媽子前晚去完Double度之後個頭痛足兩日一夜, 噚晚仲要出去請老爸個朋友食飯, 因為佢可以幫我地去書展, 結果食完飯要同朋友一齊去到流浮山攞入場証, 無法啦, 媽子對腳無可能同人群一齊打蛇餅.
呀娘星期六起身個頭都係好似會爆炸咁, 再食藥都係唔得, 但又抵唔住Bu-B母后的誘惑, 好, 咁中午再瞓多一覺, 無咁痛就出發啦!
好野好野, 我好耐好耐都無跑過喇! 雖然我個跑樣唔可愛, 媽媽d攝影技術又麻麻, 不過都要比你地睇下, 因為我愛草地呀! 咦, 點解今日Bobo少咗衝出黎"中"我喎, 真係多謝佢嘞, 如果佢以後都係咁就好喇!
老兵對腳似老媽, 就乖乖地影下相算吧啦! 你兩個再跌親都好大件事呢!
No爺: 我都唔鍾意跑, 影我啦, 我靚仔呀!
老兵尿尿, 對腳又唔夠力, 一唔係就踩倒....
原來今日Bobo愛反sir滑梯, 呵呵, 原來Bu-B成日追住佢同我報仇呀. 不過你睇Bobo享滑梯頂好似瞭望台咁, 個樣幾威!
睇完我跑跑連環圖, 不如睇下魯芬同我Tanbie哥哥的連環圖啦, 佢地張張神情都一樣的! 留意下大山婆條尾, 好靚呀, 好似松鼠咁.
睇下Tanbie幾瀟灑, 大山婆梗係想學佢啦...
日落下的Bobo....唔衝埋黎嚇我果陣又幾靚既!
真係撐d比佢呢個純良可愛個樣扼倒. 
No仔: Bobo, Spicy媽話你扮野呀! 我係你就發火嘞!
Bu-B: 今日全靠我咋, Spicy, 你要請我食飯呀! hehe...諗起有得食就想笑...我都唔係成日mook起個咀姐.
經No爸提過, 發現原來真唔係成日影倒Gigi對眼核架, 同Bu-b個笑面差不多咁少見呢.
趁未天黑快d影番d合照先啦.
Tanbie:
老兵: 碎料啦, 我呢排少咗出街, 都仲有心有力, 咪應酬下d細路囉!
Tanbie:
Gigi:
唔影咪唔影囉, 天都差不多黑晒, 我地去
好野, 我同媽媽細個一樣, 最鍾意去飲架嘞!
Summer爸:
Summer:
Summer媽:
姨丈, 睇下你個樣, 有B萬事足咁, 不過Tanbie好眼瞓咁....
Bu-B父皇: 食飽飲啖水啦!
我唔眼瞓呀, 皆因老豆成日用個迷暈鎖扣住我唔比我上枱扼酒飲!
仲要衰到攞d花生引我, 唔制, 我要花生送酒呀!!!
Gigi: 花生送白蘭地, 我都想試呀!
No爺, 啋你地都傻, 呢度冷氣勁, 我睡魔急call呀, 咩酒都唔飲喇!
有得跑大草地...真係開心........
回覆刪除Spicy 跑得咁快, 趕住去邊樹呀? 點解張合相...Spicy, bingo, Gigi 同Tanbi 迫埋一齊架...好似人地選美佳麗攝位
回覆刪除CaMa, 我幾個月未跑過草地, 有d失控啦! 老媽子囉, 話要我地坐埋d埋d. hehe....好感動呀, 由老媽子初識你到宜家你話分唔邊個係我, 到今日你終於認得晒我地...
回覆刪除Tanbie靚仔返晒, 冇再生意失敗.
回覆刪除brownie 係播, 你唔講都唔覺添, 世上只有媽媽好! 咦, 你做咩唔讚我呀? mydoggieshop老問娘, 係呀, 所有牧羊狗都愛草地啦.
回覆刪除Wa~ 有咁大片草地.. 正呀！下次我又要一齊玩玩！
回覆刪除spicy跑步個樣好掂呀,如果Don仔肯自己跑就好呢! 你地次次都會乖乖地影大合照,抵錫! 薯媽
回覆刪除我做咩唔讚你 呀... 呀... 你俾你老豆用迷暈鎖扣住個樣, 傻得好... 呀... 呀... 傻, 唔係唔係, 係可愛!
回覆刪除仙太郎, 好呀, 有機會一齊反呀. 薯媽, 我都唔係點自己著架咋, 好多時要爸爸撻, 又或者追d狗狗先會, hehe...如果係異族, 可以追人九條街呢, 所以成日比媽媽話我嚇親人, 車, 我又肥又輪盡, 咁易追倒人咩! Brownie, 你係咪欠湊呀 !
回覆刪除而家d姐姐咁惡死嫁...
回覆刪除