!
食完就急急腳要走喇, 遲大到喇我地! 咦, 原來Vera姨姨瞓醒好番d又一齊黎喎. 不過佢渣唔倒車, 要bu-b公主號去接佢啦, 公主號出咗發仲收倒double求救, 輪到佢老豆唔黎得, 公主號又返轉頭去接埋double.
一到步行咗一陣, 就聽倒好多狗吠聲, 睇下, 有群野狗享上面呀! 我梗係唔執輸要同佢地死過啦! 老豆掛住追我, 一邊又要叫媽媽睇住Bingo, 不過車, Bingo又老又矇, 人地唔搞佢佢都唔會出手啦! 扮野擺舖屎影相佢就叻. 點知就係咁, 爸爸番屋企鬧咗媽媽一餐呀! 話佢唔聽話唔捉住老野, 危機意識低喎!
我地都未正式上山, 岩岩過咗班野狗, 就有人比媽媽鬧...你地估係邊個? 成身鬼針草....
就係Joel喇!
老媽子於是比把梳比auntie micky擦, 呢樣野我實要隨身携帶架, 因為如果唔係要避野狗我被迫上繩的話, 呢d草應該係享我個心口度嘞!
跟住就要上條長命石級喇, 老媽子係偒殘人士慢慢行, 老豆又要抱住Bingo, 我都費鬼事等佢地, 同哥哥上咗頂笑佢地啦!
上到去影幾張相先!
點知影影下, 我同Summer有發現! 原來班野狗追咗黎呀! 我地兩個呢家野就最醒, 梗係响晒警報啦! 老媽子地掛住引我, 背住面就梗係唔知啦, 老豆同Summer daddy聽倒我地兩個叫, 就立即叫婦儒同小朋友
走到好遠, 大家都要停低抖下喇, 咦, Jose, 你痾屎呀? 咁好笑容既? 你個姿態同表情好似噚日double媽比我地跳咁, 一樣咁開心喎?
咁不如影咗大合照先啦! 大家埋位!
行咗一陣, 到咗水塘邊, 我實知, 因為附近又有水氹, 我走咗埋去跳跳跳! 濕咗! 舒服晒! 媽媽話山路搵水源同野狗我就最叻!
老媽子見我四隻腳仔都濕晒, 索性捉我落上塘邊影相.
嗄, 老兵都影? 咁我實唔夠佢搶鏡格! 睇下死老野幾識擺舖屎! 個個都讚佢好上鏡, 早知我死都唔落去影! 激死我喇!!!!
哥哥, 出番草地我同你影好過. 你係我孖生大佬, 輸比你我都心甘d呀!
天黑喇, 我地就去咗呢度食飯, 係上個星期大家話我無黎好掛住我果度呀. 佢地要帶我同媽媽去睇下喎. 睇下幾靚?! 原來老豆識果個老細, 有八五折呀! 
不過哥哥同Gigi就好慘, 要看車...佢不時都申個頭出黎望住我地, 我又吠下佢!
呢碟羊肶係咪好靚呢? 全晚最好食就係佢喇! 盛惠158大元. 其他野....都ok啦!
亞bingo 企到好似隻雀咁0既!!! 我聽見媽媽睇到你話jose 柯屎個樣同個post 似佢, 我聽到佢講咗兩個字"xx"......唔知點解呢????
回覆刪除我亞媽話, 你唔好不如放埋佢張相喺隔離比人對比吓
回覆刪除好呀, 不過分開兩篇日誌擺有d神秘感, 令人聯想下好d嘛. 諗起都... 你呀媽一定係話 "very beautiful!"!
回覆刪除咁多野狗~Spicy快d用你嘅美色去引誘佢哋la^^ 不過講真嗰句,去到嗰d地方真係小心d,最好就叫d mama揸住支楷,有咩事都可以自衛~ d野狗真係會同你死過,我都試過比d野狗咬到,好彩我有個勇猛嘅daddy,佢一隻天殘腳踢走佢, 但係我個身就有兩個牙印,仲有少少血流,我亞媽就嚇到喊,但係亞媽話唔係喊,只係唔知點解有淚水流出來, 可能驚到已經不知所惜~真係無鬼用
回覆刪除流浪狗...??? 真係好驚喎... 不過你哋人多狗多就好d... 上次 得我同媽媽...俾幾隻流浪狗跟住... 嚇到媽媽屎...抱住我係咁行係咁行... 又唔敢跑...我又响度吠...媽媽又叫我唔好吠...等間越嚟越多狗... 自此之後...媽媽冇再行過果段路lu... bingo確係勁上鏡噃...不過spicy你都唔差丫... 你媽媽成日都影到你哋身上有光咁... 好勁呀...
回覆刪除bingo真係好識擺舖屎, 但spicy都唔弱.兩兄妹都好靚. 以前我地都比野狗追過, 當時得mama一個抱住我逃命, 嚇到佢屎屎下.
回覆刪除parco, 牧牧檬檬, 牙印? 碎料啦! 好多年前, 當我仲係黃毛丫頭既時候....有一次我同媽媽去行山, 離遠見倒一隻好大好大既混種犬, 我當然好唔識死咁一支箭就衝過去, 老媽子梗係唔夠我快啦, 只係離遠聽倒我慘叫咗一聲, 然後坐咗享度唔郁. 人地個主人都立即埋去拉番住佢, 媽媽撲到埋去, 摸勻我d毛又無濕喎, 以為我叫係驚, 所以大叫, 應該無咬倒啦. 事後佢都話唔可以怪人地, 因為大家都無綁狗, 我又懶熱情咁衝過去, 係人見倒我都驚啦! 但番咗屋企的個幾星期後.....比老豆發現原來我個身有個傷口含咗膿呀! 個傷口仲大過一個五毫子! 但係達膿已經梗晒, 好似舊瑪瑙咁, 都睇唔倒有幾深, 核突到不得了! 媽媽想帶我去睇醫生, 但第二日出黎玩見倒我地另一個牧羊狗的爸爸係人醫, 佢話個傷口面都乾晒, 應該係好緊, 唔使睇喎. 不過老豆都日日用消毒葯水同我洗傷口. 但睇住撻膿就係咁縮少, 但果個位好番之後, 過咗好多個月先生番毛出黎呀! 不過我毛厚, 人地就咪睇唔倒囉. nono爸爸當年仲笑我話呢d係戰蹟, 好野黎架! 自此老豆老媽子就離遠見倒狗都喝住我啦, 但係車! 佢地鬼夠我快咩. 不過我宜家唔會比人咬完坐享度咁蠢喇, 因為我會還拖! 老媽子話我遲早比人打死喎! Bingo睇落又真係企到好似隻彩鳳咁播! 我地會發光? 唔係下化....哈....里露也...哈....里露也...哈里露也, 哈里露也, 哈里咦露也!
回覆刪除有流浪狗咁恐怖…呀媽實唔肯帶我去姐！
回覆刪除其實我地去咁多次都係第一次見有流浪狗群咋. 姨媽話佢地未見過番狗, 班馬埋黎睇" 老外 "喎! 媽媽話其實佢地都無惡意, 因為我地咁大班人, 佢地都驚架, 係有一隻唔識死的衝咗落斜坡小小同我對罵! 但影緊相果陣呢, 老豆就真係好緊張, 一邊走去d狗果面, 一邊向後哎, 捉住SPICY!!!! 妖! 好似實係我搞事累街方咁! 唔係姨丈都唔會一手的咗我走! 老豆話我過去就一定比佢地擔走咗, 如果執得番條屍都算好啋喎! 一人一啖都溶咗我啦! 老媽子話佢誇張到死呀!
回覆刪除spicy媽，呀媽決定全部轉homemade喇，佢仲未睇晒你比佢d書(太懶喇…)，佢想問除左骨粉魚油同多種vitamin之外仲有乜要加？佢訂左但要下禮拜先有呀！係呢你食乜brand架？我定左sg呀！你係咪照個instuction叫你食幾多就幾多架？
回覆刪除我媽從來都無比過魚油我食呀, 我地多數食芥花子油, 以前有食過flaxseed oil (但媽媽睇書話flaxseed 整到oil時d omega3都唔會留幾多, 因為唔穏定), 以前食過olive oil, 但聞說芥花子油的不飽和脂肪仲高, 所以轉所同媽媽一樣食芥花子油啦, 但又有書話safflower oil好, 所以遲d可能又轉. supplements我地都係食sg呀, 我媽都係照包裝指示比, 不過懷疑係咪要比多d呢, 因為其實個指示係for食狗糧的狗. 不過都照比咗咁多年都無問題, 唔變洛. 有時會用healthy powder & eggshell powder 代替 multivitamin & bonemeal (dr pitcairn本書講果種). 正如我媽之前講, 我有個朋友仔食咗五年幾homemade food, 餐餐都只係加seameal, 無食過multivitamin都係咁, 不過佢隔日一舊骨, 通常係成舊食晒, 渣都無.
回覆刪除Spicy, 你將我痾屎張相公諸於世....我同你死過!!
回覆刪除1/5去唔去玩呀?
回覆刪除岩岩決定咗去尖鼻咀, 諗住打比你....
回覆刪除d影相得好靚呀。見到一班牧牧一齊影相，好溫馨呢，您地好靚仔靚女哦。
回覆刪除你好呀, 你都好可愛呀!
回覆刪除我媽咪話好掛住杯紅豆冰呀，我就好掛住Double老婆仔喇！
回覆刪除spicy老豆好英呀!
回覆刪除(Empty)
回覆刪除