你地喜歡吃餃子嗎? 我自己就十分喜歡. 因為婆婆係上海人, 小時媽媽都好鍾意在家包上海雲吞. 不過佢喜用熟饀, 即先抄熟饀料, 然後買上海雲吞皮返黎包, 隻隻都好似權頭般大, 據講我小學時一口氣可以食廿幾隻!
不過宜家我自己包就會用生饀, 而且愛自己搓皮, 因我查實愛吃餃子多過菜肉雲吞.
多年前第一次搓皮時都試過失敗, 包出來的餃子皮又"鞋"又硬, 後來睇書先知原來搓好的麵團要先放油袋鬆弛半小時, 像麵包發酵一像!
我想其實大多數人都懂包餃子, 只不過係有無時間做, 因為包一次實在太花時間, 連買饀、 切、調味、搓皮、再包, 分分鐘用足大半日, 但食呢, 都不用幾分鐘就食完!
星期五本來無無聊聊, 想包餃子吃, 買咗料之後先接倒電話知會去Double度, 唯有先放下餃子, 整點食物蛋糕同鬆餅比大家同狗狗吃, 等糕點焗好時有時間才轉頭準備餃子用料明日包. 誰不知就出意外了...
切好了的饀料, 有免治豬肉, 冬菇及白菜 (本想買韮菜, 但走了三間超市都買唔倒, 用韮菜的話會美味得多).
一心搓好餃子皮待明早包, 每層我都已經放了很多粉.
誰不知差不多全搓好時餃子皮時, 才發現碗中的皮全都黐實晒, 變成千層皮!!!
唯有將呢個千層塔包好, 放雪櫃明天再做!
星期六一早起床, 再邊搓邊包, 今次我唔再將皮叠起, 改全部放枱上, 不過全枱亦灑了很多粉, 因為枱上的粉少一點, 塊皮就好似香口膠咁貼實張枱了.
每次都係饀太多, 皮要搓幾次先夠.
包好的餃子先放枱上.
大功告成, 一層層用保鮮紙分隔, 然後放冰櫃, 吃時先取上放湯.
Spicy 媽, 你好勁呀!! 連皮都自己搓, 我老媽亦係超級喜歡食餃子, 以前婆婆包, 佢又係一人食20幾隻都得...早年, 剛結婚時, 媽媽都時常自己包, 因為o個時得閒ma!!近幾年, 梗係無啦!! 又好想食啦!!
回覆刪除餃子, 正 !! 通常冷天至食, 夏天實在太熱了.. 菜肉雲吞也愛. 厚厚皮北方餃子也愛, 放湯同煎都得. 講起都想食...
回覆刪除嘩~~~~spicy媽你好勁呀, 連皮都自己搓, 我都好鍾意食餃子, 廿幾隻都濕濕碎呀~~~~hahaaa~~~我自己包得好醜樣嫁, 所以我覺得你好勁呀~~~我包餃子都係鍾意用韮菜呀~~~好好味嫁~~~
回覆刪除你好勁呀.........連呢樣都識整，應該仲會好好味tim..........勁...
回覆刪除整咗咁多咪有排食...??
回覆刪除好想食，餃子鍋貼都超鍾意，唔食飯都得，自己包好耐冇試過，雲吞／九菜鍋餅以前就整過．
回覆刪除喂, 你話整水餃請我食都講咗好多年喇喎! 究竟幾時有得食?
回覆刪除我又要吃 ...... Spicy 媽好勁呀 ...我好懶整呢啲嘢架...又要搓粉, 又要包
回覆刪除曄， 好正！ 整碟來食吓呢 ， 哈哈！你好叻セ都識整你老公真幸福！
回覆刪除spicy媽真係好鬼叻，乜都識整，應該進軍飲食業啦~~
回覆刪除餃子呀... 餃子呀... Lolo可以只食餃子做正餐！２打外賣吖，唔該Spicy媽！
回覆刪除我也是超級餃子迷,我琴日煎咗成40隻招呼朋友,不過我唔識自己整. 你真叻啊! 薯媽
回覆刪除我淨係識買現成既皮來包咋. 自己完全唔識搓呀!
回覆刪除講落原來大家都係餃子迷, 女人好似無乜邊個唔愛. 不過你地唔覺得要自己搓皮先似係自己整嗎? 買皮回來包好似只係整咗一半咁...不過我估賣果d皮可能好味d. hehe...其實我好似未試過買皮黎包呀. Jose, 我食廿隻係小學果時, 不過每次我媽包時都話我搬咗去Colorado果姨媽 (唔知點解姨媽就姨媽啦, 一定要加Colorado!) 後生時一口氣可以食100隻喎... Brownie, 哈哈, 冷天先食, 我第一次聽呢個理論, 通常我會形容粥同火鍋. 我都熱愛北方餃子呀, 不過只愛水烚或放湯, 煎就麻麻. 其實我搓d皮都類似北方餃子, 因為皮不太薄, 唔係就好易穿. 我都係第一次用白菜, 韮菜真係美味好多. 文妮, 你包的好醜樣? 我唔信! 我d查實都幾醜樣啦, 以前我鍾意捏條花邊 (好似油角咁), 不過雖然好睇, 但食時個邊厚咗, 唔好味, 所以今次求其摺埋就算. mydoggieshop老問娘, 歡樂之家, 薯仔妹妹, hehe...我d手勢其實.....好睇多過好食啦. 所以我老公一d都唔幸福, 有時提起想食, 佢仲叫我唔好整, 話太花時間, 可能我整得都幾難吃, 不過我自己唔覺姐. 大雄, 韮菜鍋餅你都掂?? 超勁呀! 餃子對你黎講簡直係碎料啦! 牧牧, 唔係好多架咋, 頂多食兩三次都食晒啦. 放冰格就無壓力要急急啃晒啦. CaMa, 你揍住Ca女都可以得閒焗下乜糕, 煮下乜餸都好勁啦! 咦, 第日等女女大d一齊包餃子都係一個幾好的親子活動喎, 佢又可以玩麵粉公仔. Lolo, 好呀, 我立即email兩打比你, 三打都得! Summer, 呢次白菜唔多好味, d饀又雪咗一日先包, 令我信心大減呀. 仲有, 我驚有一日你試過我的餃子以後都唔敢再提.... 薯媽, 嘩, 煎40隻都好了不起, 要我煎野實整到一頭煙, 我寧願包嘞! 檬檬&晞禧, 唔講你唔知, 其實搓水餃皮仲易過整狗餅.
回覆刪除