今日係No仔同Gigi既生日Party既大日子, 媽媽一定要整d好野食去賀下No仔老人家啦! 唔經唔覺, No仔已經11歲, 連Gigi都7歲了.
今朝老媽子一早起身, 就係為咗整呢個梳乎厘, 不過佢未整過架, 唔知掂唔掂, 唔掂就無得食lu. 材料有牛奶, 芝士碎, 雞蛋, 同薯仔.
先將薯仔煲焾, 去皮然後猜成薯蓉, 將薯蓉放回煲中, 開慢火, 加入牛奶同芝士碎, 快手攪勻. 跟住加入蛋黃, 立即熄火.
蛋白打至企身, 先將1/3蛋白加入薯仔漿, 拌勻, 再將餘下蛋白加入, 再拌勻, 要順同一個方向搞.
焗盤塗上牛油, 倒入梳乎厘漿. 最後焗爐底盤放1cm熱水, 將梳乎厘放入預熱的焗爐用180度爐半小時 (視乎梳乎厘大小) 直至表面金黃即成.
焗緊時漲卜卜, 幾靚!
焗好喇! 呢4 個係我同bingo既.
呢個大既送比No仔, Gigi同其他狗狗一齊食!
焗好要快d食喎, 不過要小心熱. 因為同一般梳乎厘一樣, 凍咗會塌落黎架!
正確黎講gigi細我四年,佢七歲ja.... 梳乎厘到夜晚食都ok啊, 仲好arm我老人家,唔用咬可以直吞
回覆刪除嘩...好正...
回覆刪除我地狗地食唔到太熱既野咁咪一定要塌落黎先食得？
回覆刪除hehe.. 我double 豬雖然狗無到, 好彩我派兩老出席... 佢兩個好似去完飲無蝕底咁攞d 手信返嚟比我double豬同細佬仔食...好味....
回覆刪除嘩，好好味呀！我從未食過梳乎厘㗎，最衰都係媽咪...
回覆刪除http://hk.myblog.yahoo.com/my-double/article?mid=590 http://hk.myblog.yahoo.com/mandysteve922/article?mid=3895&prev=3904&next=3860 spicy , 你叫你媽媽老豆去薯仔妹妹個blog 度, 鼓勵吓佢呀,佢今年13歳, 佢又係因為病病, 令佢爸爸媽媽好憺
回覆刪除改番7歲喇, 其實我噚晚都諗過究竟係7歲定8歲呢...hehe. 難得no仔老人家鍾意, 我得閒又整d佢嘆先. 熱辣辣梗係唔食得啦, 最靚果個樣係要黎睇架咋. 不過如果唔係我媽貪心要焗個大既, 唔會好塌既, 細細個果d凍咗都好cute. 暖暖地果陣我媽都用羹勺咗呼凍比我地食!
回覆刪除江太, 我地一早去咗薯妹度祝福佢啦. 呀盾....你地唔黎都唔親自同主人家講聲....
回覆刪除唉，我成朝都預備緊去玩㗎，點知我屋企果兩老突然話去唔到，你都唔知我幾咁過失望呀！
回覆刪除我都好想食埋一份..
回覆刪除好正喎! 等我地又試下整先, 用全脂奶定脫脂奶?
回覆刪除薯仔已經好高熱量, 仲加埋芝士, 所以我會選擇用脫脂奶. 不過其實要好少奶咋. 我整咗四個大薯仔, 都只係用幾湯羮奶. 先前以為太結, 不過加埋蛋黃同蛋白泡, 又岩岩好播.
回覆刪除5:00到8:00先左一個月，攰死....，不過睇返你地好好笑，見到老鬼走了又心up up ，你地而且重未識檬檬和牧牧，但而家就一齊去旅行.....。
回覆刪除明天有空再繼續埋先...