一年一度的書展又到了, 兩個月前的我都已經在he he唉唉, 因為今年對腳咁, 都唔知點去!
兩星期前睇完公司的醫生, 佢話我要用拐杖行多d (同我的醫生講的野相反), 又燃起我可以去書展的念頭.
不過Oldman依然100個反對, 話我行幾步就得姐, 無可能可以逛成日, 仲要照大會指定, 兜大圈, 打蛇餅! 我跟本無可能入到會場! 不過經我日lur夜lur, 佢終於承認請日假星期一陪我去, 因為星期六日就更加無可能同人迫.
不過星期六救星終於到, 原來Oldman搵倒個朋友可以幫倒我地唔洗排長龍, 不過就要流浮山一轉. 無法啦.
流浮山去過好多次, 不過唔係去尖鼻咀就係食海鮮, 原來朋友既朋友住既深山果度可以睇倒西部通道架.
我地淨係帶咗部細相機, 不過要求唔高的話影出黎都幾得意呀! 兩張相係Oldman影的.
星期一起身就出發喇, 因為渣車去唔倒會展樓下, 泊咗車仲有排行, Oldman選擇咗搭公車轉的士. 嘩, 原來方便咁多! 回想前幾年都要打幾十個圈都去唔倒攞車, 明明就在對面街都唔比人過去!!!
今次入場雖然唔洗跟人流行, 不過都好辛苦, 我地又無帶輪椅, 因為Oldman話佢推住張輪椅就咩都睇唔倒啦, 結果佢就揹書, 我就篤拐杖, 佢雖然揹成廿磅, 我都九十幾磅撐晒享手架, 因為唔想隻腳咁攰, 為在將所有力都放晒去對手度
, 結果今日連噤洗手梘都無力呀! 最辛苦係由hall 1去 hall 2, 始終都要打蛇餅, 又無野睇, 又無得挨,不過我篤到一半停响度抖, 好快就有工作人員留意倒我, 放返我出黎搭lift啦!我地1點半磨到7點半, 一路上我每個攤位有挨就挨, 有得崩就崩, 好似無腰骨咁. 見倒d好耐都無人坐又唔近收銀機既椅我就借d椅坐一陣. 以下就係我的戰利品嘞.
每年都少得的類似心靈雞湯的系例, 食譜同生活小品.
小說一定唔少得. 本來想買李敏套神秘谷, 見好似幾有趣咁, 可惜只得番第二及第三集, 無咗個開頭, 摼番!
狗書今年就買小咗. 可能見前排先買咗幾本.
高齡犬書西洋人寫的就有嘞, 要睇下東瀛人寫的先. 本帶著Goldie去旅行本來唔想買, 因為我其實最主要係想睇佢去美加的片段, 但原來只係簡短帶過, 而佢講香港的地方就只有夏萍灣同下白泥我地未去過, 不過見書攤的人努力sell佢話部份收益會撥捐比SPCA, 咁就比下面啦.
7點半終於都去暈hall1, 2 & grand hall, 抖咗一輪, Oldman居然話要去碗屋食日本菜! 仲想摼摼地食d cheap野, 佢睇黎真係攰到癲咗!
落晒樓下, 哈哈哈, 真感動, 伸下手就可以上車, 今日無渣車真係明智的決定呀! 至於碗屋日本菜....待續.
我從來都無去過書展.... ....因為唔鐘意排長龍、同人迫...所以啲セ展物展都唔會見到我 ....我淨係同 dada 去過一次婚紗展...仲係因為我地想影婚紗相先去架, 但就無書展咁多人 你都好勁姐....咁多人你都去...
回覆刪除嘩! 你"吉"吓"吉"吓都去到... 勁呀! 十個叻, 一百個"純正書癡"!! 你對書咁癡心, 令我而家立刻想去睇幾頁書!
回覆刪除CaMa, 好在今年可以走後門, 唔洗排隊咋. 初初到都還好, 到五點零鐘d人放工時就真係幾驚架, 不過都比行花市人少. 隨咗書展, 我媽以前仲成日舖狗展, 食品節咁架. 不過近年老豆成日話狗展又要過海又要迫車, 制住佢先少去咗. 狗展連狗都要入場費, 一家四口入場咩都未買已經唔見三百幾蚊. 係書展佢無我媽子乎.
回覆刪除brownie, 都唔明, 課外書就咁鍾意睇, 如果真係讀書咁勤力就好啦.
回覆刪除我本身都諗過去書展...但最後都冇去到...
回覆刪除本狗狗前世今生好似好好睇咁喎~~heheheeee~~ old man真係好錫你呀, 我lur咗brian好多年都無同我去書展呀~~~ ~~~~
回覆刪除chihuahua family, 其實錯過咗都無所謂, 因為全部d書書局都有得賣, 不過係書展一次過放晒出黎同有折姐. 文妮, 有興趣的話遲d借你睇呀. 你d音波音功功力唔夠我深厚呀!
回覆刪除我年年都有免費飛,但係都懶到唔願出,你好叻呀! 本高齡犬我地係妹妹九歲時已經買定,都有用架. old man很錫你啊. 薯媽
回覆刪除我琴日都去左lu......好多人...
回覆刪除你果然有心有力, 咁都比你捱到幾粒鐘. 我今年冇去書展因為之前病病地, 下年我一定會請假last day才去, 還會拖個細喼, 因為每次最倦都係回程, 腳仔軟兼腰酸背痛樣樣齊, 最慘係迫迫迫..
回覆刪除Spicy媽, 好呀好呀~~hehee~~我老實唔客氣啦,不過你睇晒先啦~~hehee~~ 哈哈, 其實係brian內功強勁, 扮咩都聽唔到呀~~
回覆刪除Grand Hyatt 隔離咪有停車場囉 ? 我地年年都係泊果度 , 一出停車場行過隔離就係會展 . 攞車都好方便 , 係新翼果邊出 , 果邊無封路架 , 唔使兜圈 , 行 5 分鐘就可以去到停車場後門入口 . 6 點前日泊只係 100 大元 , 我地次次都係 10 點幾去到 , 磨到 6 點走人 , 泊足佢 8 粒鐘 , 除開都只係 12 個半一粒鐘 . 張小嫻最新果本小說同散文小我都有買 , 你以往有無買開佢嘅書 ? 我年年書展都好似朝聖咁 , 一埋皇冠個攤檔就梗係攞佢嘅新書 . 不過其實近呢兩年我已經唔係好想買 , 佢 d 新書寫得無以前果 d 寫得咁好 , 篇幅又短喎 , 本 “ 你總有愛我的一天 ” 尋日返工放工兩程車就睇晒 lu… 不過睇咗佢 d 書十幾年 , 我由佢係明報寫專欄就日日追睇 , 書就由佢第一本小說 “ 麵包樹上的女人 ” 開始追買 , 新書唔買又好似有 d 若有所失咁 … 結果 , 都係要塞錢入佢袋 … Goldie 我本來都唔想買 , 都係比面話係慈善咋 , 仲有水壺送添 , 咁咪買囉 ! “ 狗狗的前世今生 ” 就諗咗好耐 … 一講到呢 d 前世嘅野就好有問米 feel, 所以買咗本現實 d 嘅 “ 真情狗話 ”, 都係講 animal communication. 你遲 d 借我睇本前世今生丫 !
回覆刪除Summer, 我地通常都係泊享Central Plaza, 其實只係對面, 但佢潮水式人流管際就迫我地行出去稅局出面兜個大圈囉. 如果我唔係跛腳要慢慢行, 磨唔倒一日麻. 不過今次連行去攞車都唔洗又真係幾過癮, 我地享金紫荊果面出入, 門口係的士站. 我來回都係搭15蚊去金鐘轉城巴, 直達屋企樓下因為中間無站, 加埋都係100蚊, 如果渣車, 莫講話泊, 連隧道油錢都未夠. 張小孄我有買開呀, 由麵包樹&3個A cup的女人就開始, 不過中間果d唔係全部都買, 同埋我無買過佢的散文呀. 噚日都想問你本真情狗話, 我好似立過, 係咪又係果個"木"小姐出的? 你知我對果個基構有點偏見, 其實都唔關果個機構事, 可能係因為佢出咗d扼錢既人整壞佢地個朵姐. 呀講開動物機構, 我之前享amazon買咗本 Kindred Spirits , 雖然唔係直接講animal communication, 不過都係講動物點改變/治療人類, 我睇咗一半, 你有興趣的話遲d借埋過你呀. 至於本Goldie, 我今日先知原來作者係劉細良太太, 其實我先前都懷疑過點解d報紙同收音機專欄會咁極力幫佢促銷, 呵呵呵, 原來係咁解. 我買書當日個擹位個妹妹仔不斷話作者想人唔好留狗享屋企, 我話我知我知喇, 我地都係帶狗週圍去的人...佢立即話個作者享後面呀, 唔知有無做緊訪問, 不如我介紹你識呀? 嘩, 我立即比錢就走啦, 唔好嘥大家時間! 我真係大鄉里, 井底蛙啦, 哈哈哈!
回覆刪除煙花三月... 好睇! 日嚐甜品... 有用!
回覆刪除文妮, 好呀, 遲d都借比你呀. mydoggieshop老闆娘, 最後一日先去, 梗係超爆多人啦. 大雄& , 嘩, 星期六日都唔已經唔敢去, 你仲話要最後一日, 本應比証我唔洗排隊果個朋友都叫我地最後果日先去, 咁就唔洗先去流浮山走果趟添, 但果日幾狂減價我都無本事買呢, 隻腳唔跛都係咁話, 咁迫實無心機揀. 薯媽, 唔係我叻啦, 就算我有免費飛機都無用, 如果要經人潮管制通道打蛇餅經入場我都無本事去. 其實會場入面並唔係大家睇倒的多人得咁恐佈, 只要你唔係假日同最尾果日去, 但一出一入要排長龍同兜大圈果下就真係嚇屎人.
回覆刪除Spicy媽，你真係書展忠實fans，佩服！佩服！ 原本諗住尋日去，點知老豆病足３日，唔駛諗lu...
回覆刪除Lolo, 果然英雄所見略同! 不過我成日都買埋好多食譜, 煲湯炒餸餃子甜品的都有, 但就一次都未照住黎煮過, 次次買親食譜都比Oldman"潤"!
回覆刪除Cotton, 我地唔勁喇, 以往通常我地都係去4,5粒鐘, 見近放工時間多人就閃, 但今年因為跛腳行得慢, 又要抖先搞咁耐, Summer媽原來不嬲磨足成日添呢 . 你爸爸點嘛, 見好d無呀? 真係享double個豬欄染倒豬鏈球菌呀...
回覆刪除原來係西部通道，我見人地d夜景相，好鬼靚架!! 薯爸
回覆刪除我以前都好喜歡睇張小孄, 不過呢幾年都無興趣, 我都覺得無以前寫得咁好.. 養咗狗之後就轉睇狗書多過小說散文lor!!
回覆刪除唔係"木"小姐, 係何婉盈, 佢不嬲對呢d另類療法都有d心得. Kindred Spirits 如果你推介我又想睇呀! 原來係劉細良太太呀! 唔怪之得d宣傳咁勁啦! 我仲屎啦, 唔係你講都唔知! 係啦, d妹妹真係幾落力sale, 我話d地方我地都去過晒喇喎, 佢地就話有美加喎; 我話得咁少篇幅, 佢地就sell慈善! 反正幾十蚊又有水壺送, 咁咪買囉!
回覆刪除呵呵呵, 原來唔係木小姐, 事關今年書展都見好多佢既書, 連急救都有... 呀劉太比蔡子強潤呀, http://hk.news.yahoo.com/070724/12/2c6cr.html , 車, 咁佢又享收音機講到呢本書有幾咁幾咁好睇!!!
回覆刪除老豆今日可以返工啦！無事了，謝謝關心！！
回覆刪除薯爸, 睇漏咗你的留言添! 我見人地d夜景相，好鬼靚架!! 言則....你即係話我地影的就好鬼肉酸啦....
回覆刪除