睇醫生食葯? 唔係我呀! 係呢個長期病患者Bingo! 每朝佢都要食葯, 葯丸難唔倒佢地, 但一講到葯水, 老豆老媽子就頭痛架喇! 因為葯水要空肚食, 所以唔可以放食物到, 但又超難食, Bingo一見倒就走頭! 佢離享枱底, 死都唔出黎!
以前因為Bingo實在反抗得太勁, 所以老豆都唔理得咁多, 一於用小小餅或包包, 將d葯水擠入去, 起初Bingo都會受氹, 但佢越來越精, 連用零食都唔得, 全部都唔食, 所以最近老豆又索性就咁擠番d葯水入佢口! 咦, 佢近排又好d喎, 可能佢終於覺得齌葯水無葯水+餅咁難食啩.
但一樣野令爸媽好心痛既就係葯水有個副作用, 就係有時會隔無耐嘔番出黎的, Bingo夏天鍾意瞓浴缸 (係, 佢係自閉仔, 唔想見倒我!), 初初媽媽放工番黎見佢嘔到個浴缸度變咗黃色, 洗極都洗唔甩, 嘩, 都唔知d葯水咁強, 真係好肉痛! 不過宜家食咗成年, 佢嘔既次數都減少咗.
今日適逄佢又要去覆診, 老豆老媽子就一早起身幫佢留尿, 跟住今日有半日既節目就係享獸醫度過! 因為要等, 檢查, 驗尿, 驗血, 轉頭又要番去睇報告, 所以要再等見獸醫, 唉, 可憐既我, 就係咁享車到渡過呢半日! 媽媽就同Bingo享診所等, 爸爸就兩邊走, 又享車陪下我, 間唔中又落去探下Bingo, 有時都會抱埋我去一陣既, 但診所咁多人, 好多時我都係入一入去就要上番車!
以前試過享診所, 都未睇就已經要等成兩個鐘, 媽子都發晒老脾, 獸醫都要用佢沙冧, 不過今日好好彩呀, 我地book咗4.3 (本來想book早d都無位!), 但我地3.半就去到, 真係有位比我地涉呀! 本應媽子諗住掛咗號先, 跟住去食野, 點知就係因為姑娘話下個可以比Bingo睇先, 不過都等咗20分鐘, 結果咁佢地就搞到5.幾先有飯食lu. 食完飯又番返去診所睇報告, 好野, 結果一切正常呀! 今次因為隔咗3個月先驗 (以前係個個月驗的, 最差果陣仲要個個星期驗!), 所以爸媽都好擔心report會唔靚, 宜家真係鬆一口氣!
report正常就安心啦!
回覆刪除咁就好喇…係呢，BINGO有冇事架？
回覆刪除佢無事啦, 不過葯同定期檢驗就呢世都唔可以停, 次次老豆都想問有無得減葯, 不過答案係no, 宜家已經係最低用量喇. mick mick 你係咪想問佢有咩事呀?
回覆刪除係呢,bingo有咩事架?做乜要朝朝食藥?
回覆刪除Bingo患既係腎炎, 控制得唔好就會變腎衰竭, 其實宜家已經穏定咗, 初初發病時因為未搵倒適合葯物, 佢又排斥果d葯, 搞到又發燒又貧血, 最辛苦係果陣, 試過睇完醫生番黎兩日又要去過, 朝早番工放低, 日間留醫, 晚上又去湊番. 係咁餵葯餵到我眼都花. 宜家因為穏定咗, 所以唔洗再食咁多葯, 日日食緊既係心臟葯同埋換腎病人食既擴排斥葯. 但呢隻葯就勁貴, 近排dr tint搵倒大陸有雜廠做, 所以先可以摼小小.
回覆刪除咁你米都好辛苦囉! 薯媽
回覆刪除(Empty)
回覆刪除