今日比Old Man迫咗返佢公司, 因為佢今日有事要早返, 又唔知幾點先可以返黎, 唯有要我跟住佢, 等我下午唔洗無飯食.
平時朝早同佢食完晏晏的早餐, 等三點零用拐仗爬落樓下游下水, hair下咁又一日, 唔經唔覺我都慣咗, 但今日發覺原來做跟得夫人比坐享屋企仲悶十陪! 卒之我中午都忍唔住享佢公司瞓著咗!
今日兩餐都享MegaBox搞掂, 因為近Old Man公司. 下午食咗越南粉, 嘩, 成兩點幾仲要等位, 等倒有位, 原來仲有10分鐘就下午茶, 咁梗係等埋先叫啦, 唏, 最後仲要等多一輪先有得食, 出菜慢到死, 味道一般, 呢間野真係唔多掂.
晚上再去shop咗少少平. 買咗條沙灘褲同對米奇老鼠crocs鞋.
早兩個星期有朋友兩公婆都話好著, 其實之前見Jose兩老都有著, 不過梗係覺得對鞋個型怪怪地咁...今日又見blog友Lobster話好著喎, 好, 等我試下先. 嘻嘻! 我對古代扎腳, 都費事叫佢入倉搵大人加細碼, 就咁攞起對童裝大碼就得啦! 比大人size
晚餐本來想去food fair就算, 不過搭lift時見倒11樓有間星加坡菜, 咁岩早輪上網想搵娘惹菜食, 好啦, 就試下佢啦! 不過食到一半先記得影相!
叫咗肉骨茶, 有一碗, 小窩同大窩, 本來想叫一碗試下味就算, 點知Old Man問呀姐小窩有幾多, 呀姐話四五碗啦, 好! 就信佢! 點知.....每人飲咗四碗都飲唔晒!
又唔講清楚! 不過好好味, 所以唔好嘥, 剩咗半窩就打包咗番屋企!個肉骨茶初頭唔夠熱, 我地叫佢整熱d, d呀姐都好客氣.
除咗排骨外, 仲有好多豬腰喎.
食咗一半的星洲炒蘿蔔糕同海南雞半隻.
馬來咸魚炒芥蘭好好味, 一d都唔油喎!
上次黎去10樓食野多人到痺, 週圍都無位, 估唔到11樓呢間星加坡菜8點幾都要拍烏蠅! 成班待應都行行企企! 可能係餐廳前面的泰國菜仲裝緊修, 人地以為佢都未開啦! 真係慘!
臨走又遇倒個好好人的呀姐, 佢見我論論盡盡咁, 又輪椅又拐杖, 走埋黎幫我再綁好過碗湯, 又比多個膠袋我, 怕我整瀉喎. 真係唔明, 10樓無服務就爆鵬, 呢度態度好好就拍烏蠅! 不過可能因為佢地無客得閒d所以就好服務d啦.
今次再去舖頭開多咗, 不過都一樣咁多人, 搭lift上的話架架爆, 要搭落咗地下再搭先得, 其實比起上次上又爆落又爆已經好得多!
Mega Box真係多人到爆！Lolo上次lunch hour特登行過去都搵唔到位食飯，下次一定唔再lunch hour去呀！
回覆刪除早知今日你係九龍灣call埋我過黎食lunch嘛!
回覆刪除肉骨茶真係好正呢。
回覆刪除D o野真係幾好喔, 尤其個炒蘿蔔糕同個肉骨茶. 肉骨茶夠唔夠藥材味呀? Spicy, 聽日去做無牙妹囉, 乖乖去整完後. 請你食好多好多o野呵!!
回覆刪除間越南菜咪8樓protrek隔離果間? 我上次去都係食佢, 叫生牛河, 問佢攞青檸辣椒粒, 竟然話咁啱無晒喎, 越南菜館點可以無辣椒粒架? 隔離檯都同我講話有無搞錯, 咁不如埋單既時候我話咁啱無晒錢丫! 碟蔗蝦果條蔗細到都唔知有無八份一條... 呢間野真係無下次! btw, 你今日係停車場出車耐唔耐? 我上星期五去, 係14樓攞車到出到閘口, 足足排咗30分鐘 , 結果過鐘要比多$6, 我老細好鬼嬲... 哦咗好耐...
回覆刪除肉骨茶好味呀 ..不過我鍾意馬拉肉骨茶多d..
回覆刪除Lolo, 我過咗兩點先到都可以咁, 所以都可以想像倒你果日的情況... Bobo, 係喎, 唔記得咗你添...反而Old Man有提意過問Bu-B爸媽一唔一齊吃, 不過我咁晏食, 驚人地唔等倒呀. 小白羊, 除咗親身去星馬吃果d, 呢間肉骨茶算係香港吃過的最好味了. Brownie, 好濃味, 好以飲當歸湯咁呀! 你真係有心, 仲記得我聽日剝牙, 等我好番出黎錫過你下! 狗男女: 我唔識分星洲同馬拉果d呀. 總之要勁藥味就好. Summer, 係果間呀! 真真唔惦架, 佢地見我地等得唔耐煩, 都有埋黎沙冧話剛做完午市要清咗d材料先喎, 真係勁唔professional. Old Man同朋友叫咗個生牛河, 佢跟一碟牙菜同香花菜, Old Man問佢係咪一人一碟? 佢話係呀, 轉頭跟番, 不過最終都無黎. 格離果枱又係叫牛河, 不過係午市size, 個男人問佢做咩咁大碗, 佢叫下午茶喎! 伙記查完又沙冧話落錯單, 會照收佢下午茶算. 如果唔問.... Old Man泊車唔會泊樓上架, 堅持要八樓, 係都要人攞開個雪榚筒比佢, 好唔合作架, 所以無問題喎. 不過如果我係你, 監梗要比多六皮真係幾火! 所以Old Man噚晚放工叫我不如聽日趁等Bingo同Spicy果陣先去, 我話Sunday? No No No!
回覆刪除媽媽話 crocs 係比佢想像中好著... 我哋早幾個星期去過, 又唔係太多人, 好似係晚黑8點
回覆刪除我上次好辛苦先上到B & Q, 真係無力氣再上果d十幾樓嘅食肆, 呢個megabox, 太過唔好行啦
回覆刪除我地都未去過, 不過朋友話好多人等都有排等呀!!
回覆刪除好正呀...淨係睇都流晒口水.....
回覆刪除睇來mega box攪左7788, 遲下要再去先得..我都鍾意飲肉骨茶..
回覆刪除我都想買番對,同薯Don去沙灘最方便呀嗎!
回覆刪除