之前見No爸去食大排檔食得咁滋味, 又挑起我地的大排檔癮. 以前好鍾意踎大排檔, 因為自小媽媽怕污糟, 所以甚少有機會接觸, 住的地方附近亦無類似的熟食店, 直至結咗婚, Old Man帶我去見識見識, 先知原來公共屋村附近都有大排檔的, 真係好似大鄉里出城. 其實講開, 好多野都係識咗老公先第一次食, 好似鵝腸, 大腸同泥鯭等, 以前諗都無諗過會擺呢d野落口.
不過近年黎唔知係咪身嬌肉貴咗, 定係年紀大怕熱呢, 已經好少踎大排檔. 不過最近見No爸提起花螺, 炒蜆等, 又好想吃喎. 唔知你地有無留意, 出面好多食店的炒蜆/炒聖子等, 都未必係炒, 而係烚熟, 跟住撈個芡, 同明明火炒真係差好遠呢!
前幾日Old Man帶我去油麻地試咗呢間小炒店, 不過好黑仔, 蜆無, 聖子、花螺通通都無!
食咗薑蔥魚骨
同蝦子海參
今晚我地去咗禾輋的大排檔, 已經幾年無黎喇, 以前好鍾意陳"真"記的手撕雞同糯米蒸蟹, 但最後一次佢佢居然話無做手撕雞, 所以就無再去過. 今晚一心想食辣酒花螺, 因為兩星期前去流浮山食唔起果d貴螺, 跟住見No爸上個星期話去食白灼花螺, 我地走咗幾間舖頭都食唔倒. 呢度有喇啩...
Old Man放低我呢個傷殘人士就享大排檔口就去咗迫車.
過無耐佢番黎, 我地就篤篤下入去嘞, 點知大排檔口有個呀姐見倒我, 殷勤到不得了, 呢排晚晚出去食, 無論用拐仗定輪椅, 都未見過食店會特別招待, 呢位呀姐先黎好多句小心小心, 坐底咗正諗緊食咩之際突然後面嘭一聲, 有把女人聲叫 "呀妹!", 跟住就多咗一張山挨背椅享格離! 
今次見餐牌居然出現番海浙手撕雞, 梗係唔放過啦. 雖然碟雞真係幾滑, 不過醬汁已經唔同晒, 以前係配勁蒜豉油, 宜家就轉咗D好似點海南雞的綠色辣醬, 感覺好似食蒸魚唔用豉油用辣醬咁, 無晒風味...
終於食倒辣酒花螺喇! 唔知點解佢地放咗D豬頸肉落去.
仲有油鹽水大蜆.
出面逄蜆都叫大蜆, 呢D先真係大喎...睇下, 成個碗仔咁大!
仲有好多粉絲添!
馬拉盞炒油麥油, 好香呢!
呢度雖然無冷氣, 週圍D麻甩大漢仲枱枱煲煙, 不過勝在有好多部大電視, 唔夠餸都可以撈下飯喎.
Old Man同我就係咁成餐飯"惡"高個頭食嘞!
唔覺唔覺都清晒所有野啦!
臨走果個呀姐又出番黎, 送我落石級, 淨係果句"好聲, 好聲" 又再講多幾次, 最後佢用d鄉音哎過黎: 你拗柴呀!? (咦, 我以為全世界都會以為我係先天性傷殘添), 我哎返過去: 係呀! 呀姐: 嘩, 要可gee個熱喎....我答: 已經兩個熱啦!
haha
回覆刪除好正呀你地 d 對話
呢個世界重有好人 D嘢食見到都口水流，咁"橋"早幾晚送完貨搵飯食，唸住同 Jose 媽落九龍城點知多車到暈，最後去咗九龍灣D大排檔，見白灼花螺都要 $ 70大元，不過都沒叫。D油鹽水大蜆真係好大隻，話時話自妳閉關咗都好耐未同妳哋一齊食飯
回覆刪除攪到我都好鬼想去食.. D o野好正呀! 阿姐真好人. Sometimes, life is just this simple, warmth from a stranger can make your day brighter!
回覆刪除咁近都唔揾我, 有無攪錯先
回覆刪除mick mick, 你媽幾時番黎呀! 好耐無見你d豬橫脷相片喇. Jose, $70花螺都唔算癲, 果日話享流浮山要$112蚊斤呀! 噚晚果度例牌$58都還可以, No爸屯門$30幾第二度都幾難搵! 食飯我幾時都得啦, 不過放狗就麻煩d, 因為OldMan話又要照顧我又要拖狗佢搞唔掂喎. Brownie, 係啦, 有時好心講多句人地第日咪會返轉頭囉, 呢幾年成日帶狗出街食飯, 其實我地已經著重service多過quality of food. 江太, 你咁忙, 都唔知你幾時得閒....
回覆刪除車, 叫你老媽子揾咗我老媽子地先算嘛...咁近, 如果老豆唔得閒, 我老媽子咪自己撘車過去囉..咁近, 你兩老仲可以嚟我屋企坐吓, 趁你同bingo 唔响度.....同我間屋say goodbye 嘛, 又可以等你兩老"面"懷吓佢地新婚時0既愛巢.......
回覆刪除禾輋大排檔好好味架!!我以前打完籃球都會去果到食飯架!!入開沙田應該黎探下我地一家啦~~ 薯爸
回覆刪除要可gee個熱喎....已經兩個熱啦! 估咗好耐先估到呀
回覆刪除佢以為你係同鄉都未定, 兩個熱 ... 你地好番左都要幫襯多d啦, 咁的服務態度邊度都搵唔到..
回覆刪除大雄/狗皇帝: 好在我細個嫲嫲都係同我講呢d唔咸唔淡既廣東話先聽得明呀姐講咩咋! 不過我都講得我幾有語言天份呢! 江太: 下次再去而你又仲未遷居的話實打比你! 薯爸: 嘩, 如果果個大排檔可以有地方比我地帶埋d狗, 咁我地一齊啤番餐就正洛!
回覆刪除d 野好正喎 , 搵日去開姨媽傢俬, 順便去下都好喎, 唔洗成日都係王x沙... 其實沙田係咪有個沙角村大排檔都好得o架?? Jose 爸 ~~ 九龍城都有間食海鮮唔錯, 門口有待客泊車, 都ok方便喎..
回覆刪除我地有時都會去禾輋的大排檔, 不過熱到屎baba唔肯去, 話時話個度又真係整得幾好食. 狗男女, 沙角那些味道一般咋! 禾輋好味d.
回覆刪除嘩...正呀......... 好想食添 !!!!! Pea媽
回覆刪除我都好鐘意大排檔...夠鑊氣...正...辣酒花螺 looks good.... 好想吃
回覆刪除Old Man 都話禾輋正過沙角邨. 不過印像中, 沙角邨好似以平出名.
回覆刪除正呀~~我地都好鍾意嫁~~下次叫埋我地去啦~~hahaaaaa
回覆刪除我以前住大圍, 都只係去過禾輋村大排檔一次咁多咋!原來咁正架, 下次叫埋我去試下嘛!
回覆刪除好正呀, 油麻地果間係邊ga, 近我公司, 可以去試呀. 沙田就遠左d, 不過, 咁好招呼, 又好好味咁, 都要去試下先得~~~~
回覆刪除