Double今晚要招呼老爺奶奶同老公盾, 好野, 我地掹車邊又跟住去唧!
朝早媽媽本來諗住包餃子晚上同老豆食, 但中午收倒電話後唔理喇, 都係要整d實制d既野食比大家同小朋友食先. 結果佢去到Double到腰酸又背痛, 因為佢係咁打係咁搓就整咗一個下午....
我地帶咗紅豆綠茶蛋糕去, 不過唔係比狗狗食的. 可惜大家點快手都唔夠呀盾快, 睇下佢個咀!!!! 全部人都未食呀!
另外我地仲整咗double cheese scones, 唏, 媽子以為自己整咁多野好叻添, 原來幾努力都唔夠Double老爺呀江猛sir勁!
你地睇, 佢買咗龍蝦沙律上黎呀!!!!! 佢話入面成三四隻龍蝦.....真係要多謝江猛sir啦! 
食完頭盤, 大家仲叫咗壽司食, 老媽子就最開心, 因為佢係傷殘人士, 人人都係企, 得佢有得坐, 正當老媽子興高采烈咁食緊第一舊既時候....頭先果個為食既鼻哥又撲上黎喇, 今次加埋兩隻毛茸草既手! 結果.....
老媽子一身同成地都係豉油, 衫褲都有, 不過條褲係重災區, 睇下呀盾幾得戚?
盾媽為咗救佢個仔一命, 免遭我媽子毒手, 唯有立即鎖起佢, 帶佢離開案發現場!
Bu-B: 呀盾, 我知你笑笑口諗緊咩, 今次你幫你媽咪報咗仇啦, 上次Spicy媽打爛你個史諾比公仔....
我老豆趁無人睇倒都要擠下呀盾幫老媽子出出氣先! 你走唔甩啦, 今次你媽都夠你唔倒!
Summer話好耐無上過窗台喇, 我地搬咗住平房, 嘩, 都好懷念望街的日子呢!
食完飯, 我同Single都要舞下獅先! 睇下佢條波波尾fig得幾快!
不過老野兵又試嘈生晒, 唔比人反, 鬼馬的Vera姨姨索性矇住佢雙眼, 啩, 佢睇唔倒我地反就立即收聲, 靜晒!
Bu-B父皇母后做咩呀? 撞邪呀? 噢, 原來佢地中咗歲月風雲毒!
等我同老兵影張合照先!
我係咪好上鏡呀, 得我望鏡頭咋!
我地似唔似一班監犯?
到11點幾, 嘩, 原來仲有下場, 就係去碼頭再反過!
不過Bu-B一家一去到就撇甩我地啦, 佢地話要拍下拖喎, 懶溫馨啦你地!
佢地連合照都唔返黎影呢! 不過我地無閃燈又無腳架, 粗粗地, 就亂咁影下啦.
機
12點幾, 我眼瞓喇, 快d返屋企啦, 哎吔, 點知衰媽媽居然話uncle pazu早幾日幫佢買咗個新法寶黎對付我, 仲宜家去攞, 真係痴鬼線, 成點鐘去人地度攞....救命呀!
結果老豆為咗要試新野, 屈我話我個頭臭, 幫我沖大半個涼, 老兵就沖半個, 捽之我努力同部風機搏鬥一番後, 我地一家四口差不多三點先有得瞓!
SPICY, 我老媽子都3點幾先訓呀, 佢星期六仲要返工工喎....
回覆刪除Spicy媽，真係唔好意思，我幾日冇見老婆仔有點興奮，仲加埋壽司添，簡直癲咗啦，你條褲無大礙丫嘛？
回覆刪除影夜景, 叫埋我黎痳!!! 我老豆有閃燈又有腳架..hehehe Spicy 你真係慘, 三更半夜, 仲要同風機搏鬥, 你老爸真係貪過癮...
回覆刪除我地都想買吹風機, 你呢個馬力幾多呀? 夠唔夠力吹你地兩兄妹既厚毛呀?
回覆刪除江太, 我估我媽真係年紀大喇, 佢自從前晚咁夜瞓之後, 第二朝起身個頭一直痛到宜家, 食咗幾次止痛葯都無用, 痛足兩日呀! 呀盾, 唔緊要, 我地要借你外母條褲著住走咪仲唔好意思. 條褲同你個史諾比公仔比, 簡直係碎料啦! Jose, 都唔知原來荃灣碼頭的夜景都幾靚喎. 不過我媽都係鍾意日頭影狗多, 所以腳架都好少帶出黎, 閃燈都唔會添住喇. 檬檬, 據老豆呢個用家話夠力, 仲好大力添. 憑佢開機時我發癲又咬又叫就知啦, 部機2400w.
回覆刪除無事麻AUNTIE JO, 保重呀..
回覆刪除佢今日下午再食咗葯都無用, 出去時都仲係fug fug聲, 希望係過渡性, 唔係作感冒啦. 個跛婆聽日仲想去書展呀....
回覆刪除你地耐力驚人喎，我都想反到３點．．
回覆刪除紅豆緣色蛋糕 ...等我遲啲整返個 嘩! 龍蝦呀 ..... Spicy媽, 果個セ東東來架?? 用來做セ架??
回覆刪除玩到3點咁更........cotton有我咁為食呀.... 薯don ##用內閃應該都影到，開高iso，用後廉閃燈! 薯爸
回覆刪除好大個吹風機呀，小白最驚！
回覆刪除Lolo, 我估都無咩狗唔驚果部機, 老狗癡呆的Bingo都唔多like! 薯爸, 我直情唔記得咗我地部機有內閃! 不過用後廉d狗唔會有青光眼嗎? CaMa, 我個係綠茶蛋糕, 你遲d整果個係綠色蛋糕! 果部係風機黎架, 即係超大型的風筒, 以前寵物店先用, 不過宜家普及化咗好多養狗家庭都會買. 我好憎佢, d風好勁, 好大聲, 好驚!
回覆刪除如果直打都有機會會有....
回覆刪除嗄, 咁內閃點唔直打呀?
回覆刪除哈哈...排排企影大合照好鬼得意呀~~
回覆刪除ming, 噚日又出咗去見我d friend, 宜家整理緊相, 轉頭仲有幾張大合照呢.
回覆刪除