噚日媽媽聽倒Amy姨姨話開party, 鬼咁開心, 即刻諗下可以整咩比我地食. 本來呢個批係要過兩日等No仔開生日會時先整, 咁基於時間關係...今日整咗先啦! 之前有auntie問, 狗狗可以食蠶豆嗎? 答案係肯定的, 因為媽媽都係睇日本的狗食譜學番黎, 仲話蠶豆含有豐富礦物質, 好有益架.
個pie材料有以下呢幾樣野.
先將蠶豆煲焾, 剝衣.
牛肉用白镬 (唔洗落油) 炒熟.
芝士刨碎, 加入隻蛋, 一大匙容咗既牛油, 做成醬汁, 備用.
將面包烘成多士, 唔好烘咁燶呀, 係咁易烘下好喇, 因為又係基於時間關係, 媽媽叫老豆幫手, 結果, 多士太燶, 烘出黎之後的pie邊好快燶晒.
最後, 將一塊多士舖上pie盤底, 其餘多士切成三角型圍邊, 中間舖上蠶豆, 炒好的牛肉, 再加入醬汁, 放入焗爐180度焗半少時直至表面金黃就有得食喇!
好似好好味喎... 等我叫媽媽試吓整俾我哋食先... 咩芝士嚟...??
回覆刪除真係好味架, 而且又易整, 人食只要加少少鹽就得. 我地鍾意用Parmesan cheese, 因為比Cheddar cheese硬, 好刨d. 保存期又耐d. 唔好用一條條的狗狗cheese整野比狗食喎 (好似魚肉腸果d), 因為唔係human grade, 無標明成份, 又唔洗雪, 食咗咩落肚都唔知.
回覆刪除真係好香, 個日你媽係車尾箱取出來, 我都嗅到..我個NOSE都唔比你差架.. 我真係唔知你地原來可以食牛肉& CHEESE, 飽飽咁正架. 如似好HEAVY, BINGO食唔食得架..
回覆刪除食兩淡就梗係得啦, 不過多食壞肚皮, 所以咁多狗狗一齊分就得囉, 如果唔係有Party, 我地兩個無呢d野食架喇, 我媽媽成日話佢會煮飯比我食已經好偉大, 唔好咁多要求喎!
回覆刪除