噚日Los Angeles Times 報導咗加州州政府草擬的新法案引黎的極大回響.
政府認為此舉會節省每年用於處理及毁滅流浪猫狗數目, 不過就遭到好多狗會及繁殖者反對, 甚至美國狗會 (AKC) 誓言如果此法實行的話, 佢地會將今年甚至明年在加州長灘的狗展擱置.
其實亦有猫狗可以豁免, 例如合資格的繁殖者, 警犬, 以及繁殖作assistance dogs (如導盲犬等). 不過有反對聲音就認為此舉反而會令一d低收入家庭因為負擔唔起絕育費用而放棄其寵物, 無助於減少棄養數目. 政府應該係用教育而並非強迫去達到效果.
其實我地玩開的的一班狗狗大多都已經絕育, 我自己就贊成多過反對, 最主要係可以減少"意外" 及一d唔理狗狗健康及質素的無良繁殖者用breed狗黎搵錢, 香港就最多呢d backyard breeders. 起碼不幸走失的名種犬唔會落入不法之徙手中.
最近有開寵物店的朋友話我知, 佢地將一隻無人認領的小牧交咗比一個有心人領養, 但不久居然發現隻狗享狗場出現, 場主話有人用200蚊賣呢隻狗比佢地, 作繁殖用!
其實住家繁殖沒甚麼大不了, 不過我見過有d人認為自己有隻狗女就胎胎水水都要佢生, 幫狗主搵錢, 以愛狗為名, 利用佢地黎搵錢為實. 質素其實比寵物店更無保証. 寵物店打正旗號為錢, 我覺得反而光明正大.
有興趣閱讀全文可以去呢度: LA Times
我都贊成wor, 咁有得豁免, d 人想breed, 咪去符合個豁免要求lor~ 而講到低收入人事, 首先我真係覺得如果連desex 費用都拎唔出既人其實真係唔應該養狗架, 經濟拮据成咁, 自己都養唔掂啦!!!! 咁當然係有d 咁既人存在既, 我覺得政府可以考慮係推行法例既初期補貼/贊助/借貸俾合資格既人士同狗狗desex, 或者邀請一d 志願vet 同狗狗desex, 呢d 唔會係長期既expenses, 只係過渡期only~
回覆刪除係喎, 無錢絕育, 咁有病都唔慌洗會帶佢地去睇醫生啦...
回覆刪除其實同d人唔諗清楚, 就做錯事一樣, 害死不少生命..真係無人性..
回覆刪除我都讚成，絕育都唔會洗好多錢，連絕育依個責任都唔負，真係唔好養狗啦~~ 薯爸
回覆刪除絕育的好處多過壞處啦!! 我都聽過有寵物店將客人寄養的狗攞去配種, 真係無陰公
回覆刪除" 將客人寄養的狗攞去配種 "!! 真係好過份... 其實強制絕育係好事, 不過AKC反對下都幾難pass到..
回覆刪除呢d事成日都發生, 我都聽過呀, 有隻狗公就搞到有性病, 虛脫, 個主人取會狗狗後覺得唔對路, 帶去睇醫生才揭發此事.
回覆刪除簡直係聞者傷心, 見者流淚... 咁隻仔仔等同被rape...
回覆刪除香港那些無良狗販亂咁繁殖攪到狗狗出了好多遺傳病害了好多條生命, 檬檬就係其中一個受害者.
回覆刪除睇黎呢個法案通過的機會都好低, 就咁click入去LA Times個民調, 都係大比數反對.
回覆刪除