夏天除咗係熱唔適合我地d狗之外, 最唔好就係無咩菜好食, 我鍾意食的西洋菜, 唐蒿都係冬天先有.
以前去親買菜, 菜販都係話夏天食瓜囉! 係啦, 夏天都有樣我最愛吃的蔬菜喎, 就係苦瓜嘞!
我愛苦瓜的程度, 都可以接近瘋狂. 無論茶餐廳的涼瓜排骨飯, 涼瓜排骨河, 到酒樓的涼瓜炒蛋等, 我通通都愛, 甚至去到台灣, 我仲可以日日不停飲白玉苦瓜汁呢!
不過講到至愛呢, 就可以算係潮洲菜館的涼瓜排骨黃豆湯嘞! 可能因為我老豆係潮洲人, 所以細個媽子都成日煮比佢吃啦. 但自從屋企移咗民之後, 好耐都無食過lu.
咁岩呢排日日出去食, Old Man都提議過出尖沙咀吃潮洲菜, 不過出去食就得細細碗, 到喉唔到肺咁. 不如今晚自己煮啦! 所以一早Old Man推我出去食完早餐, 我地就去咗買材料.
苦瓜要買d大大隻既雷公鑿先好味喎, 宜家街度食的涼瓜好多時只係用長身果種, 因為價錢平好多, 不過味道差得遠呢!
仲有排骨, 黃豆同咸酸菜.
排骨出水, 黃豆浸過, 然後全部擺晒落去煲到排骨同瓜都焾就得喇!
煲好有得食喇! 不過今日美中不足之處就係原來d咸菜唔係我想要的潮洲咸菜, 而係上枱比人吃的咸菜! 果d咸菜帶甜味, 搞到我煲湯都甜甜地!
等埋Old Man放工番黎就開餐啦, 原來Old Man買咗蟹番黎炒喎! 我浸咗瑤柱, Old Man整咗蒸水蛋.
蒸水蛋除咗用清雞湯之外, 我覺得最好味就係用瑤柱蒸嘞!
好豐富0既一餐呀...... 0的蟹炒得好靚喎......勁呀
回覆刪除yummy....個炒蟹........苦瓜係我啲敵人 ...由細到大都勁唔妥佢.....hehehe
回覆刪除嘩! 苦瓜正呀!! 我都勁鐘意食苦瓜, 最老土係我老公唔食, 所以同朋友&同事食飯, 我一定把握機會叫苦瓜食!!
回覆刪除Old Man炒蟹係有一手架, 最好就係唔會好似出面咁用粉撈咗走過油, 食落去一口粉, 自己整就係啖啖肉! 唔單止我愛苦瓜, 連Bingo Spicy都愛架, 我特登留咗大半個生的比佢地!
回覆刪除Old Man 真係強勁! d蟹炒得好正!! 大家知唔知苦瓜有個別名, 叫做半世瓜..
回覆刪除Yummy yummy! 苦瓜可一美容, 我鍾意!
回覆刪除好豐富, 苦瓜我都鍾意食, 但苦瓜湯就唔受得, 我奶奶煲過但冇落咸菜, 我飲兩碗就見頭暈, 所以自己煮餸才咁吃多d, 湯就一碗好了..
回覆刪除連Bingo Spicy都愛 要唔要煮熟比佢地? 等我都比Brownie試o下先.
回覆刪除Jose - 半世瓜? 未聽過呀? 點解呢? 唔通食完只活半世就要瓜咁解? Lobster, 係呀, 聽聞苦瓜可以清熱去暗瘡嘛. Pea Pea, 我今日仲諗緊你d swiss roll, 真係好靚呢! Summer - 好在Old Man無咩唔鍾意食唧. hehe...不過你地睇佢身型都知啦! CaMa - 咁你一定唔係老餅, 好多人話老餅先愛吃苦瓜, 因為有人生經歷嘛. 大雄 - 嘩, 飲苦瓜湯見暈咪真係涼得好緊要? 我細個時老豆都叫我唔好狂飲, 因住腳軟喎, 不過我諗我一定係勁燥底, 食極飲極都無事. 見我平日咁巴渣都知我有狂燥症... Brownie - 我無煮呀, 其實98%的疏菜我都唔煮既, 苦瓜生都可以渣汁飲嘛. 如果切小片比佢地, 好開心, 咬到索索聲呢. 不過噚晚撈咗落鴨胸飯就唔係好覺佢地有無趙, 所以下次煮飯都係打碎好d.
回覆刪除半世瓜: 因為有人說到你敢吃苦瓜的時候, 大概你就過了半世人.
回覆刪除呵呵呵, 都話老餅先愛吃啦!
回覆刪除婆婆剛整完呢尾苦瓜無耐咋... 果然係潮州餸... 因為婆婆都勁鍾意...
回覆刪除哈哈, 大家都係 The 趙 Noun!
回覆刪除你地兩個都好鍾意煮野食架??因為薯媽一星期返三晚學，所以都好少煮飯! 薯爸
回覆刪除都唔係架, 平日返工咁攰, 呢排得我日日屈享屋企又悶, 所以大約兩三個禮拜煮一餐咁囉. 不過狗飯就日日煮.
回覆刪除JO:你返左工未?悶死啦 oldman炒蟹有一手, 我已經唔係第一次係blog見到. 劉生會用瓦煲,薑蔥擺底,中間放蟹, 面再放大量蔥,差不多熟就加紹興酒,閂蓋局搞定(自創)
回覆刪除我唔知佢點整架, 我淨係負責食架咋. 不過材料都係差不多啦, 都係有薑呀蔥呀酒呀咁囉. 睇黎你都有一手播.... 我都未知幾時返工呀, 雖然假紙去到廿幾號, 不過可以的話我都想早d返.
回覆刪除old man真係掂呀~~整咩都得~~我都好鍾意蒸水蛋嫁~~苦瓜都好like嫁, 不過brian唔食嫁 ~~黑人憎~~
回覆刪除我宜家好鍾意食苦瓜, 但後生時就勁討厭架! 咁証明真係老餅先愛吃架!不過BoBo都好鐘意食喎!不過我更加鐘意食old man既炒蟹! Turbo BoBo媽
回覆刪除等我下次比d苦瓜 nogi 食先...
回覆刪除