三個月又過去了, 又到Bingo要做定係驗尿/驗血的時候.
Bingo個樣幾無奈.....: 老夫都無病! 我唔想去覆診, 陣間唔打針得唔得呢?
我就梗係kat kat笑啦! 哈, 老兵, 之前也文也武, 又要幫我拆線, 今暈你仲唔屎!
去到診所就見倒肚仔痛的bobo嘞! 老媽真係黐鬼線, 連睇醫生都約埋! 
卒之我地柴娃娃咁一齊等, 一齊睇醫生, 連助護都笑我地做咩一家大小, 親戚朋友都黎晒, 哈哈哈!
Bingo抽咗血, 驗咗尿, 一切合格, 醫生話可以試下其中一種藥水由隔日改為隔兩日食, 不過就要轉番一個月驗一次尿同血, 要連續驗多三個月無問題先可以轉番三個月驗一次. 我地要返屋企諗下先, 因為好難得先可以改為三個月驗一次, 老爸唔想Bingo又再抽血抽番咁密.
我呢就被迫比醫生「順便」拆咗兩條牙肉d線, 醫生你都話會自己溶洛! 做咩又要監梗鉗走佢!!! 好彩經我極力抗戰下, 醫生話最入面果條仲未埋口, 等佢幾個月後自己溶啦.
Bobo呢, 雖然斷斷續嬻咁痾下唔痾下咗一個星期, 不過醫生話佢無咩大礙, 只不過係呢幾日唔夠纖維, 只要食番多d菜或飯就ok架喇.
跟住大家出去埋單, 老媽又唔見二千幾個大洋. 
我地去咗角落咖啡廳.
我要食大餐!!!
Bobo, 大餐就無你份住, 你個pat pat仲要扎住孖辫.
食完飯就去海滂散咗一陣步先. 一落到樓下, 我仲驚會見倒果d海鮮酒家放享地上的妖怪, 原來無, 不過今日發現倒另外一d恐怖野.....
變態的老媽, 我嬲死你呀!
Spicy點解咁驚魚呀，不過你响段片入面好鬼可愛呀，真係越來越鍾意你
回覆刪除spicy你真係好可愛呀~~~估唔到你會咁驚魚魚呀~~~ bobo做咩要扎住孖辫既~~~你要快d好番呀~~~
回覆刪除spicy, 仲以為你好大膽. bobo patpat 扎辮好攪笑.
回覆刪除bingo…抽血咁辛苦…緊係3個月抽一次好喇！
回覆刪除哈哈... spicy唔洗驚，佢哋唔會跳出嚟架！ 點解bobo pat pat要扎辮？
回覆刪除我都唔鍾意抽血噃... 祝bingo永遠都健康... 哇...由旺角去到西貢...咁遠路程...
回覆刪除孖辫BoBo, 你冇事嘛? 你扎起辮仔, 女仔左喔... Spicy, 哈哈哈, 你做乜用pat pat幫海鮮酒家門口抹地! 下次黎幫我屋企抹呵.. Bingo, 一切合格, 咁整罐Zero賀賀佢la..
回覆刪除哎唷, 做咩薯去到西貢咁鬼遠食飯呀...
回覆刪除歡樂之家, 我媽都好鍾意你地兩仔爺呀. 文妮姨姨, 真係好恐佈, d怪物居然唔享海度生活, 仲好大好大.... 檬晞, 我個膽唔大得過mick mick同jose幾多架咋. mick mick, 唉, 老豆又想減藥, 但又唔想抽血密d, 真係好矛盾. 牧牧, 多謝你呀. Lolo, 你點知喎, 會郁就有機會跳出黎啦. bobo驚萬一肚痾整倒bat bat毛污糟晒呀. brownie, 係播, 都唔醒起叫老媽比啖coke light我飲添. 唔...等我等埋你d敏感都好番晒就一齊coke coke佢! bobo 扎咗孖辮狂奔果陣成個黑人女飛人咁仲型呀! 江太, 諗唔倒邊度可以比我地都坐得舒舒服服呀, 附近最近只係得泰廸咖啡廳...
回覆刪除其實我都知自己就黎好番架喇, 係呀媽想趁墟之嘛, 睇完醫生第二朝已經痾靚靚poo poo啦! 佢係要帶我睇下vet先安心既! 平時睇醫生我一d都唔驚架播, 但係今次我親眼睇住Spicy拆線時同助護姐姐及醫生叔叔大博鬥, 輪到自己上檯body check時我居然驚到收埋條尾, 呀媽話從未見過我識得收埋條尾架! Double, 入西貢食飯仲有一個原因架, 就係Jo姨姨可以順路車我地返屋企嘛!
回覆刪除我都係住西貢架wo....
回覆刪除mydoggieshop老闆娘, 係吔, 可惜我地唔係成日入西貢啦, 如果唔係就有機會撞下你.
回覆刪除抽血? 我怕怕 估唔到你牛高馬大, 鱼都驚架.....唉 ....
回覆刪除SPICY, 你亞媽真係玩你玩到好開心, 嬲佢啫..
回覆刪除CaMa, 佢地好大好大架, 我唔信放佢地享你面前你唔唔驚! 大雄, 我媽真係變態, 佢次次睇親呢段片都仲會笑, 仲話我坐享地成個直角三角形咁好靚喎!
回覆刪除Bingo:加油,我叫妹妹傳啲正能量畀你! 薯家
回覆刪除多謝薯媽!
回覆刪除