唔知點解, 以前對牛肉都係一般, 但近年黎好似無牛不歡咁, 食西餐食牛, 食越南菜食牛, 食漢堡包都係揀牛.
Shabu Shabu我都愛呀. 好懷念東京的shabu shabu放題, 由當初的1,000yen, 跟住1,200yen到最後一次去1,500yen, 已經幾年無去過, 唔知宜家間餐廳仲享唔享度呢? 牛肉比香港續碟收錢的靚好多, 菜仲有我最鍾意的春菊, 服務好到你唔信, 差不多一夾埋碟最後一片就自動同你refill. 幾年前去淺水灣酒店食過200蚊位任食果d, 食物質數同服務都唔及東京1,000yen果d, 仲要乞求待應幫你添肉, 因為你d cheap精淨係黎食200蚊的火鍋.
今晚本來Oldman話去食日本野, 但搵唔倒間餐廳, 經過白人一豬, 就不如就食shabu shabu啦, 橫惦火鍋八折.
不過又係食到一半先記得影相....
呢個火鍋好多年前晌銅鑼灣的分店食過, 當時係一人一人盒牛肉的, 宜家變成兩人一大碟, 全靠其他的配菜質飽你. 不過牛肉都幾靚, 算佢啦.
已經食咗一半, 好在未落綠色果d菜住....
餐牌令我諗起.....薯媽喎. 好好睇的舞台劇嗎?
呢間分店次次黎完我都覺得下次黎時佢應該唔享度, 睇下幾熱鬧? 哈, 不過每次好耐之後經過, 佢又仲享健在喎!
食食下望倒綠色果d菜, 嘩! 原來洗唔乾淨, 中間居然有泥....呀姐後來收碟時Oldman話比佢知, 佢都好唔好意思, 話不如補番比我地, 唔洗啦, 都飽lu. 佢話咁不如請你地食雪榚或者飲野啦, 結果我地揀咗凍咖啡. 都幾好飲呢!
呢杯咖啡比起早兩日去老趙越南菜的咖啡好飲得多, 午餐包咖啡, 我仲以為係包越南咖啡添, 原來係即溶果d!
比你搞到Lolo好懷念日本嘅Shabu Shabu... d牛又靚又任食...
回覆刪除牛牛係我最愛....... 你鐘意飲越南咖啡架? 我 hubby 每個 weekend 都自巳整...
回覆刪除shabu shabu, 我老爸最喜歡, 去襯日本和食店幾乎必叫的食品
回覆刪除shabu shabu我鐘意呀, 年初既時候食都好似仲係一人一盒喎... 以前新元朗中心商場有間麵藏, 係百人一朱既副線, 佢個shabu shabu二人份量只係一百蚊, 雖然無壽司前菜, 但兩大盒牛肉加埋配菜, 自己叫多個壽司併盆, 百五蚊食到捧住個肚. d牛肉都好靚架, 差唔過百人一朱好多. 以前冬天隔個禮拜就食一次, 不過幾年前執咗笠lu.
回覆刪除百人一豬都執左好多間喇!! 以前要等半個鍾先有位, 而家........
回覆刪除你地D飲飲食食傳染病真係好勁, 檬媽燒完牛肉, 一下就傳左比你, 又牛肉SHABU SHABU, 我都要快D好番, 係樓下打下邊爐頂住先...
回覆刪除嗄, 大雄你又病呀? 咩咁唔小心呀? 你要保重好播, 你屋企個大仔仲要你湊架. 原來檬媽都食完燒牛肉, 嘩, 佢果d豪好多, 我呢d碎料姐! 檬檬&Summer, 都話奇怪點解佢地執來執去都仲有既? 都幾有耐力. CaMa, 其實我都幾鍾意飲咖啡, 不過又怕對身體同皮膚唔好, 所以一日唔會飲多過一杯, hehe, 我最愛都係可樂. 飲越南咖啡都係因為外家搬咗去LA之後開始, 反而香港越南菜唔係好輕飲咖啡. Jose, 真唔明, 你老豆咁為食, 但一d都唔肥既? 查實佢係咪生虫呢? 你得閒比你d drontal佢吃下啦. Lolo, 呢個係我愛東京的其中一個地方, 正!
回覆刪除等我嚟掃吓大家興先； 我媽咪極少食牛，除咗佢戒極都唔甩嘅日本和牛外（但都好少食），其他都唔食，因為佢話劏牛時d牛會喊...
回覆刪除Spicy 媽，你真了解我，我作感冒飲左幾劑中藥後就呆呆地，好眼瞓，係張ｓｏｆａ攤屍，我屋企個大仔只好食飛碟包做晚餐．
回覆刪除咁貴唔貴呀...?? 牛肉都係媽媽至愛...
回覆刪除百人一豬, 以前劉生係 cwb 返工時, 都成日去, lunch 超抵又好味, 依家好耐無去喇.. d 牛肉好正呀, 好想食..
回覆刪除牧牧, 百幾蚊咋, 仲有八折呢.
回覆刪除