呢晚爸媽帶去咗我地去Summer屋企BBQ. 我知媽媽心情唔好, 所以一路上都好似特別乖咁, 入隧道時我驚驚都無跳落腳底, 又無摟佢抱, 又無踩Bingo, 只係靜靜地咁坐埋一邊.
大家送完Matrix之後就分頭行事, Nono爸媽就番屋企湊No仔同Gigi, Summer爸媽就番屋企準備, Bobo媽呢就跟Matrix爸地番屋企湊佢兩個細佬, 等Matrix爸媽可以安心上去攞埋Matrix d骨灰, 本來爸媽話想帶埋Bobo去買餸, 等Bobo媽可以專心照顧兩隻大隻B, 但Bobo媽話會同Bobo爸會合, 應該搞得掂. 咁我地一家就帶埋姨媽地去大浦街市買海鮮! 好在Double媽同Bu-B媽可以幫手去買牛排咋.
結果媽媽化悲憤為購物欲, 買咗好多好多野食, 有帶子啦, 象拔蚌啦, 蟹啦, 老虎蝦啦, 蜆啦, 聖子啦, 仲有之前訂落的三文魚, 加埋Ellen姨姨買回來的美國牛排, 牛仔骨同鱔,一張枱都放唔晒!
到咗後Summer媽問咗媽媽幾次, 係咪買得太多野呢? 好在醒目的Summer媽一粒丸丸同一條腸都無買, 因為次次咁多好野食, 仲鬼有人食丸咩! 今次雞亦都只係買咗15隻, 一人得一隻, 試下就算囉. 爸爸話其實唔係好多野姐, 只不過係種類多咋! 每款食物一人都係得幾舊之嘛!
不過就係多d野做咁囉, 老媽子同老豆享Summer個廚房洗咗好耐好耐, 出面的姨姨不斷調味同係咁包呀包呀包. 成個鐘都過咗喇! 仲未有得食!
喂! 你地咁多好野食, 唔好唔記得我地喎! 好抵得諗的Double媽主動幫手切咗媽媽焗的蠶豆批分比我地食.
咦, 但點解佢個口咁漲, 仲郁郁下既? 你果d出面燒緊啦! 咪偷我地果d食好播....
Summer: 呢位姨姨, 你隻手伸長d好播!
輪到我地未呀?
晚上突然落起雨黎, 於是d爸爸就享出面負責燒, 媽媽們就享屋入面等食同餵我地. 忙亂中發覺Matrix爸已經享梳化瞓著咗. 想必佢呢排一定心力交碎. 媽媽提意不如早d整湯丸, 等Matrix爸媽食完可以早點番屋企休息.
跟住媽媽就教Summer媽同姨媽一齊整嘞!
D小丸子好似棉花糖咁, 好cute下喎! 不過我知我係唔食得的. 問我點知? 我媽媽享屋企猜時試過放一粒享我面前, 我聞下就掉頭走啦, 你當我傻架!
有得食喇!
跟住Matrix爸起身食湯丸, 咦, 又有番d胃口喇喎, 仲可以再食其他野, 因為出面落雨既關係, d野燒極都未燒晒, 食極都食唔完, 我同Bingo就瞓咗幾暈都未走得, 我瞓下又起身同Double打下, Bingo又同姨媽的魯芬Gigi打下, 大家又黎勸下交, 結果食到零晨1點正, 所有野都終於全部都清晒! 一件不留. 老豆仲懶叻咁話岩岩好, 一d都唔多! 好彩媽媽都估倒會夜, 帶定餐盒比我同Bingo咋, 如果唔係...
好開心呀個party…人&狗都一定好開心喇！
回覆刪除spicy…你係咪沙田友黎架？
回覆刪除以前係, 我地同Bobo一齊住大圍架, 不過早兩年各自搬咗lu. 我地搬咗去深井.
回覆刪除spicy, 我係大圍友喎! 唔搬就好啦, 可以一齊散步麻!
回覆刪除噢, 原來你都係大圍友. 早d識你可能真係唔搬住架, 當年Bobo地話要搬, 老豆話大圍都無野值得留戀lu, 所以寧願丟空間舊屋都要搬走...不過Bingo對腳唔好, 又年紀大, 都係時候上樓搭lift喎. 其實媽媽同我都不知幾鍾意住村屋! 宜家賣咗, 無得番轉頭lu. 其實香港咁細, 可能好快大家又有機會住享附近呢!
回覆刪除隻隻狗狗都好乖噃... 係喎...得閒幫我問候吓joseph & mickey... 唔知joel & jose會唔會唔習慣呢...??
回覆刪除如果早些識你, 就多一個留戀既藉口囉!
回覆刪除牧牧: 好呀, 佢地都會上黎睇架, 不過今日見倒佢兩個仔又無咩野咁喎, 享屋企點就唔知.
回覆刪除hehe... "收"家死lu... 比你媽媽影到佢偷我地d 狗狗野食...
回覆刪除