為咗送別我隻大牙, 今朝我地全家八點幾就起身喇, 總動員送我去醫生度.
一到步, 我個樣係咪好醒神呀! 未來好多日都笑唔出喇.
大家都騎騎笑, 哈哈哈!
不過你地唔好以為我朦剩剩, 一入到診症室見倒醫生我就反抗啦! 佢仲懶有幽默感, 檢查完我一輪, 就同我打支鎮定劑後話 "你宜家可以郁喇"!
爸媽放低咗我, 就入西貢放低Bingo沖涼, 我以為佢地會好似做戲咁, 享手術室前專心等我, 但我錯喇, 佢地居然約呀Vera姨姨去飲茶, 享Jose舖頭見倒佢媽咪仲哎埋佢去添!
下午診所打比佢地叫佢地湊番我, 你地估我聞緊咩? 係我隻大牙呀! 我成個心口都係血水+口水, 好污糟呢. 
我個口好痛呀, 姑娘話見住醫生最少聯咗六針....
以為佢地會立刻湊我番屋企啦, 點知又話盾盾叫Vera姨姨去佢屋企, 因為佢外母放老婆去佢到, 爸媽唔抵得又要跟住去! 你地有無理過我感受架! 爸媽上車前要幫我抺身, 抹晒d血水, 唔係就嚇屎人.
去到見倒Jose, Joel, Double, Bobo, 仲有Tanbie同Gigi, 你地一班人係咪享度慶祝我剝咗大牙!
去到盾盾度我已經可以打開個口少少, 唔再合實個咀. 
Bobo, 今日我唔驚你喇, 因為你肚仔痛, 唔斯服, 可惜我都係病貓, 報唔倒仇!
你地唔好以為我口痛就唔識咬人, Joel拱埋d, 我都有嗡牙仲啄佢呢!
不過我d電好快用晒, 成日都要咪埋差一差!
今日媽媽又闖禍喇, 無錯, 係媽媽, 唔係我! 佢手舞足蹈講野時居然打爛咗盾媽個史樂比公仔! 噢....佢都唔係第一次喇, 上次Summer搬新屋時又打爛人地個吊燈! 頭頂d燈都比你打得爛, 佢有咩做唔出呀!
盾爸幾識講笑呀! 佢話如果賴咗係Double做佢老媽子實信呀! 可憐的Double, 我媽唔好咁衰女賴你既!
跟住爸爸同姨丈出去買咗蛋前壽司番黎大家吃.
盾爸好好客, 買咗個17磅的大西瓜比大家食.
睇下佢幾好心機, 仲整咗碟細既比狗狗吃呀! 連我無牙都有份食! 呢個係盾盾的為食鼻. 
返到屋企, 媽媽打開隻牙黎睇, 好心痛呀.
同人剝智慧牙一樣, 除咗要割開d牙肉, 仲要剧開隻牙兩截先可以攞出黎....
切番埋成隻應該係咁樣啩...原來我口仔細細, 入面居然可以有咁大隻牙!
我辛苦咗成日, 係時係要覺覺豬喇! 抺完身我都唔埋佢地, 自己入媽媽間房瞓覺!
真係好心痛呀... 不過佢哋竟然仲帶你出去...都唔帶你返屋企休息就奇怪咗d d... 咁都好啦...咁快笑返...仲有西瓜食...
回覆刪除呢d叫姣婆守唔倒寡啦! 星期六晚媽媽仲好決絕咁推咗姨媽話第二日唔出去玩, 因為我做完手術, 唔可以帶住我週圍去. 所以Vera姨姨搵媽媽時, 佢仲叫佢搵姨媽添, 因為姨媽苦悶呀! 老爸同媽子去緊呀盾度時仲商量好無叫盾媽閘開我比我抖, 結果佢地見我又行得走得, 都無隔開我, 淨係話唔可以一齊落街食, 如果唔係佢班妖怪實趁無人溶咗我呀!
回覆刪除嘩, 仲要切開隻牙, 真係好堅!! 今日, d 藥過晒, Spicy 你見點呀?
回覆刪除我今日? 梗係痛啦! 今朝想錫錫媽媽都未伸條條脷出黎就突然哎吔! 跟住就縮起條頸走開咪埋喇, 媽媽想比止痛藥我吃, 不過又話要飽肚, 咁佢地咪唯有食完早餐番黎先比包包我送藥囉.
回覆刪除spicy 好慘呀....剥咗牙仔就無事嫁勒, 捱多幾日就唔痛痛lu....無話你老媽子心痛, 我見到隻血牙仔都心寒呀,
回覆刪除你契爺叫我問侯吓你呀......
老爺咁抵死, 想整估我老媽子.....不過講真句, 我老媽子實信囉~~~~~~
肯定好痛...隻牙好恐佈呀````小朋友剝牙之後,都要食雪糕~~~Spicy快d食杯雪糕先喇!
回覆刪除wa! 隻牙d齦好長呀 實好痛頂啦
回覆刪除陰公羅, 你剥完個樣[牛]哂, 去開party可能想你唔好諗住d痛楚.. 今日好d未???
回覆刪除搞掂...無事喇!
回覆刪除媽子估應該仲痛過絕育啦, 個傷口享個口入面. 今日我唔肯飲水, 所以佢打咗d蘋果蓉比我, 不過媽子驚太甜, 溝咗的的咁多水, 我好醒呀, 我就唔飲! 等Bingo去執我手尾囉! 淨蘋果蓉我就吃! 宜家我實有風駛盡利!
回覆刪除睇到都覺得痛呀... 希望你快d好番啦！
回覆刪除嘩! 你一定超痛, 仲連左六針咁多.....你休息多的啦...咁依家你吃唔吃到嘢? 啲牙好恐怖呀.....晨早見到啲牙....差啲反胃添.... ...你媽子真係大整惑...好彩我仲未食早餐啫
回覆刪除嘩, Spicy你狗仔細細隻牙仔原來咁6 大隻既!要介兩刀縫咁多針一定好痛架啦!死啦, 我都有隻崩呀呀, 唔知遲d會唁會輪到我呢, 好驚驚呀!
回覆刪除Spicy有風當然要駛盡利啦! 不如聽日叫媽媽整D Juice俾你飲或食吓frozen咗o既yogurt. 等你隻牙仔冇咁痛. 你要唔要覆診, 牙隻o既線駛唔駛remove嫁? 今次有冇照吓肚仔, 睇吓有冇石呀?
回覆刪除陰公豬…
回覆刪除Spicy: 睇見靚女Spicy隻牙就覺好痛痛啦! 你依家點呀! 好惨呀!
回覆刪除你今日點呀?Spicy妹妹. 薯Don
回覆刪除隻牙～真係幾得人驚, 人剝起碼痛成個星期, 希望你口細d, 傷口細d, 就痛少d.. Bingo呀, 你有無趁阿妹病攞佢命先..
回覆刪除各位, 多謝關心呀, 今朝起身d止痛葯過咗, 我又痛到唔識郁, 媽媽叫我都啋佢. 不過之後食咗藥, 媽媽食完早餐返黎, 我又試龍精虎猛喇. 噚晚老爸返黎話我唔可以淨飲果汁唔飲水, 因為其實我由星期六晚開始要空肚都已經無飲過水, 係享盾盾屋企飲過一淡, 老爸噚晚監梗用針管唧咗三支落我口, 咦, 原來又唔係咁難飲喎, 好啦, 晚上我肯自己去飲喇! 唔記得話比大家知, 醫生話我個肚仔無石, 所以漏尿唔係因為發炎, 不過既然一兩個月先發生一次, 醫生話先唔好理佢住, 唔好食咁多葯喎, 媽媽都讚成, 因為一食要食成成的.
回覆刪除可憐0既spicy......我諗你一定好痛.......仲要聯咁多針 你努力0的, 好快無事0家喇
回覆刪除估唔到咁大隻 ，實好痛！
回覆刪除spicy, 我依排唔得閒過黎睇你個網添~~~等我下次整d好野過黎探你啦~~eheheeee
回覆刪除終於剥咗隻爛牙，咁仲好啦！以後就唔怕會發炎啦，好番之後叫媽咪俾多ｄ好野你食啦～！
回覆刪除Bread & 文妮姨姨, 嘩, 咁咪日日有食神?
回覆刪除
回覆刪除連牙仔都識樹起勝利手勢...是否話vet脫得好呢...